Gleðilegt nytt ar, takk fyrir gamla arið

Happy New Year Comment Graphics

)))) 2007 (((((

Það er dásamlegt veður hér á fyrsta degi ársins. Ég ætla út að taka myndir um leið og bloggið er búið. Þegar við komum heim í nótt var allt hvítt hér, svona frosthvítt. Eitthvað smá hefur snjóað en aðallega var þetta frost.

Sprengingarnar í Pokavogi voru yfirgengilegar og það var sem að aldrei þeim ætlaði að linna. Lukka stóð sig með eindæmum vel. Hún hélt sig nálægt okkur og vældi ekkert. En ég held að hún hafi verið fegin þegar hún komst heim.

Flugeldagroði

Leikritið Getraunagróði, sem að Leikfélag Rangæinga setur upp er alveg stórskemmtilegt
og vel gert hjá þeim. Ég gat í það minnsta hlegið ansi mikið og fannst
þetta nokkuð þægilegur farsi. Ég er nefnilega mjög óþolinmóð á försum,
ég hef litla þolinmæði fyrir langavitleysur ! Við Guðmundur skemmtum okkur afar
vel og Lukka litla beið þæg úti í bíl á meðan.

Núna höfum við það gott, þurfum ekki að skeina húsið eða að undirbúa
matargerð morgundagsins því að okkur er boðið í mat.
Við verðum í Pokavogi, þó ekki á Kópav.br. heldur í Hrauntungu hjá Siggu P. og Guðjóni.
Þetta er mjög spennandi en ég er þó komin með algera flugeldafóbíu
og er alveg búin að fá nóg af þessum látum sí og æ í marga daga í kringum áramótin.
Ég get því sparað mér mikla peninga því að ég mun ekki kaupa einn einasta flugeld í ár.
Guðmundur kaupir ekki neitt heldur því verður þetta "ekkikaupaflugeldaárámótadagurinn"
Í tilefni þessara orða minna skutust upp á himininn heilmargir flugeldar !!!

Mynd dagsins er af korti sem eitt sinn fylgdi með danska tímaritinu "ALT FOR DAMERNE"
Átta kort voru það og voru lengi vel notuð sem jólaskraut í "gatinu" á K91. Núna eru þau í minni
vörslu og hyggst ég skanna þau inn fljótlega en ég tók smá forskot og tók ljósmynd og kroppaði
hana svo í fótósjopp.

Íþrottamaður arsins

Ég veðja að það verður karlmaður sem verður kosinn íþróttamaður ársins. Ég veðja á golfarann þó hann sé ekki boltamaður. Já já, Ólafur og Eiður, er ég hissa.
Mér finnst verðlaunagripurinn nýja alveg hrikalega ljótur, hálfgerður óskapnaður !!!

No, mér skjátlaðist , en það varð boltamaðurinn Guðjón Valur. Ég skil ekki þessa íþróttafréttamenn. Menntamálaráðherra vill alls ekki hafa sér konu og karla íþróttamaður ársins verðlaun. Mér finnst það alveg vera í lagi. VIð eigum ekki séns í karlana, þurfum að vera þrisvar sinnum betri en þeir. Mér finnst nú að golfarinn hefði átt að fá verðlaunahlussuna. Það er miljón sinnum meira mál að verða pro í golfi en í handbolta. Það eitt er afrek. Jæja, Guðjón Valur er frábær engu að síður og langt um myndanlegri en golfarinn. Ég er alveg að gleyma Kópavogsbúanum Auðni kraftajötni sem varð HEIMSMEISTARI á árinu !!

Þetta sýnir bara hvað þetta er mikil vitleysa. Íþróttafréttaritararnir sanna aftur að þeir eru með boltaveikina, þeir geta ekki þráttað fyrir það lengur !!!!

GR og Lukka farin i sveit

Ég fer á morgun. Og svo annað kvöld förum við að sjá leikrit hjá Leikfélagi Rangæinga þar sem vinkona okkar, Margrét Tryggvadótir, er leikstýra. Mig langar líka í heimsóknarferð um sveitina. Og að sinna aðeins góða andanum á hinu heimilinu. Nú svo er Guðmundur búinn að setja saman bókaskápana tvo sem að við keyptum í Ikea f. jól. Ekki búin að taka mynd af þeim , hef verið í algerri lægt e. jólatörnina !!!
Tek varla myndir svo heitið geti .... Ekki er á allt kosið í heimi þessum..

KLUKKUTÍMA SEINNA:
ég tók nokkrar myndir af skápnum og gekk frá helstu bókum í hann. Ég hélt að það færi miklu meira fyrir þessum bókum sem hingað voru komnar en sem betur fer er þetta eins og dropi í hafið. Á morgun náum við í eitthvað af bókum sem við viljum hafa hér að staðaldri. Svo fékk ég góða heimsókn. Mágur minn, Einar, kom hér við með gjafir. Hann var hrifinn af húsinu og fékk því besta kaffi sem ég gat boðið upp á, apakaffið svokallaða sem að sumir kannast við. Hann var á trukki frá Ragnari Vali með minigröfu og Harley mótorhjól á bakinu.

.

Gleðilega hatið

Það á vitanlega að standa "friðsælla" þarna í stað ambögunnar !



Guðmundur og Katrín á leið í gönguferð með Lukku á Þorláksmessu.



Nú má kveikja á fjórða kertinu !

GLEÐILEG JÓL ALLIR VINIR OG VANDAMENN !!!

Þorlakur minn runninn upp

Það er ekki hægt að kvarta yfir ofvirkni á bloggsviðinu hjá mér.
En ef ég hef ekki tíma til að blogga, núna þegar loks er komið jólafrí, hver hefur þá tíma til að lesa slíkt og annað eins ? Ég bara spyr.
Það er allt að smella saman en ég get samt alveg stressað mig upp þrátt fyrir það. Okkur tókst að koma út jólakortunum á elleftu stundu sem ég tel mikið afrek.

Ekki þýðir að tefja hér lengi, ekki bíður nóttin lengi eftir manni og því síður batteríið á tölvunni.

Ég bið því alla vel að lifa þangað til næst. Við förum í skötu á morgun til Boga frænda, GR hefur aldrei prófað slíkt og hefur ekki áhuga en það er nú fleira þar á boðstólunum fyrir vandláta. Katrín er hér hjá okkur aðra nótt í röð og er búin að sinna Lukku og skreyta fyrir okkur jólatréð.

Manudagur með Guðmundi

Ég hef ekki gefið mér tíma í jólamyndatöku, í það minnsta ekki peggað.
En það er líka ágætt að taka sér tölvufrí "en gang imellem"

Það styttist í jólafríið......

Þetta er allt að koma

IMG_0032
Originally uploaded by melong.

laugardagskvöld
ég er hér og hann er þar

svo kemur hann og ég fer ekki fet

Stundum eru mennirnir svo önnum kafnir við að frelsa heiminn,
að þeir gleyma að sýna hver öðrum kærleika.
Olfert Ricard

Föstudagur furðulegt

treljos
Originally uploaded by melong.

Þetta ER jólamynd.

Hvað skal segja, hvað skal segja.
Margrét utan við sig er.
Hvað skal segja, hvað skal segja.
Vikan loksins búin er !!!!

Frostið er fallegt

jolaljoshreyfing
Originally uploaded by melong.

Ég veit ekki með ykkur en lífið er stöðugt að koma mér á óvart. Eða er ég bara svona barnaleg ?

Það er kalt en fallegt veður á Selfossi og jólaspennan í börnunum hefur ekki minnkað. Jól þetta og jól hitt út um allt. Kannski ekki von að þau séu spennt.

Guðmundur og Lukka skruppu austur í morgun og er u þar enn. Það þurfti að láta folöld í dag og það hefur tafist svo ekki eru þau komin enn.
Það verður bara gaman þegar að þau koma aftur.

Ég get nú skammlaust farið út með Lukku í myrkri þar sem að ég fékk þessi fínu endurskinsmerki í dag, bæði fyrir hana og fyrir mig og Guðmund.

Hafðu það gott og þú ert frábær, hver sem þú ert !

í Vallholti

jolasvhus
Originally uploaded by melong.

Þetta hús er í næstu götu. Ég taldi 16 jólasveina... hætti þá.
Strikið sem er á myndinni er sprungan í framrúðunni á bílnum.
Það var kalt þetta kvöld og ég þurfti líka að nota mælaborðið sem þrífót.

Ég ætlaði að skrifa eitthvað "merkilegt" en það er fokið út í veður og vind, eða hvað ?
Ég fann loks penan teljara svo að núna get ég séð hvort að einhverjir (f. utan mömmu) skoða síðuna því að það er eitthvað að kommentakerfinu hjá mér (!?) Svo er ég líka að gera þetta fyrir mig að blogga. Ágætis dagbók og mér finnst æðislega gaman að hafa fullt af myndum. Myndi stundum vilja bara hafa myndablogg en það má eiginlega segja það að "flickr" síðan sé slík síða.

Frostrósir

frostrosir2
Originally uploaded by melong.

Jæja, klukkan tæplega ellefu og ég búin að kenna og
fíflast fyrir framan kollegana.
Það hafa verið skemmtiatriði frá árgangakennurum og nú
var komið að list- og verkgreinakennurum.
Við sundum "Í kringum einiberjarunn" á NORSKU.
Við vorum með jólasveinahúfur og leikmuni ýmsa og ég kynnti okkur
með sterkum norskum hreim.
Þetta var mjög gaman !
Það er líka mjög skemmtilegt þegar að aðrir kennarar eru með skemmtun fyrir mann. Mjög notalegt líka.

tengist jólum aðeins

eat more toblerone
Originally uploaded by melong.

Hér er ég með óbeina jólamynd.
Þetta er eitt af kortunum sem voru til á Núpi og voru ýmis konar auglýsingakort, aðallega með sígarettum og kaffibætinum fræga, David.
Ég skannaði nokkur kort inn í dag og sum þeirra má sjá á flickr síðunni minni.

Toblerone minnir mig á pabba en ástæðan fyrir því að þetta kort triggerar ekki hjá mér sælgætisfíkn er sennilega sú að mér fannt það aldrei gott. Já, alveg furðuleg yfirlýsing frá hömlulausum sælgætisfíkli !!

Aðeins 12 dagar til jóla. Undirbúningurinn lítur vel út, keypti gjafir í dag.
Reyndar er óvíst um að það verði nokkur jólakort í ár nema rafræn. Það er eins og það sé auðveldara að koma þeim frá sér.
Jæja, það er nú ekki útséð um það ennþá !

Makkintossnammi

Makkintossnammi
Originally uploaded by melong.

Jólamynd f. gærdaginn.
Ég gleymdi líka að senda Önnu frænku afmæliskveðju !
Þessi kassi var í Crinis þegar ég var þar í klippingu á laugardaginn.
Ég tók þrjár myndir og forðaði mér svo !!!

Operation Guðmundur

jolglugg
Originally uploaded by melong.

Jæja, ég bloggaði ekkert í gær
Fór í klippingu ofl. Tók fullt af myndum þar. Eiginlega var farið fram á það að ég bloggaði þeim myndum en það verður að bíða.
Hef ekki tíma í það , er að fara á Núp að sækja Guðmund og Lukku.
Hann ætlar að flytja í dag !!!

Jibbí !!!

Í vikulokin

jolawax
Originally uploaded by melong.

Erfið vika. Gleymdi skólalyklunum 3 daga af 5.
Svaf yfir mig 2 daga af 5.

Þreytt alla vikuna,,, það eru að koma jól
Jólafriið að nálgast.

Gott að þessi er búin
Meira seinna.

Jólamynd dagsins er bútur úr voksdúkslöber á kaffistofunni í vinnunni.

Grenitréð í garðinum okkar

Originally uploaded by melong.

Ég er nú að maula lífrænt ræktaðar mandarínur og þær eru alveg einstaklega góðar á bragðið, mig langar mest til að segja að þær séu "sjúklega" góðar !
Skoðið www.akurbisk.is ef þið hafið áhuga á grænmeti í áskrift. Þau á Akri eru farin að flytja inn lífrænt frá Hollandi til að brúa vetrarbilið og ég fékk banana og marndarínur með grænmetinu. Alveg hrikalega mikill lúxus og þetta bragðast allt svo dásamlega.

Ég er komin með tunglmynda dellu eftir að ég náði fyrstu myninni þarna á mánudaginn ! Kannski ég búi til spes möppu fyrir þessar myndir á www.flickr.com/photos/melong !!!

Mánudagsmáni

moon
Originally uploaded by melong.

Ég verð nú að svindla á jólaþemanum mínu í dag.
Tunglið var frábært í gær og í dag reyndar líka. Ég prófaði að taka mynd og fékk tvær ágætar.
Vissi að þetta væri hægt á þessa vél en átti eftir að prófa sjálf.

Núna erum við Árborgarar (ekki lengur Tuborgarar !) með aðeins þrjá bæjarstjóra. Þetta hlýtur að vera ríkt sveitarfélag og hlýtur að vera vel stjórnað.

Ég er alveg með lausnina á þessu. Ég lagði það til í dag við aðstoðarskólastjórnann að hann fengi bara Stefaníu fyrrv. bæjarstjóra no 2, til að koma og vera í forfallarkennslu það sem eftir er vetrar. Hún er hvort eð er á launum hjá sveitarfélaginu næsta árið eða svo !
Ég er hæstánægð og ákaflega bjartsýn á að þessi tillaga mín komist til framkvæmda.....
Við getum ekki brugðist konu greyjinu sem fluttist hingað til okkar í góðri trú.......

Mandag mandag

advkransadot
Originally uploaded by melong.

Það er mikill mánudagur í mér núna !
Vonandi lagast það með deginum.

Þetta mun vera vegna óskynsamlegs háttatíma ! Kannast einhver við svoleiðis. Ég ætlaði svo mikið að fara snemma í háttinn en allt kom fyrir ekki. Guðmundur er mjög hneykslaður á hegðun minni og er ekki enn orðinn vanur þessum furðulegheitum.

Heimsókn bæjarstjóra Árborgar í skólann í morgun var frestað.....
Þegar það var tilkynnt í kaffinu í morgun upphófust mikil hlátrarsköll og var undirrituð þar í fararbroddi eins og vænta mátti.
Það var víst enginn hissa.......

Aðventukransinn

fyrstakerti
Originally uploaded by melong.

Svona lítur hann út í myrkrinu.
Myndin tekin í gær.
Komin jólasería í grenitréð í garðinum.

Vinnustofuheimsókn í dag. Nú er það ég sem tek á móti Katrínu. Það verður væntanlega jólalegt þemað hjá okkur eða flick-að.

3.des

3.des
Originally uploaded by melong.

..er víst kominn. Ég ætlaði ekki að vera vakandi fram á nótt, en ....Ég er að fara snemma í fyrramál í leiðangur til Rvíkur til að fara í jólaleiðangur. Mig langar itl að koma ýmislegu jólastandi frá á morgun. Þess vegna blogga ég núna áður en ég fer að sofa.

..hér kom inn plagg frá sjálfstæðismönnum undir kvöld..... D listinn vinnur af heilindum nú sem endranær,, segir þar !

.. veit ekki hvort að nágranninn er búinn að mynda nýjan meirihluta en ekki hefur hann nú verið mikið hiema í dag.......
...ekki meiri pólitík í bili... það eru svo margir sem blogga sig brjálaða á henni að manni sundlar bara á stundum. . . .

Ég er næstum því tilbúin með aðventukransinn en það verður á morgun þó seint sé.....

Ha det saa lenge !!! Verið góð við hvort annað.

2.des

2.des
Originally uploaded by melong.

Við Árborgarar erum alveg stjórnlaus í dag....
...Guðmundur og Lukka farin austur aftur. Hann ætlar að hengja upp kjetið í kvöld sem legið hefur í pæklinum og svo að fíra upp í reykkofanum á morgun. Hann verður þrjá til fjóra daga í þessu og kemur þá væntanlega hingað í lok vikunnar.

Fyrsti í des. . . . .

5. GEM
Originally uploaded by melong.

Til hamingju með afmælið !!!
Maggi frændi og Rúna og Arnór frændi !!!!

Fyrsta jólamyndin mín.
Mottó hjá mér að setja eina jólamynd inn á dag til
jóla.

Guðmundur er að klára að mála þvottahúsið.
Lukka er ljúf eins og alltaf. Það er föstudagur og jólaglögg í vinnunni.
Ég fer eða ég fer ekki.

Fréttir af dauða mínum eru stórlega ýktar.

tv-couch
Originally uploaded by melong.

Þegar talað hefur verið um Eyjafjöll í dag í fréttum í sambandi við veður þá er gaman að geta þess að Austur og Vestur er ekki það sama !
Það munar stórlega á veðurstöðvum en fréttamenn tala bara um Eyjafjöll enda vita þeir bara ekki betur.
Um daginn varð slys skammt frá Holti. Í fréttum var sagt "rétt hjá eða utan við Hvolsvöll".

Kannski hefur þetta fólk ekki tíma hreinlega til að vinna vinnuna sína !

Maður þarf sem sagt ekki að hrökkva í kút þó svo að eitthvað sé sagt í fréttunum.....

Sófinn á myndinni er rúm frá Fanneyju með nýrri dýnu og heimagerðum púðum...

Lóu vettlingar

Lóu vettlingar
Originally uploaded by melong.

Starfsfélagi hafði áhuga á þessum vettlingum vegna munstursins.
Hún er alltaf prjónandi. Ég bauðst til að láta hana bara hafa myndir af þeim. Ég held að hún Lóa frænka hafi gefið mörgum í fjölskyldunni svona. Þeir eru alveg fullkomnir. Hún gaf og gaf og gaf og meira en vettlinga.

Núna: ný gler í gleraugum.
Sé betur.
Hausverkur, en það venst......
Gott veður á Selfossi.
Guðmundur á Núpi.
Annasamur dagur.
Bráðum kemur desember...
Ég er farin að pæla í jólunum...
...en er farin í mat.....

Góða nótt og bless :-)

Leiðinleg bíómynd í sjónvarpinu.

postkrossingeittogtvo
Originally uploaded by melong.

Hér má sjá kortin sem að ég hef fengið eftir að ég skráði mig á www.postcrossing.com. Annað frá Bandaríkjunum hitt frá Finnlandi. Ég er sjálf búin að senda þrjú kort og það fjórða er í vinnslu. Það er ótrúlega gaman að fá svona póst frá ókunnugu fólki.

Afmælisdagur

stjaki
Originally uploaded by melong.

Sigrún, mágkona mín í DK á afmæli í dag. TIl hamingju með daginn , Sigrún. Svo er eins árs, dóttir Jakobs, sonar Eygóar. Hún heitir að vísu ekki Sigrún heldur Ingibjörg.

Það er að koma smá jólahugur í mann. Tíminn líður hratt og maður veit að innan skammst þarf aðventukrans að verða tilbúinn og þar strax á eftir þarf að huga að jólakortum.

Hér á Selfossi verður kveikt á öllum jólaljósum í dag klukkan 18, þannig að þetta er allt að gera sig hér í bæ. Það verður gaman þegar að bæjarbúar fara að setja upp jólaljósin. Myrkrið dregur úr mér kraft þannig að ég er ánægð með aukalýsingu.
Ekki er um neinn snjó að ræða til að lýsa upp skammdegið eins og víðast hver hér á Fróni.

Bekkjarmynd

Bekkjarmynd
Originally uploaded by melong.

Svona var ég einu sinni.
Öðruvísi er ég núna en
samt alveg eins.

Miðvikudagar eru langir hjá mér.
En frábærir.

Miðvika

www.flickr.com

This is a Flickr badge showing public photos from melong. Make your own badge here.

it all depends on the language

it all depends on the language
Originally uploaded by melong.

Þetta skot er úr bíómynd sem að var sýnd í sjónvarpinu nýlega. Babel minnir mig að hún hafi heitið. Klikkaði á því að setja þetta ekki inn á Jónasardeginum. En allir dagar eru víst dagar tungunnar , þessi dagur sem aðrir.
Það er svo mikið til að "vitru" fólki hér á landi sem duglegt er að segja hvað því finnst. Ég hef lítið að tjá mig um í augnablikinu enda hlustaði ég á góða konu segja um helgina; "just mind your own buisness !". Ef að fleiri gerðu það þá myndi kannski margt vera betra hjá okkur sjálfum. Og hana nú. Vonandi líður öllum vel sem að ég þekki.

Kennarakaffi

Kennarakaffi
Originally uploaded by melong.

Af hverju þessa mynd ?

Jú, vegna þess að um helgina ákvað ég að hætta að drekka kaffi..... í vinnunni. Kaffið þar er nær ódrekkandi en samt hefur maður haldið áfram að sötra það og uppskorið lítið annað en syfju. Ég fór með te og lítinn brúsa til þess að eiga vatn á lager. Þetta gekk ljómandi vel og ég finn strax að mér líður betur af þessu, ekki eins sloj.
Reyndar hefi ég þurft að fara oftar á snyrtinguna en ég læt mig hafa það.

Ég var bíllaus , aldrei þessu vant og gekk heim úr skólanum sem var gott og gaman og KALT.
Enginn snjór sem að er til bóta að mínu áliti.

Svona er ég bara.

mooii
Originally uploaded by melong.

Hér er enginn snjór. Ekki eitt korn, takk fyrir.
Hér kom svili minn, Lárus, með Guðmund , á sléttum dekkjum á leið í bæinn. Það snjóaði f. austan en vara marautt frá Vorsabæ. (skammt vestan v. Markarfljót)
Lukku er sama um allt þetta. Hún vill bara að henni sé sýnd athygli og þá er hún ánægð.
Mor og far erum búin að tilkynna komu sína í kaffi ásamt fröken Katrínu Björgu. Lukka ætti að gleðjast, hún er nú mjög hænd að pabba því að hann er svo duglegur að sinna henni. Svo er frökenin líka við hana eins og hún sé hennar eign

Fredags friðsæld

Innsetning / Installation
Originally uploaded by melong.

Ég þakka systur minni fyrir innlegg hennar.

Hér birti ég mynd af verkefni sem að ég var að láta krakka í fimmta bekk vinna. Fyrst gerðu þau húsgögn úr leir og síðan íbúðir og nokkrar stúlkur vildu fá að koma með mini brats dúkkur og ég sagði í lagi. én ekki hvað. Þetta er útkoman. Meira að sjá á flikkrinu mínu.
Tengill hér til hægri.

Fallegt veður á SElfossi. Enn þá kalt. Það er í lagi þegar maður hefur bíl og bílskúr til að geyma hann í. Lúxus.

Ég var með tvo bekki í röð í leir í dag enda er ég frekar þreytt. Það er mikil vinna fyrir kennarann en það var líka svakalega gaman og gekk vel. ÉG er með mjög fína nemendur.

ÉG er að fara á ráðstefnu í kvöld og á morgun og hlakka mikið til.
Þetta er ráðstefna fyrir hömlulausar ofætur sem eru á bataleiðinni eða langar til að komast þangað.

Góða helgi og ég kveð í bili... Þangað til næst,,, hafið það gott.

Tungan

Hér er hugmynd.
Það sem borið hefur á því að orðaforði manns hefur farið hrakandi. Það er að segja, ég nota allt of fá lýsingarorð. Þetta er eins og að ganga alltaf í sömu skónum þó svo að maður eigi 300 pör.
Það sem að mig langar til að biðja þig/ykkur um að senda mér uppáhaldslýsingarorð ykkar.
Ég mun svo reyna að nota þau í kennslustundum hjá mér.
Ég og fólk sem að ég umgengst notar of mikið af ensku. Ég geri það sjálf. Maður er svo mikið í enskumælandi umhverfi að það hefur áhrif á mann.

Lýsingarorð sem að ég er hrifin af er til dæmis "gómsætur" og "ljúfur".

Verð að haska mér af stað aftur í mína yndislegu vinnu. Bíllinn er í hinum rúmgóða bílskúr sem vér eigum.

Gangið á Guðs vegum.

Margrét

Ekki stóri bróðir heldur stóra systir !

A.BIGsister
Originally uploaded by melong.

Verður ísl-enskan svona ?

Selfoss=kalt, kalt , kalt.
Gær, Kpvogur. Panta dýn o gler í glerau.
Gaman vinna, góð verk, nem fínir.

GR ædi, fær 10 ros.

Kalt gerir threytt. Bill i bilskur.
Eg verd ad fa kaffi, rn.

Epli og appelsínur

Einkavél 143
Originally uploaded by melong.

Gefa kraft þreyttri píu.
Utan við sig hún er.

Í morgun hissa var
enga nemendur sá
veist ekki, það foreldradagur er !

Já, í gær ég kennslu undirbjó
og niðursokkin var
enda í öðrum heimi og heilinn
ekki með pláss fyrir þennan heim.


PS. þetta er skrifað á þriðjudegi, 14. nóv.

Ekki svona gott veður hér

kamar
Originally uploaded by melong.

Hér er rok
Hér er veður

Svakalega dregur mann niður

En kamarinn í logni lætur
Guðmund svíða kinda fætur.

246 Asólfsskáli

246 Asólfsskáli
Originally uploaded by melong.

Alger þoka á þessum afleggjara í dag. Stemmningin róleg og notaleg. Trén eru mjög alvarleg svona nakin og grá. Traust samt.

..i vikulokin..

Föstudagur aftur strax ?

Jæja, veðrið var ekki eins slæmt og ég átti von á. Í það minnsta er lausa dótið á bak við hús enn á sínum stað. Guðmundur segir líka að þetta hafi ekki verið eins stórfenglegt og síðast.

Nú er fyrsta "postcrossing" kortið mitt komið á leiðarenda til Roosu í Finnlandi.
Skoðið www.postcrossing.com.
Það var einhver sem vildi fá annað í pósinn en gluggabréf sem að startaði þessu. Maður sendir kort og svo sendir einhver manni kort. Mitt kort fór rúmlega tvöþúsund kílómetra til Finnlands. Og núna er annað kortið mitt á leiðinni til Robin í Lawrenceville í USA. Svon núna má ég eiga von á því að fá kort þar sem að ég er komin inn í kerfið. Maður sendir kort og svo skráir móttakandinn númer manns á vefsíðunni og þá má láta aðra manneskju fá adressuna manns til að senda manni kort.
Það eru a.m.k. tvær síður á flickr sem að eru helgaðar þessu verkefni. Þar setur fólk inn myndir af kortum sem að það hefur sent eða fengið. Ég stefni að því að senda heimagerð kort en byrjaði á týpískum íslenskum túristakortum.

target="_blank">src="http://atli.askja.org/jol/banner.gif">

For Love or Money

For Love or Money
Originally uploaded by nomm de photo.

Ég bara varð að blogga þessari mynd. Hjarta efnishyggjunnar, eða hvað finnst ykkur ?

Margrét GROUP

margretGROUP
Originally uploaded by melong.

Nú er ég loksins orðin alvöru "GROUP" eins og sjá má að þessari mynd, hópmynd af egóinu.
Ég fékk þetta frábæra nafnspjald frá SPK í sumar og ákvað að taka því á jákvæðan hátt. Ég er bara búin að vera framkvæmdastjóri síðan og sjálfsmyndin hefur rokið upp. Ég spjaldið með myndum í nýju vinnustofunni á borðið og tók nokkrar myndir. Ég er , eins og sést á myndinni kannski, ekki alveg búin að ná tökum á macro-inu á nýju myndavélinni. Ég er að vinna í því þessa dagana að fikta eins og ég get og tek óheyrilega mikið magn af myndum. En það gerir nú lítið til. Það má alltaf henda....

Gott veður.

thvottahusgluggi
Originally uploaded by melong.

Hér er fínt og mátulega svalt. Það gengur vel með Lukku , hún er alveg til fyrirmyndar. Ég fór með hana í heimsókn í gær og vinkonu minni þótti hún aldrei hafa hitt jafn þægan hund.
Núna er hún úti í garði , ég framlengdi gönguólina hennar með sterku bandi svo að hún gæti athafnað sig um allan garðinn. Ég fór í smá leik við hana í hádeginu og svo verður farið með hana í kvöld út að ganga eða hjóla. Ég finn að ég hef mjög gott af þessu því að ég er frekar þreytt sem segir heilmikið um mitt form. Lukka er því alltaf að sanna hvursu vel nafnið hæfir henni.

Svo er Guðmundur að koma á eftir og verður kannski kominn á undan mér heim.

Sól í sjónvarpinu og Lukka á gólfinu.

Við Lukka komum hingað á Selfoss rúmlega hálftíu.
Við tókum smá rúnt um hverfið því að við vorum svolítið kæstar því að dagurinn var alger innidagur enda nóg að gera þar og veðrið ekki endilega kjörið til mikillar útivistar.
Ég horfi á frönsku myndina núna svona þangað til að ég nenni ekki meir.

Heima er bezt

Staircase Núpur
Originally uploaded by melong.

Ég slappa svo af hér í sveitinni að það er einum of. Þegar ég er hér er ég ekki mjög praktísk of vildi helst liggja í leisí boj eða taka myndir, nú eða knúsa Lukku mína.
Ég er eiginlega enn með kökk í solar plexus vegna söknuðar til hennar sem að gýs upp þegar við hittumst.
En nú hef ég ákveðið að taka hana með mér á Selfoss því að ég verð að hafa í það minnsta annað þeirra , Lukku eða Guðmund. Ekki gott að vera án þeirra beggja. Guðmundi seinkar enn á Selfoss, það er mikið að gera hjá honum hérna svo að ég verð því að fara heim í hádeginu, sem að mér finnst reyndar ekki slæmt og fara með Lukku á rúnt. Svo líka á daginn þegar að vinnudegi lýkur. Ég þarf líka á hreyfingunni að halda ekki síður og hún. Lukka þarf líka , fyrr en seinna, að venjast því að vera í Réttarholti á meðan við Guðmundur erum í vinnu.
Ragnar Valur og Guðmundur eru að slátra og svo verður helginni eytt í að hakka kjöt og hakka kjöt. Gaman , gaman. (góður félagsskapur)

Alveg í mínum anda

Da Greens
Originally uploaded by kk+.

Svona svakalega grænan inngang myndi ég nú varla þora að mála.
En hvað um það myndin er flott.

Myrkur að morgni dags

Það gæti verið gott að hafa svona lampa með sér á morgnana í skólann. Eða þegar maður fer út í skúr á kvöldin.
Kannski væri hægt að minnka almenna lýsingu utandyra ef að allir væru með svona ljósker ? Hvað segir fólk um það ?

Hann á afmæli í dag

Karl faðir minn á afmæli í dag. Hann er jafngamall lýðveldinu og er jafn unglegur og það er. Því set ég inn eina afmælismynd honum til heiðurs.
"Hann lengi lifi, húrra, húrra, húrra." !!!!

"

eye Pod

eyePod
Originally uploaded by raverz.

Ég var að uppfæra flickr síðuna. Ég bætti þar við myndum af stólnum sem að nemendur mínir eru að vinna að. Þar fann ég þessa sniðugu mynd.

Á MORGUN kemur Guðmundur. Reyndar fer hann svo aftur, og ég með honum, austur því að nú á að slátra á Núpi um helgina.