Je suis comme je suis

mooii
Originally uploaded by melong.

Ég birti sjálfsmynd vegna ótal fyrirspurna..... eða þannig.
Sjálfið er gagnrýnið svo að ég held að þetta sé þema dagsins.

Ísland er landið

island
Originally uploaded by melong.

Ég blogga þessari mynd vegna þess að ég byrjaði að mála aftur í gær, eftir langt hlé. Fiktaði lítið í þessari mynd sem þó er hálfgert uppkast.

Veðrið á Selfossi er gott. Bjart og hlýtt. Börnin höguðu sér vel í dag. Voru fyndin og ég hló mikið með 5. ÁJ. Ég er víst eini kennarinn sem skilur húmor tveggja pilta þar. Mér fannst það fyndið og auðvitað er maður upp með sér.

Ég býst við að fara aftur út í bílskúr að mála í kvöld þar sem að von er á Katrínu Valgerði.

Hugmyndaskortur

watercolour
Originally uploaded by melong.

Það er ekki gott að vera hugmyndasnauður.
Stundum kvarta ég yfir því að hafa allt of mikið af hugmyndum en í kvöld
er ég bara alveg galtóm !!! Ég er ekki mikið fyrir Clint gamla, sorrý, hann er svo takmarkaður finnst mér.....
Ég get farið snemma að sofa , það er hugmynd að viti ! Loksins......

Þangað til næst, gangið á Guðs vegum.......

Quelqu'un m'a dit

Rigning

Watercolour
Originally uploaded by melong.

Hér eru slettur á gólfinu í myndmenntastofunni. Glugginn fyrir ofan með klippimynd í speglast í dropanum, þessum fremsta !
Soldið skondið. Ég tók fullt af myndum af borðunum hjá krökkunum áður en þau þvoðu vatnslitaklessurnar af þeim. Það fannst þeim undarlegt en ég veit að þau verða hrifin þegar ég sýni þeim myndirnar.

Tonlist fra þvi i "gamla daga"

Eru virkilega liðin 20 ár frá því að ég var að dansa við þetta lag ? Það er mjög erfitt að trúa því, jafnvel þó svo að standi svart á hvítu; "1987" !!! Með einfaldri stærðfræði má finna þetta út.

Nýji jarðgerðarkassinn

My creation
Originally uploaded by melong.

Við Guðmundur vorum að fá okkur jarðgerðarkassa til nota innan dyra. Mig hefur langar í svona lengi en loksins (rétt fyrir kaupbindindið) pantaði ég hann. Ég rauk í það að borða appelsínur bara til þess að geta sett efni í hann !!!
Við höfum hann í eldhúsinu uppi á borði til að byrja með. Það er bara svo að ég geti fylgst nákvæmlega hvað er að gerast og hvernig gengur. Hitastigið hefur ekki hækkað mikið enda ekki mikið komið í hann, ekki mikið eldað hér þessa viku enda við bara tvö ein.

Afmæli

gilsiimba
Originally uploaded by melong.

Frændsystkinin og vinirnir, Gísli Eggertsson og Ingibjörg Hilmarsdóttir, eru bæði fjögurra ára gömul í dag. Þar sem að haldið var upp á afmæli Gísla síðastliðinn laugardag þá er hann búinn að vera 4 ára síðan þá, ég er sannfærð um það.

Le Grand Bleu

Afmælin

Það var gaman í afmælunum í gær. Guðmundur fór reyndar í 3 afmæli. Frændi hans , Hrannar varð 7 ára á föstudaginn en hélt upp á það í gær. Guðmundur heimsótti hann á meðan að ég var á bókbandsnámskeiðinu. Ég hélt að "enginn" ætti afmæli í dag en fór svo að skoða dagatalið mitt og sá þá að frænka mín , Guðrún Anna, á afmæli !!! Á morgun verður Bryndís fertug og Gísli verður 4 ára á þriðjudaginn. Þetta minnir á mánaðarmótin apríl/maí !!!
Reyndar er eitt fertugsafmæli á mánuði núna fram í júni. Nóg að gera.

Ég læt nægja að skella inn 2 myndum, fleiri myndir er hægt að skoða á flickr-inu.

4 ára og fertug

ruslalok
Originally uploaded by melong.

Margbreytilegur dagur framundan, bókbandið, afmæli Gísla míns (hann verður 4 ára 6. mars)
og svo fertugsafmæli Bryndísar , vinkonu minnar og klippara, sem hún fagnar á Nordica í kvöld.

Þetta er allt saman ágætt en ég á eftir að pakka inn gjöfum og skrifa á kortin og det hele og stutt í að ég þurfi að leggja af stað í bæinn. GR er reyndar ókominn að austan en hann er mun stundvísari en ég og alveg óþarfi að hafa áhyggjur hans vegna.

Þessi ljósmynd er af lokinu á gömlu ruslatunnunni. Hún fékk afar misjafna dóma á flickr. Undarlegt hvernig smekkur manna er, ég skil stundum ekki þetta undarlega fyrirbæri....
................
................

Sumir skipta máli þó maður þekki þá ekki neitt.

jolakort
Originally uploaded by melong.

Í bljúgri bæn og þökk til þín. S

Í bljúgri bæn og þökk til þín,
sem þekkir mig og verkin mín.
Ég leita þín, Guð leiddu mig
og lýstu mér um ævistig.

Ég reika oft á rangri leið,
sú rétta virðist aldrei greið.
Ég geri margt, sem miður fer,
og man svo sjaldan eftir þér.

Sú ein er bæn í brjósti mér,
ég betur kunni þjóna þér,
því veit mér feta veginn þinn,
að verðir þú æ Drottinn minn.


Pétur Þórarinsson

Kínversk viska, óþýdd.

Neocolor
Originally uploaded by melong.

Tell me , and l´ll forget.
Show me and l may remember.
lnvolve me and l will understand.

Bara sunnudagur

ruslalok
Originally uploaded by melong.

Ekkert merkilegra en það.
Hins vegar voru hér skemmtilegir gestir. Systir mín og fjölskylda hennar. Hún gisti hún Fanney hjá mér og síðan vorum við að tilraunast eitthvað í bíslkúrnum. Við prófuðum að spila "Hrútaspilið" , (http://www.hrutaspilid.is/ )það var reglulega skemmtilegt.

MissLooseMarbles

MissLosseMarbles
Originally uploaded by melong.

Ég get ekki betur þó ég sé að "horfa á" GETTU BETUR. Ég er að fylgjast með þessum þætti með öðru auganu. Þetta er ekki lengur spennandi en kannski verður það það seinna.

Það gekk á ýmsu í skólanum í dag, mikil spenna í loftinu eftir tvo frídaga hjá börnunum. Starfsdagurinn var vel nýttur og foreldradagurinn líka. Það eru fáir og oft engir foreldrar sem koma til að hitta myndmenntakennarann. Ég tók mikið til og flokkaði, ekki vanþörf á því. Síðan fór ég yfir verkefni næstu viku.

Núna er Guðmundur farinn frá mér......eða þannig. Hann fór austur en á morgun fer ég vestur í Kópavoginn á bókbandsnámskeiðið. Síðan kemur Fanney með mér hingað austur og verður fram á sunnudag. Jibbí.

Engin mynd

Engin mynd og nóg að gera.
Starfsdagur í dag, verið að undirbúa foreldrafundi morgundagsins. Ég er dauðfegin að fá svona tvo starfsdaga til að vinna mér fram í tímann og hreinsa upp það sem hefur ekki náðst að klára. Ég hef fundið fyrir því að maður þarf alltaf að vera í formi það er ekkert svigrúm fyrir annað.
Meira um það seinna. Hef hugsað mikið um stöðu mína og annara kennara en það er áliðið og ég sver það, held að það myndi ekki neinu breyta fyrir nöldurskjóðurnar sem halda að þær viti allt um þetta starf og að þær geti dæmt heila stétt á nokkrum hræðum.
Úps, ég er víst búin að segja meira en að ég ætlaði mér.........

Folding Chair

Er ekki alveg magnað hvað hægt er að gera og búa til í þessu lífi ?

þorrafagnaður

skopparakringlan 031
Originally uploaded by melong.

Bravo , bravo. Nú skal blóta.

Þarf ekki að horfa því á Júróið.

Ekki heldur að hafa skoðun á einu eða neinu. Bara vera til.

Límbandsstóllinn 11

Límbandsstóllinn 11
Originally uploaded by melong.

Límbandsstóllinn er hliðarverkefni í myndmennt , mjög vinsælt. Ég nota hann sem gulrót. Fyrst verður að taka itl að ganga frá og svo framvegis.

Veðrið er fagurt í dag og það ætti að gleðja okkur.

Skopparakringlur

Skopparakringlur
Originally uploaded by melong.

Það var svo gaman í dag, sérstaklega í síðustu tveimur tímunum. Þá fékk ég hugmynd um hvernig nota mætti "drasl" sem að ég hef haldið upp á , mislengi. Krakkarnir í 4. MS fengu að gera sér skopparakringlur og ég ætla að útbúa nokkur stykki til að gefa Gísla mínum í 4 ára afmælisgjöf í næsta mánuði.

Þessi helgi verður útstáelsishelgi hjá okkur Guðmundi. Okkur er boðið á skemmtun í kvöld og svo annað kvöld er þorrablót undir fjöllunum...... mikið stuð , mikið gaman....

Reykingar skaða, eða það hélt ég....

einarmalboro
Originally uploaded by melong.

Hér sést í mælaborðið á einu af mörgum mótorhjóla Einars mágs míns.
Dagsetningin á "reglugerðinni" er sú sama og fæðingardegi ER.

Innkaupaleysið gengur mjög vel, enda hef ég ekki farið í verslun alla vikuna. Kom inn í bensínstöð á leiðinni heim til að kaupa gosdrykk og þurfti svolítið að skoða.... mér finnst oft svo sniðugt dót til á bensínstöðum svo að það var gott að ég er í innkaupafráhaldi.

Það er einna helst að ég sé enn að skoða bækur á amazon ... væri sennilega búin að panta mér spennandi bækur ef ég hefði ekki rekist á Þorra og Góu.....

Gersemar

lassie
Originally uploaded by melong.

Þessi mynd er ein af gersemunum frá Núpi. Mynd á spjaldi. Sennilega utan af kassa. Kannski umbúðir utan um svona sundbolta ?
Hver veit. Hundurinn er fjarskyldur Lukku sem gerir myndina enn verðmætari.

Á hestbaki

áhesltbaki
Originally uploaded by melong.

Mynd frá frægðardögum mínum sem tjaldkokkur ! Þessi mynd er tekin í Landmannalaugum þar sem við kokkar tveir brugðum okkur á bak á meðan að ferðamennirnir voru að klifra eitthvað með leisögumanninum. Það var einhver ítali sem tók þessa mynd og aðra til. Skemmtilegur reiðtúr í Laugunum sem gleymist seint.

Innkaupafráhald

Nú er mín komin í rúmlega mánaðarlangt innkaupafráhald. Ég mæli með að þið skoðið sjálf Þorra og Góu til að sjá út á hvað málið gengur ! Þeir sem að eiga afmæli í febrúar og mars mega því eiga von á heimatilbúnum gjöfum.....

Fimm haldara bolli

cup5ears
Originally uploaded by mogo!.

Er þetta ekki snilld ? Þessi bolli er gerður af hinn snjöllu flickr vinkonu minni, Monique Goossens.

Það er við hæfi þar sem að vinkona mín , keramikerinn, Katrín V var hér í heimsókn í kvöld.

Heimasíða hennar er www.kvalka.is

Katrín Björg og Lukka

Katrín Björg og Lukka
Originally uploaded by melong.

Frökenin er enn slöpp e veikindi síðustu viku og fékk því að leggja sig í sjónvarpssófanum með ungfrú Lukku. Báðar voru mjög ánægðar eins og sést hér á þessum myndum.

Hann á afmæli í dag !

Hann á afmæli í dag !
Originally uploaded by melong.

Þessi ungi maður, fyrrum bóndi og núverandi skógarhöggsmaður á afmæli í dag !
Hann skiptir deginum á milli gamla heimilisins og hins nýja.
Hann fór austur í gær til þess að gefa og líta eftir með leigjandanum.(kiddi mink i hálfan mánuð, borgar leigu m því að gefa fénu)
Hann verður kominn aftur áður en að vöfflukaffið byrjar.

Það er annað sem að ég verð að koma að í þessari afmælisfærslu er sú stórmerkilega frétt að mér tókst loks í gær, að klára bók ! Ég hef verið að lesa hana í sennilega rúma tvo mánuði !! Það er orðið mjög sjaldgæft að ég ljúki lestri á heilli bók. Einbeitingin dugar ekki nema að efnið sé því áhugaverðara. Ég verð líka að hafa mikinn tíma til að einbeitingin dugi. Hvað um það. þessi bók: "ADD friendly ways to organize your life" er alveg frábær bók, ég mæli með henni við alla. Það eru myndir og komment frá mér um hana á amazon.

Farið vel með ykkur í dag !

Vöfflukaffi og braðsniðugir hankar

A. "Guðmundur" verður með vöfflukaffi á morgun í tilefni afmælis síns. Hann er ekki mikill afmæliskarl og því hefur hann gott af því að hafa lent í afmælisfjölskyldu eins og minni !!

B. Ég er alltaf að skoða eitthvað á netinu og þeir sem róa þeir fiska , ikke oss´ ?

í gær fann ég þessa sniðuga hanka sem eru líka geymsluhólf eða "frálegshylki" fyrir allt "draslið" sem að við burðumst með daglega.

"Excercising is great but accessorizing is better"

A.sigti
Originally uploaded by melong.

Fann þetta á flickr.

Fimmtudagur

kbkmalverk
Originally uploaded by melong.

Frelsi, fjármál, fætingur, fætur, fínn, fimm, fimmtugur, fertugur, ferlegur, furðulegur, fanatískur, fáni, fífl, fjárhagur, filma, farinn, fýkur, fokinn, frjálslyndur, falinn, fram, framandlegur, ferðalag, ferð, fól, fatlaður, fríkaður, frábær . . . og klukkan er eitt eftir miðnætti !!


Guð er sá eini, sem aldrei þreytist á að hlusta á mennina
Sören Kirkegaard

Orð dagsins

Þemadagarogskrúðganga 045
Originally uploaded by melong.

„Vöxtur er fálm í myrkri , hvatvíst, óyfirvegað verk án ávinnings
reynslunnar."

Henry Miller

Anna Frank

Þemadagarogskrúðganga 048
Originally uploaded by melong.

Einn nemandi vildi endilega gera Önnu Frank, ég leyfði henni það því að stúlka með hennar útlit gæti átt heima í N Ameríku í dag. Hún hefði líka átt það skilið að komast þangað og lifa lengur. En hvað um það

Hér er ég enn. Ég er bara búin að gefast alveg upp á sjálfsgagnrýni og er bara frábær. Maður heldur sig vera kominn eitthvað áleiðis en áttar sig svo á því að maður er kannski kominn í sama farið eða er ekki alveg búinn að láta af leiðum vana eins og að vera í stöðugri sjálfsritskoðun.

Er ekki fullkomin hvort eð er !

Þemadagarogskrúðganga 060

Þemadagarogskrúðganga 060
Originally uploaded by melong.

Ég er soldið ánægð með myndirnar frá þemavikunni og held því áfram að flagga þeim hérna.

Ég var að koma úr pokavogi þar sem ég var í vinnustaðaheimsókn hjá vinkonu minni Katrínu Valgerði. Við afrekuðum miklu og vorum að vonum ánægðar með hittinginn.

ég er svo hrikalega fegin að þemadagarnir séu að baki. Þrátt fyrir að þetta sé gaman og alles þá er ég nú bara að kenna svo skemmtilegt fag að ég þarf ekki neina svona þemadaga. Það er soddan öryggi í rútínunni og því kann maður vel svona þrátt fyrir allt.

Heiða , homminn og hitt

Þemadagarogskrúðganga 040
Originally uploaded by melong.

Það fór nú svo að ég horfði á júróið í gær. Fyrsti þátturinn sem ég sé, ég var með frænkunum og ein þeirra vildi horfa. Ég átti í erfiðleikum með að velja á milli Heiðu og Diskólagsins. Ég er alltaf hrifin af lögum sem að fá mann til að dilla sér...

Myndin sýnir kort sem gert var af N- Ameríku á þemadögunum. Reyndar voru miklu fleiri dúkkulísur gerðar en sjást á myndinni.

Þemadögum lokið

Blóðrauður himinn

greinarrautt
Originally uploaded by melong.

Þemadagur eitt:

Það gekk vel en ég hugsa að ég vildi óska þess að við hefðum skóla sem væri svo skapandi að við þyrftum ekkert að vera með þemadaga.

Beverly Gray

BevGraySamerika
Originally uploaded by melong.

Þessar bækur las ég allar upp til agna á árum áður. Ég veit ekki hvort þær koma frá mömmu eða ömmu en ég fékk þær hjá mömmu til að binda inn.
Á laugardögum mæti ég í Kópavoginn og læri að binda inn.

Í dag reyndum við að klára undirbúning fyrir þemadagana sem að byrja á morgun. Fjölmenning eitthvað , heimsálfur eitthvað.
Ég verð stödd í N- Ameríku og þar verður þemað með veðurfarslegu ívafi. Þetta verður bara afslappað hjá okkur.

að vera eða ekki að vera það ser stóra málið

bloggið
Originally uploaded by melong.

Ég er enn að lesa þessa bók. Síðan á síðasta ári. Það gekk vel framan af en svo hef ég minnkað lesturinn. Þetta er frábær bók og ég sé líf mitt alveg í nýju ljósi. Þetta meikar allt í einu sens fyrir mér........

GR

grgrGR
Originally uploaded by melong.

Frá Snæfellsnes ferð okkar 2005. Ég er nú ekki mjög vandvirk í fótósjopp !!! Pyt med det siger jeg !!!

Ég blogga, þess vegna er eg !

www.thinkgeek.com

Frjósi-leikur

frjosfimm
Originally uploaded by melong.

Þessir krakkar eru nemendur í 3. KV.
Þau eru nú alveg frábær, innlifunin er einstök.

Í lok tímans hef ég oft leiki. Enginn leikur fyrr en búið er að ganga frá.
Öllum finnst gaman að leika, líka fullorðnum. Ég hins vegar, kenni bara börnum, í augnablikinu , í það minnsta.

Ljósmynd eftir pabba

IMG_0113
Originally uploaded by einarlsig.

Mynd þessi var tekin í hitteðfyrra , býst ég við.

Í dag fór ég til Reykjavíkur og svaraði nokkuð hundruð spurningum. (meira um það seinna, kannski) Frekar lýandi að hugsa svona mikið og svara svona mörgum spurningum, en ég hafði það af á mettíma, samt sem áður.

Hitti Foreldar mína, systur mína, börnin og líka Eggert.
Ég passaði Gísla vegna þess að hann vildi frekar vera heima og LEIKA heldur en að fara í útréttingar. Honum hættir víst til að sofna í svona skutlferðum. En svo bregðast krosstré sem önnur tré því að eftir smá leik ákvað Gísli að ég myndi lesa bók, sem ég gerði að sjálfsögðu. Það endaði bara með "´ösköpum" þar sem að við sofnuðum bæði !!!
Þvílík barnapía !! Vonandi verður hann ekki of hress og tekst að sofna þrátt fyrir okkar blund.

Rússibanar

tree
Originally uploaded by melong.

Íslendingar eru manio depressivir. Það er annað hvort upp eða niður !!!! Veðrið er stundum þannig.

Guðmundur er ánægður í vinnunni, að ég held. Reyndar bara tveir dagar liðnir. Hann var ekki í neinu skógarhöggi í dag, "bara" vélaviðgerðir.

Mikið að gera í dag. Fjáröflunarnefndin var með vinnubúðir í dag í tvo tíma. Við ætlum að gefa út tvær bækur til að safna fé til utanlandsferðar í júní. Við erum að fara til Leeds í Bretlandi.

Ég er oft óraunsæ og vil vera með en átta mig svo kannski eftir á að ég hef ekki tíma í viðkomandi verkefni !!!

ikea egg

ikea egg
Originally uploaded by melong.

Guðmundur er byrjaður að vinna hjá fyrirtæki sem heitir GRÆNI DREKINN. Það er ekki kínverskur veitingastaður eða pöbb.
GR væri góður á barinn þar sem ekki væri hætta á að hann myndi detta í það því að honum finnst vín svo vont. Að vera vondur við vín hefur nýja merkingu hjá mér núna. Maðurinn sem vínið hafnaði...
æi bull er þetta í mér....
Græni drekinn er skógarhöggsfyrirtæki nefnt eftir tækinu sem sér um höggið. Gr er því orðinn skógarhöggsmaður !!!

Soldið skondið .....

Gamli skúrinn farinn

blatthus
Originally uploaded by melong.

Útsýnið sem við höfðum í fjöltæknideildinni , lokaárið okkar í MHI.
Ég set þessa mynd hér inn þar sem að einn úr okkar hópi ákvað að lifa ekki lengur. Ég kynntist Jóa þegar ég var 19 og við vorum bæði að vinna í garðyrkjunni hjá Einari Þ. Síðan varð ég svo heppin að hann varð skólabróðir minn og við vorum skólasystkin í þrjá vetur.

Það er ekki mikið um þetta að segja, ég reyni bara að biðja fyrir fjölskyldu hans. Maður er bara algerlega vanmáttugur.

BLESS JÓI, FAR VEL OG TAKK.

ammaafiogbörn

ammaafiogbörn
Originally uploaded by melong.

Þar sem heili minn líkist stundum gatasigti þá verð ég bara að blogga þessari mynd jafnvel þótt ég hefði birt hana hér áður.

Alltaf haldið upp á hana þrátt fyrir að afi sé í örlítilli þoku.
Amma á heiðurinn af fatnaði barnanna ungu, Ásgeirs og mömmu.

Hér á Selfossi er jafn kalt og að undanförnu og tíðindalaust að mestu leyti. Ég er núna búin að hitta alla nýju hópana og fæ fyrstu hópana í annað sinnið á morgun og þá er að sjá hvort að ég muni einhver nöfn frá því í fyrri viku. Í fyrsta sinn sýndi ég þá framsýni að taka mynd af hverjum og einum nemanda, uppi við töflu og skrifa þar nafn viðkomandi svo og bekkjarins. Þetta trix hefur hjálpað mér heilmikið við að festa nöfnin. Ég hef þá alltaf myndirnar og get kíkt á þær áður en að börnin mæta hjá mér.

Ég skoða líka vel alla afmælisdaga og stjörnumerki til að reyna að tengja eitthvað sérstakt við hvern og einn.
Upp úr stendur hún Ásta en hún á sama afmælisdag og ég. Meirað segaj man ég að hún er í 5. bekk !!

Vel af sér vikið fyrir bráðum fertugt gatasigti !!!
Hvað er maður að kvarta eiginlega ?

the 3rd foot

the 3rd foot
Originally uploaded by melong.

Kalt og svalt á Selfossi.
Tíðindalaust að mestu.
Maður er syfjaður á þessum tíma sólarhringsins (korter í ellefu)

Þriðji fóturinn var myndaður 1. janúar.

Mánudagur

Missing
Originally uploaded by melong.

Kennsla, gaman, nýjir nemendur.
Siesta.
Frágangur, ferðalag. Eldaskálinn Ármúla.
Pönkbærinn, matur á K91.
Seinna: Heimsókn til Katrínar ofl.
Ekkert mál að keyra, næstum því autt.
Ekki SVO mikill snjór hér í Rvík og nágrenni.
Aðeins ýkt en nóg samt.

sne neige snow

15-hours-missing
Originally uploaded by melong.

Mikill snjór.
Gaman, fallegt, kalt..
Sunnudagur, hvíld, snjómokstur.
Leti, símtöl, kaffi, heimsóknir.
Flickr, flottar myndir.

Meiri snjór, meiri snjór.........

Skugg
Originally uploaded by melong.

Ég var á heppilegum tíma heim í dag. Var komin heim löngu áður en fór að hvessa og að snjóa aftur. Það blæs enn og það er yndislegt út að líta. Ég hlakka til að fara út með Lukku á morgun.

Mér fannst ég nú ekki komast mjög áleiðis á bókbandsnámskeiðinu í dag. Ekki farin einu sinni að sauma, hvað þá meira. Ég finn að ég þarf að taka á allri minni þolinmæði í þessu. Ég er byrjandi og veit ekki neitt, veit ekki hvað gera skal næst. Sennilega lagast þetta. Á nú ekki von á öðru.

Myndina tók ég í skólastofunni, fékk lánaða auka hendi .. ... ...

Föstudagur til útsöluferðar

uglybetty
Originally uploaded by melong.

Ég freistaðist til að kaupa góða strigaskó í Nóatúni og Guðmundur fjárfesti í skyrtum og bolum. Ekki vanþörf á að hann fengi sér ný klæði !

Í nótt bættist við snjóinn hjá okkur hér í Árborg. Sami fallegi púðursnjórinn sem fyrr. Við fórum í gærkveldi í göngutúr með Lukku að verða hálfellefu. Fátt (einn) var á ferli svo að við höfðum ekki fyrir því að vera með hana í bandi enda var hún alsæl og skoppaði enn meira en ella fram og tilbaka, afturábak og áfram. Ég mokaði síðan snjó áður ég ég fór inn. Ég er ekkert svekkt yfir því að það skyldi snjóa ofan í það því að mér finnst bara gaman að moka snjó. Svo er nú ekki eins og það sé einhver áreynsla að moka svona léttum snjó !

Tveir snjókarlar

EgGr
Originally uploaded by melong.

Þessir myndarlegu sómamenn eru báðir tengdasynir foreldra minna. Myndatakan var gerð til þess að ná á mynd þessum smekklegu og fallegur treflum sem að Furstahjónin í Kópavogi gáfu þeim í jólagjöf.
Myndatakan breyttist fljótt í farsa a la Margrét og Fanney og úr varð þessi sería. Flestir viðstaddir höfðu gaman af og kannski Lukka líka.

Miðja lífsins

bæn
Originally uploaded by melong.

Eiginlega ætti ég að vera með snjómynd í dag en þessi kallaði á mig.
Ég skýt stundum á sjónvarpið og þetta skot er úr heimildarmynd sýnd á Ruv. Ekki hef ég þessa þörf í dag.

Mikill snjór á Selfossi, mikið fjör og mikið gaman. Undirrituð er þó ekki með fjörugra móti nema síður sé en hins vegar mun það líða hjá eins og annað.

Kalt hér sem og sumstaðar en ekki á stökustað.

dad-in-focus
Originally uploaded by melong.

Ég set hér inn mynd sem að ég tók á annan í jólum er verið var að flytja til sófa á Kópavogsbraut vegna veislu þá um daginn.
Þetta var skot út í óvissuna og ekki vissi ég hvort að nokkuð yrði í fókus.
Nema er ekki pabbi þarna pollrólegur en ekki hvað, hann er með báða fætur á jörðinni, svona alla jafna.

Nú flýti ég mér að taka til náða þar sem ég hefi lofað mér að vera komin upp í fyrir klukkan ellefu.

Skal vi gaa ud og spadsere ?

kaffibætir0001
Originally uploaded by melong.

Við Lukka liggjum hér í og við sófann.....

Við vorum í fjölskylduboði á K91 í gær með mömmu fjölskyldu. Allir þar nema Guðmundur sem er að "sinna nokkrum erindum" á landareign sinni undir fjöllunum. Við fengum Pekingendur sem voru ljúffengar og höfðum það gott þó svo Makki greyið hafi verið heldur ósáttur við flugeldaskot nágrannanna. Lukka var svosem ekki kát með það heldur en fór betur með það en sonurinn. Ég þoli hávaða reyndar ekki mikið betur en hundarnir.....
Í kvöld er svo frænkufundur svo að þetta er sannkölluð fjölskylduhelgi.

Nóg komið af tölvuhangsi í bili .... best að drífa sig út.
Bless í bili.

Ha, eru jólin búin ? Strax ? Mikið er ég hissa.