Heima er bezt

Staircase Núpur
Originally uploaded by melong.

Ég slappa svo af hér í sveitinni að það er einum of. Þegar ég er hér er ég ekki mjög praktísk of vildi helst liggja í leisí boj eða taka myndir, nú eða knúsa Lukku mína.
Ég er eiginlega enn með kökk í solar plexus vegna söknuðar til hennar sem að gýs upp þegar við hittumst.
En nú hef ég ákveðið að taka hana með mér á Selfoss því að ég verð að hafa í það minnsta annað þeirra , Lukku eða Guðmund. Ekki gott að vera án þeirra beggja. Guðmundi seinkar enn á Selfoss, það er mikið að gera hjá honum hérna svo að ég verð því að fara heim í hádeginu, sem að mér finnst reyndar ekki slæmt og fara með Lukku á rúnt. Svo líka á daginn þegar að vinnudegi lýkur. Ég þarf líka á hreyfingunni að halda ekki síður og hún. Lukka þarf líka , fyrr en seinna, að venjast því að vera í Réttarholti á meðan við Guðmundur erum í vinnu.
Ragnar Valur og Guðmundur eru að slátra og svo verður helginni eytt í að hakka kjöt og hakka kjöt. Gaman , gaman. (góður félagsskapur)

Alveg í mínum anda

Da Greens
Originally uploaded by kk+.

Svona svakalega grænan inngang myndi ég nú varla þora að mála.
En hvað um það myndin er flott.

Myrkur að morgni dags

Það gæti verið gott að hafa svona lampa með sér á morgnana í skólann. Eða þegar maður fer út í skúr á kvöldin.
Kannski væri hægt að minnka almenna lýsingu utandyra ef að allir væru með svona ljósker ? Hvað segir fólk um það ?

Hann á afmæli í dag

Karl faðir minn á afmæli í dag. Hann er jafngamall lýðveldinu og er jafn unglegur og það er. Því set ég inn eina afmælismynd honum til heiðurs.
"Hann lengi lifi, húrra, húrra, húrra." !!!!

"

eye Pod

eyePod
Originally uploaded by raverz.

Ég var að uppfæra flickr síðuna. Ég bætti þar við myndum af stólnum sem að nemendur mínir eru að vinna að. Þar fann ég þessa sniðugu mynd.

Á MORGUN kemur Guðmundur. Reyndar fer hann svo aftur, og ég með honum, austur því að nú á að slátra á Núpi um helgina.

Gok Wan

Gok Wan
Originally uploaded by Rebekah Roy Fashion Stylist.

Ég var áðan að horfa á þáttinn "How to look good naked.".
Hann er mjög jákvæður fyrir líkamsimynd kvenna sem virðist vera brengluð hjá miklum meirihluta okkar. Þessi Gok er að sýna konum að þær séu flottar og að vera ánægðar með sig og gera gott úr því sem að maður hefur. Maður breytist nú ekki á einum degi þrátt fyrir að maður vilji eða ætli það. Jæja, það er í það minnsta jákvætt að það skuli vera eitthvað annað á skjánum en "the swan", sem að mér finnst nánast ógeðslegur þáttur.

Úr sófahorninu.

Sofahorn
Originally uploaded by melong.

Ég erfði fyrrum sjónvarpssófa foreldra minna og hef komið honum fyrir í vinnustofunni

Gott veður er gott

One plant
Originally uploaded by melong.

Ég set inn þessa mynd sem að ég tók í gær því að stemningin er sú sama í dag. Það er vegna sólarinnar sem skín á ný. Það er allt svo fallegt þegar hún lætur á sér kræla, ekki síst á þessum árstíma þegar litbrigðin eru enn mjög fljölbreytt.
Maður notar fríið til að setja inn myndir enda er það tímafrekt að ganga frá myndum þannig að þær líti vel út og séu vefhæfar. Þess vegna er gott að sameina þetta sjónvarpsglápi. Svona eins og að nota tímann og hekla eða teikna á meðan maður situr fyrir framan imbann. Reyndar er ég ekki núna að horfa á sjónvarp en ég er hins vegar að hlusta á messuna á ruv.is. Biskupinn hátíðlegi er að predika. Allt í góðu lagi með það.

Á eftir ætla ég svo út í bílskúr og dunda mér þar. Það er svooo GAMAN og mér líður ssvooo VEL þar. Ég skal finna mynd og pósta hér við tækifæri.

"Maður verður að hafa vit á því að vera í góðu skapi."
Nafnlaus Skagfirðingur

Geggjuð dómkirkja !!!

Sellietuob
Originally uploaded by Loutseu.

Hér er sönnun þess að arkitekrar dómkirknanna voru drukknir þegar þeir voru að teikna þær !
Þessu heldur í það minnsta ljósmyndarinn fram.

Pollur á Selfossi

husapolll2
Originally uploaded by melong.

Jæja, þegar sjónvarpið heillar lítð er ágætt að stússast.
Ég var að setja inn nýjar myndir á flickr síðuna mína frá gönguferð minni um bæinn í dag.
Veðrið var svo gott að ég ákvað að fara með myndavélina í göngu um bæinn. Ég kom við á Kaffi Krús og fékk mér caffe latte. Mér finnst skemmtilegra að ganga ef að gangan hefur einhvern tilgang eins og að komast á milli staða, viðra hundinn eða taka myndir.

Frikaður föstudagur

Nú erum við frökenarnar að horfa á mæðgnamynd á ruv.
Veðurfar er milt á Selfossi.
Við ætluðum í bíó en ég klikkaði á dögum og myndin sem að við ætluðum að sjá er ekki sýnd fyrr en á morgun. Ég leysti málið með því að fara í BT og kaupa útsölu dvd þar fyrir okkur í sárabætur.
Fanney er nú löggst á stað til okkar og ætlar að gista. við erum afar ánægðar með það.

Afi í wikipedia

Afi minn sálugi, Jónas Ásgeirsson, átti afmæli á þessum degi.
Af því tilefni fór ég í google til að finna mynd af honum sem að ég vissi að væri til á vefnum hans Steingríms Kristinssonar. (sksiglo.is)
Viti menn, hvaða uppgötvun geri ég ? Jú, afa er getið í pólsku útgáfunni af wikipedia ! Fyrir þá sem ekki vita það þá er wikipedia eins konar alfræðiorðabók á netinu og eru til útgáfur á hinum ýmsu tungumálum. Þetta er ekki stofnun, að mér skilst, heldur geta allir lagt sitt af mörkum. Jæja, nú les ég ekki pólsku en ég sá nóg til að skilja að sagt væri að afi hefði verið íslenskur þátttakandi á vetrarólympíuleikunum í St. Moritz í Sviss árið 1948.
Hér er linkurinn , ef að þið viljið sjá þetta með eigin augum:

http://pl.wikipedia.org/wiki/J%C3%B3nas_%C3%81sgeirsson

Ansi skemmtilegur dagur, hingað til. Vinnudagurinn byrjaði á Tónlist fyrir alla með tónleikum norðlensk(ogkópvogísku) hljómsveitar HUNDUR Í ÓSKILUM sem að margir kannast væntanlega við. Ég á líka von á meiru því að systir mín kemur færandi hendi í kvöld með dóttur sína sem á að fá að dvelja hjá mér í a.m.k. tvo daga og m.a. koma með mér í vinnuna á morgun. Það er mikill spenningur hjá okkur báðum.

www.buynothingchristmas.org

eg er ekki sudoku fan

En mér finnst þessi klósettpappír ferlega fyndinn ! Eins og maður eyði ekki nógu miklum tíma á klósettinu !! He, he. En það er gaman að þessu og ég er þakklát fólkinu sem að bjó þetta til svo að ég gæti hlegið.

Það er ekki netsamband i bilskurnum ! Oh

Have patience! In time, even grass becomes milk.

-Charan Singh, mystic (1916-1990)

Timasoun ?!

You Are An ENFP

The Inspirer You love being around people, and you are deeply committed to your friends. You are also unconventional, irreverant, and unimpressed by authority and rules. Incredibly perceptive, you can usually sense if someone has hidden motives. You use lots of colorful language and expressions. You're qutie the storyteller! You would make an excellent entrepreneur, politician, or journalist.

What's Your Personality Type?

Milli 11 og 12

Veðrið hér er gott, sólin skín en auðvitað er svalt, það er nú einu sinni kominn vetur samkvæmt dagatalinu.
Ég fékk óvænta heimsókn í morgun frá meðeigand mínum að húsinu. Herra G Ragg.
Hann var að sækja dótarí í fjárhúsið og lét svo lítð að líta hér inn og þiggja hjá mér kaffi ! Svo kemur hann ekki aftur fyrr en e ca 10 daga því að hann er kominn í vinnu hjá frænku sinni, Sigurlaugu á Nýjabæ. Hún og Óli, maður hennar, ætla að bregða sér í frí og ætlar Guðmundur að mjólka fyrir þau. Hann verður auðvitað ekki einn, því að móðurbróðir hans Leifur er ekki að fara neitt og verða þeir því saman í þessu. Þarna er myndarlegt fjós með fjölmörgum gripum og góðri aðstöðu.
Þegar að þetta verður búið ætlar Guðmundur svo LOKSINS að flytja hingað til mín í Réttarholtið.

Hjonabandið er dasamleg stofnun.....

...en ég er ekki tilbúin til að vistast á stofnun !

Það var smá sprell í vinnunni í morgun. Það gekk karfa með nammi og pappír og allir áttu svo að lesa upp sinn miða. Þetta er það sem að stóð á mínum miða.

"A Word A Day keeps boredom away."

Margt i gangi. Aftur slappleiki. Byrjaði mjög fljótlega eftir að pensilínkúrinn kláraðist !!
En ok, það er að koma helgi. Það er gott.

Ég er spennt því að ég get þá verið í bílskúrnum.

The world is round and the place which may seem like the end may also be only the beginning. -George Baker (1877-1965)

Stólar á þriðjudegi

Design museum chairs
Originally uploaded by ladyblim.

Í dag voru nemendur í þriðja bekk að teikna hjá mér stóla. Það gekk vel og útkoman varð góð. Líkamsræktarstólar og hvaðeina. Ég sýndi þeim myndir af stólum sem að ég hef samviskulaust stolið af netinu.
Ég fæ lánaðar myndir til að fræða nemendur..

Við Guðmundur tókum til í bílskúrnum í gærkveldi og færðum til hillur ofl þannig að nú bíð ég eftir því að geta farið heim til að byrja að gera eitthvað þar. Ætla að byrja á því að taka til og mála aðeins með olíulitum til að komast í fíling. Ég verð því komin í gang fyrir næsta myndlistarhitting hjá mér og Katrínu Valgerði , vinkonu minni.
Við erum farnar að hittast á mánudagskvöldum í vinnustofum okkar til skiptis okkur til örvunar og aðhalds.

Manudagur með Guðmundi

Það er frábært að hafa Guðmund. Hann kom í gærkveldi og fer ekki fyrr en á morgun. Alveg dásamlegt. Hann hefur unnið hörðum höndum í dag í því að setja saman ikea mublur. Nú njótum við þess yfir kaffibolla og rifjum upp gömul kynni af Steingrími Hermannssyni í tv. Hann situr fyrir framan gamla góða grjótvegginn heima hjá sér sem segir mér að hann búi enn úti á Arnarnesi eða hvað sem það nú er.

Nýja myndavélin er ÆÐISLEG ! Ég er alveg að missa mig. Keypti minniskort í hádeginu og skaut rúmlega 200 myndum þangað til ég kom heim aftur. Það er smá fiff sem að ég varð að prófa ídag. Bara VARÐ. Það er hægt að velja einn lit úr umhverfinu og hafa restina í svart hvítu. Mikið smart og alveg gífurleg útrás sem að ég fæ út úr því að hafa svona fína vél.

Dyr dagur

Þá er maður búinn að berja dýrðina augum. Ég var vel skóuð og varð því ekki þreytt. Ég borðaði í ikea svo að maður var ekki bara að labba. Þetta eru nú bara tveir hektarar og því minna en kornakur sumarsins. Þessi vitneskja hjálpaði mér til að þola stærri verslun. Svo hefur maður nú komið í ikea í úttlöndum og er þetta ósk0p svipað. Ég var hrifin af þessu en mikið hrikalega verður það tímafrekt að ná sér í koddaver eða þvíumlíkt að þurfa að fara langa leið fyrir kannski bara einn hlut. Ég mæli því með því að fólk skipuleggi sig áður en haldið er af stað til að vera bara ekki allan daginn í einni búð. Ég var þarna með Fanneyju og fjölskyldu og það gekk bara vel en við vorum á þriðja tíma með hádegismatarhlé.
Ég verslaði það sem að vantaði, eldhússtóla og undir sjónvarpið. Þetta tvennt var uppselt í sumar þegar við GR vorum á ferð í Holtagörðum.

Allt í góðu með það en ég bara átti eftir að verða enn fátækari. Ég fann draumavélina á mbl.is/smaauglysingar. Ég er búin að geyma peninginn í fleiri fleiri mánuði og varð alveg innilega fegin að losna við peninginn. Ég er líka léttari á mér og glöð í anda yfir gripnum því að mér hefur liðið eins og það vantaði eitthvað á mig að hafa ekki myndavél. Myndlistarmenn og -kennarar VERÐA að eiga góða myndavél. Jæja, þetta verður vonandi til þess að ég borða minna það sem eftir er mánaðarins. Það verður eitthvað minna keypt af lífrænni fæðu, því miður en selaví, ma sjerí.

Enn betri leir og bókakaffið.

Í dag var ég líka með leirverkefni og það kom enn betur út, ekki verr, í það minnsta. Nýjar hugmyndir með nýju fólki.
Svo fórum við nokkrar eftir vinnu á nýja bókakaffið héna á Selfossi sem að Bjarni Harðarson var að opna um daginn. Það er í einu orði sagt alveg frábært fyrirbæri og alveg yndisleg stemning þar ríkjandi. Ég var endurnærð eftir þessa heimsókn.
Við vorum fjórar og fórum allar fátækari/ríkari út en áður. Ég keypti Gilitrutt, myndskreytta, ljóðabók e. Ásdísi Óladóttur, skólasystur úr Kársnesskóla og gamla fræðibók um listir. Fyrir utan kaffið auðvitað.

Núna bíð ég í símanum hjá 8007000. Um leið og ég pikkaði þessa línu inn þá svaraði ! Ég var númer 14 þegar ég hringdi. Í gær reyndi ég að hringja og þá var ég númer 19 og gafst upp. Núna er ég komin með númer og get "aktiverað" símann aftur þegar ég kem heim. Mér er stórlega létt.


Bryndís að versla hjá Bjarna.


Þetta hangir við útganginn í bókakaffinu og þýðir víst; "takk fyrir komuna".


Fröken Margrét í bókasófanum með Völuspá.


Atli Snær í 3. LBS með armbandsmyndavél !!! Ný hönnun.

Ég hef verið að reyna að setja inn myndir af fleiri verkum en ekkert fleira hefur´límst inn. Ég verð að gera þetta seinna, ekki dugir að hanga við tölvu í allan dag !

G Ó Ð A H E L G I !!!

Áriðandi tilkynning.

Altzheimer lights lét svo sannarlega á sér kræla í dag.
Máið er þannig að batteríið kláraðist á gemsanum. Þegar það gerist þarf maður að slá inn leyniorð. Það hefur ekki verið vandamál hingað til. Ég man það, það er munstur. Jæja, ég bara mundi það ekki í dag og ég var ekki að ná því svo að ég setti alltaf inn sama númerið og það endaði með því að síminn læstist og ég get ekkert notað hann núna og þarf að hringja í 8007000.

Það þýðir því ekkert að hringja í gemsann. Hann er stilltur þannig að ef að það er slökkt á honum þá flyst hringingin í Núps númerið. Ef að Guðmundur er heima þá er það hann sem að mun svara en ekki ég.

Veit ekki hversu mikið mál þetta er og því ekki hvað líður langur tími þar til ég fæ að nota hann aftur. Æi, vesen......

"Þetta hefur listrænt gildi"

Einn nemanda minna sagði þessa gullvægu setningu í morgun. Þetta er greindur og skemmtilegur piltur en hann er bara 8 ára ! Ég hélt að ég myndi bilast þegar hann sagði þetta. Hann endurtók þetta tvisvar alvarlegur í bragði.
Þessi mynd hér að neðan er umrætt verk og á að vera rennibraut.
Nemendur margir eru nokkuð bráðþroska og stúlka í 2. bekk er komin með lokk í tunguna........

Vel heppnað leirverkefni

Aron og Haraldur, 3. KV
Originally uploaded by graskerid.

Þetta er eftir tvo stráka í 3. bekk.

Sniðugt ferðarúm

DSC00008
Originally uploaded by fabildmaterial.

þetta er alveg nýtt og mjög sniðugt

Le weekend

Föstudagur , föstudagur

Svona lít ég út í augum nemanda í 3. bekk !



Svo er hér framhaldsverkefni sem að hinir ýmsu nemendur eru að vinna að þegar tími gefst. Nemendur í 4. VG skýrðu hann Spottann í dag.
Stóllinn er mjög vinsæll og er góð afþreying fyrir alla greinda nemendur.

Jæja, eyrun að lagast.

Ég var að rekast á ferlega skemmtilega litla skúlptúra úr sápu. Það varð svo til þess að ég fann svipaða hluti sem voru úr vaxi og hægt er að brenna.
Smellið á myndirnar til að sjá þær í stærra formi.

Eyrnaverkir

Núna skil ég betur ungabörn sem gráta vegna eyrnaverkja.
Ég gafst upp í gær á þessu og hringdi í lækni og fékk send fúkkalyf.
Hálsbólgan hef ég haft í 2 vikur og hún er komin út í eyru og þá bara er manni ekki
farið að standa á sama. Það er svo gott að þurfa ekki að tala of mikið eins og maður gerir sem kennari.
Ég er heima og hamast við að þegja.
Samt þarf ég alveg nauðsynlega að tala !!!!
Dilemma dagsins...

FRAM

Frænkufélagið heitir FRAM. Fanney, Ragnheiður, Anna, Margrét.
Það var gaman, lært og teiknað.
Gott veður, stjörnur og norðurljós.
Svo fór ég heim í sveitina seinni partinn. Þar var verið að skera korn. Ég tók þátt í því.
Lukka kom með mér og svo elti hún mig upp eftir og svo aftur niðureftir !!!
Ekki alveg að treysta því að ég kæmi aftur.

Ég er að kálast í eyrunum og hálsinum. Ég er nú búin að vera með þessa hálsbólgu í hálfan mánuð og er orðin alveg leið á því.
Það er verra að vera illt í eyrum en hálsi.

Flott í frænkuferð

Þessi stígvél myndu henta vel í sumarbústaðaferðina sem áð ég er að fara í.
Svo er hér líka ansi lekker skyrta. Ég fann þessa hluti á netinu , nema hvað.
Setti inn "toile" og svo myndaleit og þá kom margt fallegt í ljós.

Gangan i gær

Það var alveg mögnuð stemning í gær. Alveg einstök og ég hef aldrei verið í göngu þar sem að er klappað !

Á leiðinni í klippingu og litun

Manudagskvöld

Ég er orðin syfjuð. Ég fór seint að sofa í gærkveldi. Það var samt hressandi að fá heimsókn í kvöld. Katrín Valgerður vinkona mín kom í mat og spjall. Það var frábært. Við ætlum að hittast á mánudögum til skiptis hjá henni og hjá mér. Næst verðum við í bílskúrnum því að þetta eiga að vera vinnustofuheimsóknir.

Eg ma vera pirruð

Já, það er í lagi.
Ég má það alveg án þess að fá samviskubit.
Núna sit ég og horfi á þátt Jóns Ólafssonar í fyrsta skipti.
Mér finnst afskaplega gaman að sjá klipp frá svarthvítum dögum RÚV. Það rifjar ýmislegt upp úr æsku minni.
Það eina sem vantaði í þáttinn um barnaefni RÚV voru Sigga og Skessan sem að ég var afar hrifin af á árum áður.
Talandi um rúv þá er fyrsta sjónvarpsminning mín tengd Vestmannaeyjargosinu 1973. Þá var ég fimm ára og hafði eignast um jólin afar flottan dúkkuvagna sem kom sko frá "úttlöndum". Móðurbróðir minn var í siglingum á þeim tíma og þetta var ein dásemd að eignast þennan vagn. Hvað um það. Þarna í fréttunum var verið að sýna þegar að eigur eyjamanna voru hífðar í báta og úr bátum og viti menn. Í fréttatíma sá ég MINN vagn svífa um í loftinu við bryggjuna í rvík eða annars staðar.
Hjá mér var allt svo einstakt, ég hélt í alvurinna að bara ég ætti svona flott !!!
Ég var naif þá og er það enn !!!

Heima er bezt..

... með Guðmundi.

Ég kom heim f. ca klukkutíma síðan af vel heppnuðu kennaraþingi tli að taka á móti
Guðmundi hér á Selfossi. Hann verður ekki lengi því að það eru leitir fyrir austan á morgun. Ég fer ekki, ég ætla að vera hér í þagnarbindindi ef ég get.
Ég hef sjaldan verið eins illa haldin af hálsbólgu og núna. Það verkjar út í eyru og það er ekki gott að tala eða kingja. Ég hef drukkið mikið magn af tei og í kvöld ætla ég að búa til gulrótarsafa og trúa því að c vítamín í miklu magni, virki vel. Ég á gommu af lífr.ræktuðum gulrótum ofl þannig að ég hlýt að fá mikið C í plús.

Heima er bezt..

... með Guðmundi.

Ég kom heim f. ca klukkutíma síðan af vel heppnuðu kennaraþingi tli að taka á móti
Guðmundi hér á Selfossi. Hann verður ekki lengi því að það eru leitir fyrir austan á morgun. Ég fer ekki, ég ætla að vera hér í þagnarbindindi ef ég get.
Ég hef sjaldan verið eins illa haldin af hálsbólgu og núna. Það verkjar út í eyru og það er ekki gott að tala eða kingja. Ég hef drukkið mikið magn af tei og í kvöld ætla ég að búa til gulrótarsafa og trúa því að c vítamín í miklu magni, virki vel. Ég á gommu af lífr.ræktuðum gulrótum ofl þannig að ég hlýt að fá mikið C í plús.

Hostasaft og hallæri

Það væri gott að vera í vinnu núna þar sem að maður þyrfti ekki að nota röddina.
Ég er ekki veik en ansi slöpp og með hálsbólgu. Ég fór því í ríkið hér á Selfossi áðan og keypti mér "hóstasaft". Ég vildi að ég gæti sleppt fundi í kvöld en það yrði mér ekki til hagsbóta svo að þangað til læt ég fara lítið fyrir mér.

Á morgun verður svo farið á haustþing sunnlenskra kennara á Flúðum og komið aftur á föstudaginn. Þangað til næst hafið það gott.

Bollar og usb stykki..

Er hann ekki æðislegur ?



Svo rakst ég líka á alveg afskaplega áhugaverðar útgáfur af usb lyklum. Ég myndi ekki velja puttann.....

Á siðustu öld

... fæddist ég. Þetta vita margir enda ekki erfitt að reikna.

Hvaða bull er þetta annars í konunni ?
Málið er bara þannig að ég er eitthvað slöpp til heilans vegna kvefs.

Romantiskur kvöldverður

Hér var gestkvæmt í dag. Foreldrar mínir komu, móðurbróðir minn og nafna mín Tryggvadóttir, starfsystir mín úr Hvolsskóla.

Síðan fórum við Guðmundur á Kaffi Krús þar sem að hann bauð mér upp á kvöldverð. Afskaplega góður matur þar. Núna höfum við það gott og súpum á ilmandi góðu kaffi.

Banaslys á Suðurlandsvegi

Það fór ekki á milli mála í gærkveldi að eitthvað mikið hafði gerst , ég heyrði í sírenunum láta verulega illa og ég vonaði að það væri ekki slæmt slys. Því miður var það ekki svo. Hestamaður varð fyrir ungum ökumanni. Ungi maðurinn er á sjúkrahúsi en hestamaðurinn lést.

Þetta er svo nálægt mér og mér er ekki alveg sama um Guðmund sem er nú á leiðinni hingað til mín. Ég veit að hann fer varlega svo að ég hef ekki miklar áhyggjur enda hjálpa þær manni ekki neitt, nema síður sé.

Mín skoðun á þessum umferðarmálum er sú að hér sé um þjóðfélagsmein að ræða og að þetta sýni bara hvað við Íslendingar eigum allmennt í vanda með lög og reglur og að taka tillit til annara en okkar sjálfra. Við erum afskaplega miklir egóistar og erum að ala upp þannig fólk. Auðvitað alhæfi ég en svona sé ég þetta, við erum kóngar í ríki okkar og þar með á vegunum.

Ég lendi oft í því að ekið sé framúr mér á beinni línu. Meirað segja TVÖFALDRI BEINNI LÍNU (í beygjunni neðst í Kömbunum.) Oft er ég á löglegum hraða en oftar ekki aðeins meira en það. Ég er samt ekki að KEYRA NÓGU HRATT !!! Ég hef lent í því að menn með aftanívagna, fellihýsi og hestakerrrur þurfa líka að keyra hraðar en ég. Samt mega þessir ökumenn ekki keyra hraðar en 80. Samt keyri ég frekar greitt og ég fer oft yfir hámarkshraða. Samt sjaldnar og sjaldnar, sem betur fer. Í Kömbunum er hámarkshraði 60 - 70 km/klst. Samt keyri ég á 80 eða þar um bil. Og aðrir miklu hraðar en það. Ég skil það nú bara ekki. Á vetrum keyri ég miklu hægar og þeir þurfa að fara fram úr mér á hálkunni og allt !

Fullt af ökumönnum er ok og þeim má alveg fjölga....

Sunnudagur

Ég átti mjög góðan dag í gær með félögum í rvíkinni. Mér finnst það enn hafa verið í dag en þar sem klukkan er á leiðinni að verða hálftvö þá er það víst rétt að segja í gær.

Ég frétti það hjá augnlækni í gær að ég væri að eldast... hafði bara ekkert tekið eftir því og skellti skuldinni af daprari sjón á allt annað !!! Ég fékk resept fyrir nýju gleri .....

Rokkanova að klarast

Finnst ykkur ekkert skrýtið hvernig þessi Dave Navarro talar. Alveg sama hvort hann sé að tala við karl eða konu.
Þá er það alltaf, "Hey babe" eða "baby" ?

Skrýtið finnst mér.

Það verður annað hvort Dilana eða Lucas. Kannski vegna lúkksins en Toby er líka ágætur. Annars er þetta ekki eitthvað sem að skiptir máli og ég ætlaði ekkert að vaka yfir þessu !!!

Ég er ekki að kenna í fyrstu tveimur tímunum á morgun.

Thesaurus

babe noun 1 literary : a babe in arms. See baby noun sense 1 .

2 informal : what a babe! beauty; informal hottie, looker, bombshell, heartthrob, knockout, fox, (piece of) arm candy, eye-catcher, dish, boy toy, hunk.

6 - 7

Det er en lude. Ég er að horfa á fólk sem er að borða. Mér finnst það ekki gaman, þó svo það sé í sjónvarpinu.
Hins vegar er þetta ekki það mikilvægasta við daginn.

Dagurinn var mjög góður og skemmtilegur í vinnunni.
Lukka og Guðmundur fóru heim í morgun. Guðmundur heldur að hann verði búinn með fjárhúsið um mánaðarmótin.
Það er því spennandi að bíða eftir mánaðarmótunum.

Rokkstar æði á Selfossi

Rockstar verður í beinni í Selfossbíói í kvöld og annað kvöld. Maður getur tekið ferðatölvuna með sér og kosið á netinu OG sent sms. Ja, hérna hér, ég mun ekki nenna.
Mér finnst að hann eigi að detta út í kvöld. Sorrý, þetta finnst mér bara.



Þessi mynd er eftir nemanda, gerð í tíma í dag.

Óvænt gleði

Ég er mjög þakklát.
Ég fékk óvæntan gest.
Þegar Guðmundur kom í kvöld heyrði ég kunnuglegt tipl á parketinu og ég stökk upp úr sófanum af gleði.
Hver var þarna komin önnur en hún LUKKA mín !
Þvílík gleði og ánægja yfir endurfundunum. Hún fékk kembingu og hjólreiðaferð með mér út á Esso stöð. Hún hlóp á undan mér hún er svo rösk.
Ég þurfti að kaupa mjólk handa GR og taB handa mér. Ég á bara soyjamjólk á heimilinu vegna þess að ég er að reyna að minnka kvef og mjólkin er svo slímmyndandi.

Jæja, vildi bara deila þessari gleði minni. Go nat.

P:s. Lukka liggur á nýja bælinu sínu sem ég útbjó handa henni í snatri.

Nogle minutter senere . . . . . . . .

ha ha, það geggjað að vera á netinu í sinni eigin tölvu á MAKKA. Ekki það að pc dugi mér ekki vel í vinnunni en þetta umhverfi er meira svona "heima" fyrir mig.
Þetta gekk fljótt fyrir sig enda gerir það það þegar maður fær sérfræðing heim sem reddar þessu. Jeg elsker min talve þó að hún sé í hálfgerðu lamasessi....
ég þarf að skutla henni í umboðið fljótlega...

Jæja, sólin skín hér á Selfossi sem aldrei fyrr og þurrkar upp rokið og rigningu gærdagsins.

Ég var að uppgötva nýja tónlist í gær. Það er vegna þess að ég fór að horfa á óstöðvandi tónlist á skjá einum, enginn skjar í sveitinni sko. Jæja, svo kom í ljós að þessi gæji, Bill Callahan, sem er hljómsveitin Smog, er búinn að vera hér á landi og spila í Fríkirkjunni minni !!! Að ég skildi ekki vera búin að uppgötva hann fyrr.
Bömmerinn er að þessi skífa er ekki til hér á Selfossi og því kemst ég ekki til að kaupa diskinn í dag. Þetta var svona ást við fyrstu sýn og þá verður maður að fá diskinn STRAX Í DAG. Ég verð að athuga 12 tóna....

mandag með mere

Ég er nýkomin úr síðbúnum hádegismat.
Hringir ekki adsl manden og ég verð að rjúka strax aftur heim... !!!
Ég tek með mér vinnu heim til að þurfa ekki að koma aftur.
En ég slepp kannski ekki... nú það er ekki langt að fara og ég á eftri að hjóla í dag......

Gemsinn ?

Já, hvar er hann ?
Ég hélt að ég hefði skilið hann eftir í húsi í gær og leitaði því ekki vel heima.
Fór í húsið í morgun en enginn sími. Þetta er skýringin á því að ég svara ekki í símann í augnablikinu !!!

Ég er að fara að sækja bílinn í viðgerð yfir á. Hann hefur verið á verkstæði síðan á mánudag. Hann þjáðist af gangtruflunum og er víst búið að bæta úr því núna. Eins gott því að ég er að fara á 2 daga námskeið í Rvík á morgun og á að vera mætt klukkan þrjú.

Afreksdagur

Afrekið sem umræðir, ef afrek skyldi kalla, mun vera sú staðreynd að ég fór á fætur rúmlega sex í morgun til að vera mætt í sundleikfimi korter í sjö. Þetta var fyrsti tíminn og þetta hafðist vegna þess að Guðmundur er á Selfossi og hann er morgunhress og var vaknaður á undan vekjaraklukkunni. Ég veit ekki hvort að ég hefði haft þetta af án hans. Mér fannst ég ekki vera vöknuð fyrr en eftir að tíminn var búinn !

Þetta var mjög gott en ég á eftir að sjá hvað ég held þetta lengi út. Að vakna þetta snemma tvo morgna í viku er óvíst. Ef að Guðmundur er heima þá getur þetta gengið. Hann rekur mig nefnilega snemma í rúmið á kvöldin líka. Ég er svolítið fyrir það að vaka eins og sumir þekkja enda er ég sannkölluð B ef ekki C manneskja. En þjóðfélagið starfar eftir A fyrirkomulaginu að mestu leyti og því þarf maður að fylgja.

mánudagur með smá vætu

...en það gerir nú lítið til.

Við Guðmundur fórum lengri leiðina á Selfoss í gær. Við komum nefnilega við í Þykkvabæ. Þangað hef ég aldrei komið enda er þetta svo agalega langt frá þjóðvegi eitt eða þannig. Við heimsóttum bróður hans Einar, og Dagrúnu sem þar býr og ætlar að koma upp mótorhjólasafni. Þetta lítur mjög vel og efnilega út. Ég tók slatta af myndum en þær eru auðvitað í vélinni hans Guðmundar sem hann sleppir ekki svo auðveldlega takinu af. Ég get því ekki deilt þeim með ykkur í þetta skiptið.

GR fór í morgun, hann kom bara til að fá kerru og jarðvegsþjöppu en því ætlar hann að skila aftur á morgun og útrétta hér í leiðinni. Hann er ofsalega duglegur að vinna í fjárhúsinu og heldur allri sinni rútínu þótt ekki séu lengur kýrnar. Ein brauðsneið klukkan áttta og svo hafragrautur kl tíu. Eða alveg eins og fyrir og eftir mjaltir hjá honum. Hann er mjög skynsamur í þessu.

20 stiga hiti a Nupi

Hér er alveg ótrúlegt veður miðað við að það sé kominn september ! Reyndar var 17 st hiti á Selfossi þegar ég fór þaðan í gær enda var ég að kafna eftir að hafa hjólað heim úr vinnunni.

Kýrnar voru farnar þegar ég kom heim í gær enda kominn "mjaltatími". Ég færði GR blóm og eldaði steik handa okkur í tilefni dagsins. Hann er ánægður og okkur lliður vel. Hér er rólegra bara af því að maður veit að það er ekkert fjósafjör. Guðmundur hamast að klára fjárhúsið og vinnur eins og berserkur í því.

Við eigum von á Fanneyju og krökkunum og ég ætla að bjóða þeim upp á vöfflur með kaffinu i tilefni breyttra tíma hjá okkur.

Alveg er það magnað að það skuli vera tuttugu stiga hiti í dag !!!

Myndin hér fyrir neðan var tekin þ. 23. júlí í sumar en þá var einnig alger steik !