miðvikudagur, janúar 31, 2007

Blóðrauður himinn


greinarrautt
Originally uploaded by melong.

Þemadagur eitt:

Það gekk vel en ég hugsa að ég vildi óska þess að við hefðum skóla sem væri svo skapandi að við þyrftum ekkert að vera með þemadaga.

þriðjudagur, janúar 30, 2007

Beverly Gray


BevGraySamerika
Originally uploaded by melong.

Þessar bækur las ég allar upp til agna á árum áður. Ég veit ekki hvort þær koma frá mömmu eða ömmu en ég fékk þær hjá mömmu til að binda inn.
Á laugardögum mæti ég í Kópavoginn og læri að binda inn.

Í dag reyndum við að klára undirbúning fyrir þemadagana sem að byrja á morgun. Fjölmenning eitthvað , heimsálfur eitthvað.
Ég verð stödd í N- Ameríku og þar verður þemað með veðurfarslegu ívafi. Þetta verður bara afslappað hjá okkur.

mánudagur, janúar 29, 2007

að vera eða ekki að vera það ser stóra málið


bloggið
Originally uploaded by melong.

Ég er enn að lesa þessa bók. Síðan á síðasta ári. Það gekk vel framan af en svo hef ég minnkað lesturinn. Þetta er frábær bók og ég sé líf mitt alveg í nýju ljósi. Þetta meikar allt í einu sens fyrir mér........

sunnudagur, janúar 28, 2007

GR


grgrGR
Originally uploaded by melong.

Frá Snæfellsnes ferð okkar 2005. Ég er nú ekki mjög vandvirk í fótósjopp !!! Pyt med det siger jeg !!!

Ég blogga, þess vegna er eg !



www.thinkgeek.com

Frjósi-leikur


frjosfimm
Originally uploaded by melong.

Þessir krakkar eru nemendur í 3. KV.
Þau eru nú alveg frábær, innlifunin er einstök.

Í lok tímans hef ég oft leiki. Enginn leikur fyrr en búið er að ganga frá.
Öllum finnst gaman að leika, líka fullorðnum. Ég hins vegar, kenni bara börnum, í augnablikinu , í það minnsta.

fimmtudagur, janúar 25, 2007

Ljósmynd eftir pabba


IMG_0113
Originally uploaded by einarlsig.

Mynd þessi var tekin í hitteðfyrra , býst ég við.

Í dag fór ég til Reykjavíkur og svaraði nokkuð hundruð spurningum. (meira um það seinna, kannski) Frekar lýandi að hugsa svona mikið og svara svona mörgum spurningum, en ég hafði það af á mettíma, samt sem áður.

Hitti Foreldar mína, systur mína, börnin og líka Eggert.
Ég passaði Gísla vegna þess að hann vildi frekar vera heima og LEIKA heldur en að fara í útréttingar. Honum hættir víst til að sofna í svona skutlferðum. En svo bregðast krosstré sem önnur tré því að eftir smá leik ákvað Gísli að ég myndi lesa bók, sem ég gerði að sjálfsögðu. Það endaði bara með "´ösköpum" þar sem að við sofnuðum bæði !!!
Þvílík barnapía !! Vonandi verður hann ekki of hress og tekst að sofna þrátt fyrir okkar blund.

þriðjudagur, janúar 23, 2007

Rússibanar


tree
Originally uploaded by melong.

Íslendingar eru manio depressivir. Það er annað hvort upp eða niður !!!! Veðrið er stundum þannig.

Guðmundur er ánægður í vinnunni, að ég held. Reyndar bara tveir dagar liðnir. Hann var ekki í neinu skógarhöggi í dag, "bara" vélaviðgerðir.

Mikið að gera í dag. Fjáröflunarnefndin var með vinnubúðir í dag í tvo tíma. Við ætlum að gefa út tvær bækur til að safna fé til utanlandsferðar í júní. Við erum að fara til Leeds í Bretlandi.

Ég er oft óraunsæ og vil vera með en átta mig svo kannski eftir á að ég hef ekki tíma í viðkomandi verkefni !!!

mánudagur, janúar 22, 2007

ikea egg


ikea egg
Originally uploaded by melong.

Guðmundur er byrjaður að vinna hjá fyrirtæki sem heitir GRÆNI DREKINN. Það er ekki kínverskur veitingastaður eða pöbb.
GR væri góður á barinn þar sem ekki væri hætta á að hann myndi detta í það því að honum finnst vín svo vont. Að vera vondur við vín hefur nýja merkingu hjá mér núna. Maðurinn sem vínið hafnaði...
æi bull er þetta í mér....
Græni drekinn er skógarhöggsfyrirtæki nefnt eftir tækinu sem sér um höggið. Gr er því orðinn skógarhöggsmaður !!!

Soldið skondið .....

laugardagur, janúar 20, 2007

Gamli skúrinn farinn


blatthus
Originally uploaded by melong.

Útsýnið sem við höfðum í fjöltæknideildinni , lokaárið okkar í MHI.
Ég set þessa mynd hér inn þar sem að einn úr okkar hópi ákvað að lifa ekki lengur. Ég kynntist Jóa þegar ég var 19 og við vorum bæði að vinna í garðyrkjunni hjá Einari Þ. Síðan varð ég svo heppin að hann varð skólabróðir minn og við vorum skólasystkin í þrjá vetur.

Það er ekki mikið um þetta að segja, ég reyni bara að biðja fyrir fjölskyldu hans. Maður er bara algerlega vanmáttugur.

BLESS JÓI, FAR VEL OG TAKK.

miðvikudagur, janúar 17, 2007

ammaafiogbörn


ammaafiogbörn
Originally uploaded by melong.

Þar sem heili minn líkist stundum gatasigti þá verð ég bara að blogga þessari mynd jafnvel þótt ég hefði birt hana hér áður.

Alltaf haldið upp á hana þrátt fyrir að afi sé í örlítilli þoku.
Amma á heiðurinn af fatnaði barnanna ungu, Ásgeirs og mömmu.

Hér á Selfossi er jafn kalt og að undanförnu og tíðindalaust að mestu leyti. Ég er núna búin að hitta alla nýju hópana og fæ fyrstu hópana í annað sinnið á morgun og þá er að sjá hvort að ég muni einhver nöfn frá því í fyrri viku. Í fyrsta sinn sýndi ég þá framsýni að taka mynd af hverjum og einum nemanda, uppi við töflu og skrifa þar nafn viðkomandi svo og bekkjarins. Þetta trix hefur hjálpað mér heilmikið við að festa nöfnin. Ég hef þá alltaf myndirnar og get kíkt á þær áður en að börnin mæta hjá mér.

Ég skoða líka vel alla afmælisdaga og stjörnumerki til að reyna að tengja eitthvað sérstakt við hvern og einn.
Upp úr stendur hún Ásta en hún á sama afmælisdag og ég. Meirað segaj man ég að hún er í 5. bekk !!

Vel af sér vikið fyrir bráðum fertugt gatasigti !!!
Hvað er maður að kvarta eiginlega ?

þriðjudagur, janúar 16, 2007

the 3rd foot


the 3rd foot
Originally uploaded by melong.

Kalt og svalt á Selfossi.
Tíðindalaust að mestu.
Maður er syfjaður á þessum tíma sólarhringsins (korter í ellefu)

Þriðji fóturinn var myndaður 1. janúar.

mánudagur, janúar 15, 2007

Mánudagur


Missing
Originally uploaded by melong.

Kennsla, gaman, nýjir nemendur.
Siesta.
Frágangur, ferðalag. Eldaskálinn Ármúla.
Pönkbærinn, matur á K91.
Seinna: Heimsókn til Katrínar ofl.
Ekkert mál að keyra, næstum því autt.
Ekki SVO mikill snjór hér í Rvík og nágrenni.
Aðeins ýkt en nóg samt.

sunnudagur, janúar 14, 2007

sne neige snow


15-hours-missing
Originally uploaded by melong.

Mikill snjór.
Gaman, fallegt, kalt..
Sunnudagur, hvíld, snjómokstur.
Leti, símtöl, kaffi, heimsóknir.
Flickr, flottar myndir.

laugardagur, janúar 13, 2007

Meiri snjór, meiri snjór.........


Skugg
Originally uploaded by melong.

Ég var á heppilegum tíma heim í dag. Var komin heim löngu áður en fór að hvessa og að snjóa aftur. Það blæs enn og það er yndislegt út að líta. Ég hlakka til að fara út með Lukku á morgun.

Mér fannst ég nú ekki komast mjög áleiðis á bókbandsnámskeiðinu í dag. Ekki farin einu sinni að sauma, hvað þá meira. Ég finn að ég þarf að taka á allri minni þolinmæði í þessu. Ég er byrjandi og veit ekki neitt, veit ekki hvað gera skal næst. Sennilega lagast þetta. Á nú ekki von á öðru.

Myndina tók ég í skólastofunni, fékk lánaða auka hendi .. ... ...

föstudagur, janúar 12, 2007

Föstudagur til útsöluferðar


uglybetty
Originally uploaded by melong.

Ég freistaðist til að kaupa góða strigaskó í Nóatúni og Guðmundur fjárfesti í skyrtum og bolum. Ekki vanþörf á að hann fengi sér ný klæði !

Í nótt bættist við snjóinn hjá okkur hér í Árborg. Sami fallegi púðursnjórinn sem fyrr. Við fórum í gærkveldi í göngutúr með Lukku að verða hálfellefu. Fátt (einn) var á ferli svo að við höfðum ekki fyrir því að vera með hana í bandi enda var hún alsæl og skoppaði enn meira en ella fram og tilbaka, afturábak og áfram. Ég mokaði síðan snjó áður ég ég fór inn. Ég er ekkert svekkt yfir því að það skyldi snjóa ofan í það því að mér finnst bara gaman að moka snjó. Svo er nú ekki eins og það sé einhver áreynsla að moka svona léttum snjó !

fimmtudagur, janúar 11, 2007

Tveir snjókarlar


EgGr
Originally uploaded by melong.

Þessir myndarlegu sómamenn eru báðir tengdasynir foreldra minna. Myndatakan var gerð til þess að ná á mynd þessum smekklegu og fallegur treflum sem að Furstahjónin í Kópavogi gáfu þeim í jólagjöf.
Myndatakan breyttist fljótt í farsa a la Margrét og Fanney og úr varð þessi sería. Flestir viðstaddir höfðu gaman af og kannski Lukka líka.

miðvikudagur, janúar 10, 2007

Miðja lífsins


bæn
Originally uploaded by melong.

Eiginlega ætti ég að vera með snjómynd í dag en þessi kallaði á mig.
Ég skýt stundum á sjónvarpið og þetta skot er úr heimildarmynd sýnd á Ruv. Ekki hef ég þessa þörf í dag.

Mikill snjór á Selfossi, mikið fjör og mikið gaman. Undirrituð er þó ekki með fjörugra móti nema síður sé en hins vegar mun það líða hjá eins og annað.

mánudagur, janúar 08, 2007

Kalt hér sem og sumstaðar en ekki á stökustað.


dad-in-focus
Originally uploaded by melong.

Ég set hér inn mynd sem að ég tók á annan í jólum er verið var að flytja til sófa á Kópavogsbraut vegna veislu þá um daginn.
Þetta var skot út í óvissuna og ekki vissi ég hvort að nokkuð yrði í fókus.
Nema er ekki pabbi þarna pollrólegur en ekki hvað, hann er með báða fætur á jörðinni, svona alla jafna.

Nú flýti ég mér að taka til náða þar sem ég hefi lofað mér að vera komin upp í fyrir klukkan ellefu.

sunnudagur, janúar 07, 2007

Skal vi gaa ud og spadsere ?


kaffibætir0001
Originally uploaded by melong.

Við Lukka liggjum hér í og við sófann.....

Við vorum í fjölskylduboði á K91 í gær með mömmu fjölskyldu. Allir þar nema Guðmundur sem er að "sinna nokkrum erindum" á landareign sinni undir fjöllunum. Við fengum Pekingendur sem voru ljúffengar og höfðum það gott þó svo Makki greyið hafi verið heldur ósáttur við flugeldaskot nágrannanna. Lukka var svosem ekki kát með það heldur en fór betur með það en sonurinn. Ég þoli hávaða reyndar ekki mikið betur en hundarnir.....
Í kvöld er svo frænkufundur svo að þetta er sannkölluð fjölskylduhelgi.

Nóg komið af tölvuhangsi í bili .... best að drífa sig út.
Bless í bili.

Ha, eru jólin búin ? Strax ? Mikið er ég hissa.

laugardagur, janúar 06, 2007

Sprengieyjan eða Sprengland ?


My creation
Originally uploaded by melong.

Hávaði, hávaði , hávaði og til hvers? Til að hrella náungann eða hvað?
Ég var að byrja á bókbandsnámskeiði hér í Kópavogi í dag og líst mér mjög vel á það. Það er hjá Kvöldskóla Kópavogs. Þarna er fólk sem hefur verið á námskeiðinu í mörg ár og er ég aðal nýliðinn í hópnum. Ég er nú búin að klófesta allt Beverly Gray safnið hennar mömmu svo að ég hef nóg fyrir stafni á næstunni.

föstudagur, janúar 05, 2007

jolakort a vegg í eldhúsinu


jolakortavegg
Originally uploaded by melong.

Það vantar að vísu nokkur kort á vegginn, smá bunki gleymdist á Núpi.
Svo að ef að þitt kort er ekki á myndinni þá er það af eðlilegum orsökum.

Þessi siður kemur frá foreldrum mínum og eru kortin sett upp nokkurn veginn um leið og búið er að opna þau og lesa. Ég gæti ekki geymt kortin fram á aðfangadag en það er örugglea afar hátíðleg stund hjá mörgum.

fimmtudagur, janúar 04, 2007

lukkasaeta

lukkasaeta

Þessi mynd var tekin í myndaferð minni á nýársdag.Ekki leiðinlegur félagsskapur í henni Lukku minni.Núna er ég að undirbúa morgundaginn en fer í innkaup og svo austur á leið eftir vinnu. Við skreppum "heim", förum í heimsókn, og komum svo "heim" aftur ! Það er ágætt að vera byrjaður að kenna aftur. Ég fæ svo tilbreytingu í næstu viku þegar ný önn í list- og verkgreinum byrjar og fæ ég þá alveg nýtt fólk til mín. Bæði tilhlökkun í því sem og eftirsjá eftir núverandi nemendum.

miðvikudagur, janúar 03, 2007

Vinnan göfgar manninn

Það var bara gaman í vinnunni í dag. Eftir hádegi var velheppnað hópefli fyrir starfsmenn skólans. Ég hló eins og mér væri borgað fyrir það, alveg úrvinda á eftir.

þriðjudagur, janúar 02, 2007

Vakandi frameftir nóttu með Lukku minni


Er hún bara ekki sætust ?
Ég tók 300 myndir fyrir utan húsið, í innkeyrslu nágrannanni og í garðinum í dag !!
Veðrið og birtan voru alveg frábær. Fullkomið ljósmyndaveður.

mánudagur, janúar 01, 2007

Gleðilegt nytt ar, takk fyrir gamla arið


Happy New Year Comment Graphics

)))) 2007 (((((



Það er dásamlegt veður hér á fyrsta degi ársins. Ég ætla út að taka myndir um leið og bloggið er búið. Þegar við komum heim í nótt var allt hvítt hér, svona frosthvítt. Eitthvað smá hefur snjóað en aðallega var þetta frost.

Sprengingarnar í Pokavogi voru yfirgengilegar og það var sem að aldrei þeim ætlaði að linna. Lukka stóð sig með eindæmum vel. Hún hélt sig nálægt okkur og vældi ekkert. En ég held að hún hafi verið fegin þegar hún komst heim.