Eva Solo blomapottar

Alveg "brilljant" fyrir kryddjurtirnar ! Ég vil biðja ykkur um að láta mig vita ef þið finnið svona potta í búðum hér á Fróni. Þetta er bara snilld, maður er ekki nógu duglegur að vökva kryddjurtirnar og þá fer ekki vel...... Það er nælon snæri í efri pottinum sem liggur niður i neðri pottinn og virkar sem framhald á rætur plöntunnar. Svo sjúga þær í sig vatnið eftir þörfum. Maður fyllir svo bara á neðri hlutann alveg án þess að lyfta sjálfum blómapottinum.

Fuglasöngurinn er alveg hrikalega hávær !!!

GLEÐILEGA PASKA !!!

Aðeins einum degi á eftir !
Páskaegg þurfa ekki að vera úr brúnni drullu svo að við Guðmundur fegnum okkur bara pönnsur með sultu og rjóma í stað þeirra. Þetta var seinn morgunverður í gær og aðeins ódýrari en brúna drullan.

Nóg um svoleiðis því að í dag er veðrið alveg YNDISLEGT. Það er hlýrra og SÓLIN skín eins og henni sé borgað fyrir það.
Það er aldrei að vita nema að við bregðum okkur af bæ. Í gær var gestkvæmt og var það mjög skemmtilegt. Daginn áður nefnilega misstum við Fanney og fjölskyldu sem fór heim í sollinn.

ÞEIR SEM HAFA REYNT AÐ SKRIFA KOMMENT HJÁ MÉR OG EKKI GETAÐ: ÞAÐ ER HÆGT NÚNA. Þetta var auðvitað spurning um e-a stillingu sem ég hafði ekki spáð í. ENDILEGA SKRIFIÐ Í GESTABÓK !!!

Föstudagurinn langi

Hann styttist.
Í gær komu hér foreldrar mínir með Fanneyju og Gísla. Þau fóru svo afut um kvöldið og tóku Gísla með sér. Þau höfðu ætlað
að fara í stutt páskaferðalag og gista hér í nótt. En... klósettið gleymdist heima og spáð var roki í dag svo að þau hættu við í bili. Fanney og ég höfum haft það gott og meðal annars verið í Búðinni í dag að snuddast. Mér tókst að taka örlítið til og henni að teikna eitthvað. En hún er frekar slöpp svo að hún verður að taka því rólega. Katrín er hér áfram og er ánægð með barnaefnið sem boðið er upp á í tv á svona dögum.
Það er alveg logn hjá okkur núna, sem betur fer. Rokið var óspennandi svona með vætu.
Það er gott að vera í fríi og hafa skemmtilega gesti hjá sér.

Veiðisögur og afmæli

Þessi mynd er í boði Vísindavefs HÍ.

Haldið ekki bara að herra GR hafi tekið sig til í dag og farið á veiðar !
Reyndar tók hann bara stöngina með þegar hann fór að gefa hrossum , en viti menn.
Hann hafði tveggja punda (+200 gr) bleikju upp úr krafsinu ! Og það í miðjum apríl mánuði ! Hann er búinn að segja veiðisöguna tvisvar í dag og á morgun fær hann nýja áheyrendur og getur sagt hana aftur ! Mor og far og Fanney og Gísli litli koma.



Já, og mamma á afmæli í dag !!! TIL HAMINGJU MEÐ AFMÆLIÐ FRÚ SHJ !
Ekki amalegt það. Hún fær afmæliskossinn á morgun.

Frændi minn, Norðurlandameistarinn

Ég er því miður ekki með nýjustu myndirnar en frændi minn, Jónas Ásgeir Ásgeirsson, er nýkrýndur Norðurlandameistari í skylmingum í sínum aldursflokki. Hann verður 13 ára í júlí.
Ég er mjög stolt og birti því mynd af unga manninum í tilefni dagsins.
Vonandi fæ ég nýrri myndir af Jónasi í fullum skrúða sem fyrst.

Veisluhelgi

Í gær var ég í fertugsafmæli og í dag fer ég í fermingarveislu. Síðan höldum við frænkur, Katrín Björg og ég, heim á leið í sveitina.

ÞAÐ ER GAMAN AÐ VERA Í PÁSKAFRÍI !

Frabærir jarðgerðarkassar

Ég bendi ykkur á að skoða þessa heimasíðu: www.sviri.is. Þar eru til sölu þessir frábæru jarðgerðarkassar til nota innan dyra. Það fer lítið fyrir þessu og það er engin lykt.
Kassinn kostar aðeins 19 þús krónur.

Timinn heldur afram að liða.....

Það eru 40 dagar, 19 klukkustundir, og 12 mínútur þar til við Guðmundur fáum húsið afhent !!!!

Mjukur manudagur

Jæja, þá er hætt að snjóa. Þetta var alveg gullfalleg púðursnjókoma. En sem betur fer varð ekki mikið úr. Vonandi kemur ekki meira fyrr en í desember.
Jæja, gærdagurinn var fínn. Svolítið mikil seta en ég lifði það af !
Katrín stóð sig alveg ofsalega vel. Eftir að hafa fylgst með krökkunum á undan var ég ekki alveg viss. Það kom misjafnlega vel út og mér fannst tónlistin of hátt stillt og hljóðvinnslan svona og svona. En þetta var í góðu lagi hjá henni, vegna þess að hún heldur lagi ! Svo var það alveg augljóst að hún hafði afskaplega gaman af þessu. Frænka okkar, og fyrrum vinnukona, Anna Laufey var líka með og hún var líka greinilega að fíla þetta í botn. Það voru ekki allir í jafn miklum fíling og þessar tvær frænkur.
Ég þekkti til margra barna sem þarna komu fram, því átti ég ekki von á fyrirfram en er auðvitað svo sem lógískt, þar sem ég þekki marga sem eiga börn á þessum aldri.

Sönglist

Systir mín var að fá sér þráðlaust net, loksins. Og núna er maður að prófa hvort að það sé ekki eins og það á að vera. Ég er annars hér í bænum til að fara á uppákomu í Borgarleikhúsinu þar sem að systurdóttir mín mun syngja og koma fram. Þetta eru lokin á námskeiði sem að hún hefur verið á.

Áheitasund

Nú er nýbyrjað áheitasund 10. bekkinga. Það mun standa yfir í sólarhring og áætlað er að synda 70 kílómetra.
Ég er með hér mynd af sundlauginni og svo eina fræðilega mynd af sundi. Ég er svo hrifin af svona skýringarmyndum sem eru með texta inni á.

Svo á morgun er kvenfélagastúss á mér á Heimalandi þar sem þing sunnlenskra kvenfélaga verður haldið. Ég tók það að mér að vera fundarstjóri og ætla ég að þetta verði mitt síðasta kvenfélagsverk því að ég ætla að hætta þegar því verki er lokið. Ég ætlaði aldrei að vera með nema eitt ár en sökum e-s konar meðvirkni gat ég ekki sagt nei og bless :-)

Það er ekki búið að telja upp helgarverkin því að á sunnudag verður dóttir Jakobs (sonur Eyglóar, systur Guðmundar) skírð. Ég kemst ekki því að ég er búin að lofa systurdóttur minni að koma í Borgarleikhúsið til að horfa á hana syngja þar á sviði. Hún hefur verið á námskeiði hjá Sönglist og er þetta lokaverk þess námskeiðs.

Nú er veðrið til fyrirmyndar og kominn tími á það að fara út að laug og hvetja áfram mína nemendur.

góða helgi og lifið vel og lengi !!!!

P.S. ÞAÐ ERU 44 DAGAR, 21 KLUKKUSTUND OG 45 MÍNÚTUR ÞANGAÐ TIL VIÐ FÁUM HÚSIÐ AFHENT !

Listin að kyssa

Þetta mun vera heiti á bók e. Hugh nokkurn Morris sem að Handbókaútgáfan gag út árið 1946.
Til er eitt eintak heima á Núpi og hef ég sérstaklega gaman af einum kafla þar.
Þar eru færð tök fyrir því hversu mikilvægt það sé að karlmaðurinn sé hærri en konan.
Þar er líka talað um sogkossinn, andlega kossinn, augnhárakossinn, kvalakossinn og nartkossinn svo eitthvað sé nefnt.

Ég fann mynd af ensku útgáfunni af bók þessari. Hún er alveg eins nema hvað sú íslenska er með gulum grunni.
Ég sá líka umsögn um hana og þar var meðal annars sagt að sum ráðin væru svo gömul að þau væru ný.

Laugardagur i leti

Nú hefur maður það gott í Pokavogi og nýtur lystisemda höfuðborgarinnar !
Það besta er að hitta mína "stóru" litlu fjölskyld mína. Hina skemmtilegu foreldra , hina stór skemmtilegu systur og svo hennar frábæru börn. Svo er ég að hugsa um að skrópa í Bergrisanum 2006 sem er á morgun í minni heimabyggð.

Opinber heimsokn Margretar i sollinn hefst i dag.

Svo mun það vera. Frökenin lætur sjá sig í bænum í dag. Aðal málið í dag er að hitta fjölskyldu mína og í kvöld félaga mína úr lhí. Ég hef ekki hitt þau síðan á útskriftinni í fyrra og er kominn tími á hitting.
Í dag eru í heimsókn í skólanum skólastjórar af Suður og Vesturlandi. Prúðbúnir 10. bekkingar sjá um leiðsögn um skólann og standa sig auðvitað svakaleg vel.

Hamingjan ?

Alveg i rusli

Það eru engar undirtektir hér á síðunni vegna umfjöllunar minnar á sóun.
En það er í lagi, ég er ekkert í rusli. Ég held bara áfram og þegar ég verð búin að læra betur á þetta bloggspot þá get ég farið að framkvæma ýmsar kannanir ofl.

Fra Sorpstöð Suðurlands

Ert þú sóari ?

Hendir þú reglulega skemmdum eða óætum mat ?

Kaupir þú hluti einungis til að nota þá ekki ?

Ert þú með mánaðarkort eða árskort í líkamsrækt sem þú notar aldrei ?

Stelpur, kaupið þið dress eða skó sem einungis eru notaðir einu sinni eða tvisvar ?

Strákar, hversu margir ykkar eiga rafmagnsknúið dót sem safnar ryki ?

Þessi orð eru niðurlag á grein sem fjallar um sóun í nútímaþjóðfélagi. Sagt er frá mjög athyglisverðri rannsókn sem gerð var í Bretlandi. Þið finnið grein þessa á http://www.sudurland.is/sorpstod/
Titillinn er ÞREYTT KÁL. Því eins og margir vita þá kaupum við stundum of mikið og sumt, sérstaklega grænmeti endar oft í ruslinu... þá er nú gott að vera með heimajarðgerð í garðinum... því að matarúrgangar eru u.þ.b. 30 % - 50 % af öllu heimilissorpi !!! Það er ekkert smáræði sem hægt er að spara samfélaginu með því að flokka matarafganga frá hinu sorpinu.

Föstudagurinn frabær er.

Já, það má segja það að dagurinn sér frábær alveg þótt að þreytt ég sé.
Helgin byrjar áðan og ég er orðin ein hér á vinnusvæði 500.
Ég hef enga skoðun á því sem er að gerast í samfélaginu... (eða þannig) Nenni ekki að bæta við visku minni, í það minnsta. Nóg er viskan og samt heldur vitleysan áfram !
Ég finn ekki fyrir neinum trega vegna brotthvarfs hersins og vona að Bómulls feðgar láti kyrrt liggja.
Óska öllum glaðlegrar og góðrar helgar :-)

Flottur ferðabill...

Ég var að rekast á þennan flotta Mini bíl. Hann var kynntur á bílasýningu í haust. Hann er kallaður MINI CONCEPT TOKYO.
Við látum myndirnar tala sínu máli..... Er hann ekki geggjaður ?

Jurovission

Ég er að hlusta á vefútvarp ruv og get því hlustað á þætti sem að eru liðnir. Eins og t.d. Pipar og salt sem var í morgun og ég er að hlusta á núna. Gömul júróvissíón lög. Agalega notalegt.
Ég hef verið nokkuð dugleg og það er tími á smá hvíld. Mig langar í kaffi en... það er svo langt í kaffistofuna svo að ég hika aðeins, veit ekki hvort að ég eigi bara að fara að leggja af stað á Selfoss.

Fuglaflensan er ekki svo hættuleg

Sérfræðingar segja að nær engar líkur séu á að fólk smitist af fuglaflensu af villtum fuglum, eða öðrum dýrategundum eins og köttum.
Fuglaflensa er veirusjúkdómur sem smitast fyrst og fremst á milli fugla. Veiran sem veldur sjúkdómnum er náskyld öðrum flensuveirum sem valda flensu í öðrum dýrategundum þ.á.m. í mönnum, hestum, hvölum, kattardýrum. Villtir vatnafuglar t.d. endur geta verið með fuglaflensuveiruna í sér án þess að vera veikir og er talið að þeir geti smitað aðra fugla, einkum alifugla eins og hænur og kalkúna, sem geta orðið mjög veikir ef þeir smitast. Í nokkrum fátækum löndum í Asíu, við afar sérstakar aðstæður, hafa menn smitast af alifuglum. Vegna þessa er fuglaflensa ekki talin vera svo hættuleg fyrir okkur.
Veiran sem veldur fuglaflensu hefur fundist í villtum fuglum víða í heiminum en hefur ekki fundist í fuglum á Íslandi né í þeim löndum sem farfuglar á Íslandi koma frá.

Rymingardagurinn verður 26. mars

Það verður æfing og við eigum að fara að Skógum en ekki vera heima hjá okkur þar sem er öruggast því að ekki er gert ráð fyrir því að flóð nái upp að Núpsbæjum en.... fræðingarnir vilja frekar ana okkur út í hættuna með því að fá okkur til að keyra hættulega vegi (jarðskjálftar geta lokað veginum) og vera fjarri heimili okkar þar sem við þekkjum allt út og inn. Jæja hvað með það. Á æfingunni ætlum við að hlýða en ef.......til kemur, þá er alls ekki víst að við munum hlýða neitt....

Þetta er husið

Le hús a Selfoss sést á þessari mynd.

Kaupsamningur undirritaður

Foreldradagur á morgun ekkert annað framundan sem markvert getur talist.
Hér kom örlítð púður í nótt en það er nú allt löngu farið....

Smælaðu framan i heiminn og þa mun heimurinn smæla framan i þig

Kennslan er að baki i dag. .. sbf !

æ nid paaer

Ég er svolítið eftir mig eftir gærdaginn , það verður að segjast eins og er. Les ados sont dingues et ca pue.
Ég get ekki leyft mér að fara snemma í dag. Það þarf að undirbúa ýmislegt eins og foreldraviðtölin sem eru á mánudaginn.
Á morgun fer ég á Selfoss e. vinnu til að undirrita kaupsamning á húsi með honum Guðmundi mínum. Gaman , gaman.
Þegar því er lokið verður svo kannski hægt að fara að birta myndir af "kofanum" !

Taknin eru viða

tanndagur

Ég fór til tannlæknis í dag og það var aðgerð. . . .

Það er hér um bil allt og sumt.

Kennarafundur framundan....

Nyji stollinn

Ég gæti kvartað en ég sýni frekar nýja gamla stólinn sem að ég keypti á uppbod.is.

Suddinn heldur áfram og ég álykta að þetta hljóti að vera ríkisstjórninni að kenna , hvað annað gæti það verið ?

Vinsamlegast skiljið eftir spor. . .

Ég er að bíða eftir því að fólk skrifi komment hér hjá mér.
Það er allt og sumt. Nema hvað mig langar til að vita hver stendur fyrir þessum leiðinda sudda sem er hér í Rangárþingi !!!
Er það ríkisstjórnin eða hvað ?

Ég gleymi einu. ... Margrét Einarsdóttir Long er orðið opinbert. Eins og meðfylgjandi mynd úr þjóðskránni sýnir:

Skrifstofudama kom i heimsokn um daginn....

Sunnudagur til sælu

Nú er veðrið alveg yndislegt, sól og lítill vindur. Mjög lítill vindur. En... það er alltaf en. Það er ansi svalt.
Hvursu svalt það veit ég nú ekki.
Guðmundur er úti að athafnast, hann er hinn eiginlegi athafnamaður og gæti alveg eins skráð sig sem slíkur í símaskránni.
Ég er hins vegar búin að panta grænt og feitletrað á sjálfa mig í nýju skrána og þar mun standa hugmyndasmiður en ekki kennari, bóndi (sem ég er ekki !) eða myndlistarmaður eða kona.

Það er ýmislegt sem að kemur í ljós þegar að maður er andvaka. . . og fer að googla . . .




Það gæti þó aldrei verið . . . . . .



og svo er hér einn góður að lokum ! ! !

Öskubuska örugg skemmtun

Það er skemmst frá því að segja að óperan Öskubuska er frábærlega skemmtileg og aðal stjarnan er einnig langbesti söngvarinn. Það er Kópavogsbrautarskvísan fyrrverandi, Sesselía Kristjánsdóttir. Hún hefur yndislega rödd.

Ég er orðin syfjuð..... nema hvað og halla mér hér í Pokavogi, ég var orðin of syfjuð til að keyra beint heim. Þar að auki þurfti afturendinn á mér lárétta stöðu !
Go nat allesammen .....

Snarl fyrir helgina

Ég óska öllum góðrar helgar með þessum tveimur líkamamyndum.

Föstudagur með Öskubusku

Ég skil ekkert í mér að nota ekki þetta blogg. Það er miklu fallegra og betra en bloggsentral.drasl.is !


Ég valdi mynd af stólunum sem að ég gæti alveg hugsað mér að eiga og eru hannaðir af P. Starck. Þeir sameina á dásamlegan hátt nýja og gamla tíma. Og ekki er verra að uppáhaldsliturinn minn er með í spilinu !!!




Ég er syfjuð vegna þess að í gær borðaði ég bæði sykur og hveiti og fékk í kjölfarið meiri nefstíflu.
Þetta gerist alltaf og ég gleymi þessu jafn harðan !!!!
Ekki skrýtið að manni batni ekki!
Ég er að bíða e. því að læknir hringi í mig svo að ég fái lyf og getið haldið í vesturátt. Ég ætla að fara sem fyrst og fá mér blund í Kópavogi til þess að hafa orku til að aka heim í kvöld eftir óperuna.