ENN ER VON ...

victory ?
Originally uploaded by melong.

Fyrst átti þetta að tákna "Victory" en eftir því sem að á hefur liðið varð ég að breyta !!

Kosningadagur

skyss.A
Originally uploaded by melong.

Ég fór til sýslumannsins í gær og kaus með stimpli.
Ég vildi geta verið frjáls ferða minna í dag, verð svo kannski heima í allan dag ! Við Guðmundur erum með lögheimili fyrir austan og ég hefði því þurft að keyra á Heimaland til að kjósa. Ég vil frekar fara í bílskúrinn í dag og vinna að hugðarefnum mínum.

GR er á vinnuvélanámskeiðinu og við Lukka hér saman í sólinni á Selfossi.

Varðandi kosningarnar þá vona ég að við fáum nýja ríkisstjórn eftir þennan dag. Það er bara hollt að skipta um. Þeir eru eins og ég, maður sinnir ákveðnum atriðum sem eiga huga manns allan en annað sem samt er mikilvægt verður útundan. Þess vegna er mikilvægt að fá nýja stjórnendur.

Til hamingju !!!

aleidut
Originally uploaded by melong.

Lukka og Fanney systir sem að var að fá langþráð bréf frá Listaháskólanum. Hún fékk inngöngu í vöruhönnun og byrjar því spennandi nám í haust !!!!!!

INNILEGA TIL HAMINGJU !!!!!

ÉG ER ALVEG Í SKÝJUNUM YFIR ÞESSU !

Lukka á afmæli á morgun

grmalar
Originally uploaded by melong.

Hún fær samt ekki mynda af sér á bloggið fyrr en á morgun því að GR fær heiðurinn í dag.
Hann byrjaði á vinnuvélanámskeiði kl 18 í dag og er ekki enn kominn heim !!!! ... (22:22)
Nú hann var að opna dyrnar á meðan ég var að klára síðustu setningu !!
Hann er svo drífandi maðurinn !!!!

Lacy Mount Esja

Lacy Mount Esja
Originally uploaded by melong.

Tíðindalaust á austurvígstöðvunum.
Þessi mynd er tekin úr nýju húsi Bryndísar og Svanbjörns í Kópavoginum.

Megrunarlausi dagurinn i dag

Þessi mynd prýðir músamottu sem að ég fjárfesti í þegar ég bjó í Kaupmannahöfn. Ég var svo blönk þar að minn helsti lúxus í lífinu var að fara í Body Shop einu sinni í mánuði og kaupa mér krem og slíkt !!! Hinn lúxusinn var að ég vann stuttan vinnudag og gekk stundum í marga klukkutíma um borgina á leiðinni heim úr vinnunni. Ég bjó á fimmtu hæð, engin lyfta auðvitað. Ég var ekki í megrun og það þarf varla að segja það en kílóin hurfu eitt af öðru. Ég hef að vísu ekki farið í megrun enda fékk ég nóg af þeim, sá að þær virkuðu ekkert nema til að fita mann enn meira. Það er sennilega það mest fitandi sem að ég hef gert um ævina að vera í megrun. Það er af því að maður sveltir sig og þolir það auðvitað ekki og fer svo í ýkt ofát á eftir sem að engan enda ætlar að taka.....

Nánari upplýsingar um daginn hér: http://likamsvirding.blogspot.com/
(get ekki linkað í Safari)

Laugardagskvöld

The hairdresser´s hand.
Originally uploaded by melong.

Ég fór í dag og skoðaði hús sem að vinir mínir hafa fest kaup á.
Hér má sjá aðra hendina á Bryndísi í gegnum forstofugluggann.
Ég óska þeim innilega til hamingju með áfangann !!!

Örgælur og Bílabókin

Örgælur og Bílabókin
Originally uploaded by melong.

Þessar frábæru bækur eru til sölu hjá mér !
Við kennarar í Vallaskóla bjuggum þær til sem fjáröflun fyrir ferð okkar til Leeds í júní. Stykkið kostar 1200 kr en parið 2000 kr.

Ég skora á ykkur að hafa samband. Örgælurnar er uppskriftabók með bröndurum og hollráðum ýmis konar sem að við kennarar söfnuðum í vetur. Ég á þarna leiðbeiningar um letieldamennsku og súpugerð. Bílabókin er hugsuð sem afþreyingarbók fyrir börnin í bílinn og eða ferðalagið. Undirrituð vann að báðum bókunum og setti upp þessar látlausu forsíður. Verið því ekki hissa ef að ég banka upp á hjá ykkur með bækurnar !!!!

Hjólað í vinnuna...

....ekki. Ég ætlaði að vera með en hef ekki byrjað enn. Ég hyggst samt gera það áður en tímabilinu er lokið. Átakið stendur yfir til 22. maí og að sjálfsögðu taka Þorrinn og Góan þátt í því ! Þau standa sig betur en ég og ein þarf bara að leggja fimm mínútur fyrr af stað í vinnuna en venjulega. Það kalla ég gott.
Ég blogga um þetta hér til þess að ýta við sjálfri mér !!!!
Af einhverjum ástæðum þá þarf að rúlla músinni yfir textann til að sjá Þorruna og Góu linkinn !!!! Þetta er gert á pc, ég hélt að þetta myndi ekki gerast hér en í Safari er einmitt tengillinn á verkefnið ósýnilegt ! Skil ´etta ekk......

Afmælisvísa

melong1
Originally uploaded by melong.

Margrét fertug


Á sér bú við Eyjafjöll

elsk að gáskans löndum

Fertug er og firnasnjöll

fljóð í litaböndum.



Heillaóskir á afmælisdaginn frá Heiðmari

Það er í dag !!!!!

40 today
Originally uploaded by melong.

Þá er komið að því !
Mér líður vel í dag og er ánægð !

mooii

mooii
Originally uploaded by melong.

Það er kominn annar maí ! En...... aðeins liðnar fjórar mínútur.
Mér skilst að ég hafi komið í heiminn , þriðjudaginn annan maí, klukkan 19:15. Þannig að , nákvæmlega fertug verð ég um kvöldmatarleytið þennan dag !

Hátíðisdagur verkalýðsins

246 Asolfsskali
Originally uploaded by melong.

Einu sinni vann fólk alla laugardaga og meira en tíu tíma á dag. Langamma og langafi tóku þátt í mótmælagöngum og unnu að því að aðkomendurnir byggju við betri kjör...

Nóg um það..

Afmælisveislan á sunnudaginn heppnaðist mjög vel og veðrið var afar hjálplegt. Öll börnin voru úti að leika sér og komu varla inn. Ég myndi segja að það sé búið að sannreyna það að Réttarholt 14 sé frekar hentugt partýhús !

Í gær fór ég svo í heimsóknarrúnt, austur á bóginn, leit á kindurnar ofl.
Í dag kom Bryndís og sonur hennar, Víðir Snær í heimsókn, en ég hef verið aðeins að aðstoða hann fyrir samræmdu prófin sem einmitt byrja á morgun.

GR er farinn austur til að plægja. RVR fór líka og strákarnir hans. Lukka líka, þannig að ég hef húsið út af fyrir mig.
Ég get notað daginn í að hugleiða það hvað ég sé ung....

Það grænkar á Selfossi....

laufbla-
Originally uploaded by melong.

...sólin skín og vindurinn blæs......

Skáldlegt...
Við erum hér á kafi í afmælisundirbúningi. Von er á verktökum úr Kópavogi seinna í dag. Verktakarnir koma á eigin bíl og með heimilii sitt á bakinu. Fyrir vinnu sína hjá okkur fá þeir að parkera í innkeyrslu okkar til morguns......

All TV and no thinking makes jack a dull boy

All TV and no thinking makes jack a dull boy
Originally uploaded by 18k.

Varð að bæta þessari við !

Takið eftir músinni á borðinu !

Sjonvarpslausa vikan hafin

Nú er þriðji dagurinnn í þorra og góu "átakinu" að horfa ekki á sjónvarp, en nú stendur yfir alþjóðlega "TV turn off week"
Við köllum þetta að gamni okkar "smátak" þar sem að við erum með þema/átak í eina viku í einu.
Ég hef notað tímann til að undirbúa stórafmælið. Annars væri ég kannski út í bílskúr eða að dunda mér eitthvað. Síðasta laugardag þá var leiðinlegt í tv og ég braut saman þvott og gægðist á netið.
Það sem að er merkilegast við það að horfa ekki á sjónvarp er að ég fer fyrr að sofa á kvöldin !!!! Það er nú akkúrat þar sem að skórinn hefur kreppt að hjá mér, ég á erfitt með að koma mér í bólið á kvöldin !!!

Skoðið www.thorrioggoa.blogspot.com en þar má finna ýmsa sjónvarpslausa tengla, ef svo má segja !!!

Þetta er græni drekinn

Þetta er græni drekinn
Originally uploaded by melong.

Ég varð svo fræg að berja þetta tæki augum á sumardaginn fyrsta. Þetta er uppistaðan í fyrirtækinu sem að hann Guðmundur minn vinnur hjá.
Þetta er skógarhöggstæki sem jafnframt er hægt að nýta við massaplöntun. Það verður í vinnu við útplöntun m.a. við Heklu í sumar.

Í vikulokin

krani s o a p
Originally uploaded by melong.

Ég hefi loksins , eftir miklar vangaveltur, ákveðið að halda upp á fertugsafmælið mitt. Ég hef verið afar óákveðin. Ég sem að er svo mikil afmæliskona átti í miklu basli með þetta.

Ég held líka upp á áfanginn með því að taka mér frí í vinnunni, mánudaginn fyrir annan og fæ þannig 4 daga helgi.

Ég er bíllaus, sá græni er á verkstæði og GR er fyrir austan, á fullu að keyra skít. Fyrstu lömbin eru komin, ég vona að hann taki myndir af þeim.
Tvílembingar.

Gleðilegt sumar !!

dyr
Originally uploaded by melong.

Fyrsti dagurinn lofar ansi góðu og síminn er loksins kominn í leitirnar.
Við Guðmundur fórum í Garðyrkjuskólann í dag. Það var gaman og við hittum m.a. frænku mína sem er þar að læra og ég sá skógarhöggstækið, Græna drekann. Best að drífa sig að hlaða inn myndunum sem að ég tók !!!

Nyr fjölskyldumeðlimur

Ég frétti í dag að dóttir mágkonu minnar , Sigrúnar, hafi eignast son síðasta föstudag.Hann hefur fengið nafnið Andreas Klaus og er held ég, Churchill að eftirnafni. Klaus er maðurinn hennar Sigrúnar.
Til hamingju með það. Hún býr í New York þannig að ég er ekki með myndir enn en ég set inn mynd af þeim systrum, Gitte og Dorthe , sem að Sigrún sendi e. jólin.
p.s. síminn er enn í felum !

Gemsi minn hvar ert þú ?

NG
Originally uploaded by melong.

Núna er hann týndur aftur. Í þetta sinn síðan á fimmtudagskvöld.
Leitarskilyrði eru erfið þar sem að hann er batteríslaus og því gagnlaust að hringja til að staðsetja hann.

Þó er ég alveg róleg og ekkert pirruð. Alveg óvanalega róleg, ég hlýt að vera orðin svona aftengd........

Það sem sagt þýðir lítið að hringja í mig nema í heimasímann.

Gluggi

glugg_nupur
Originally uploaded by melong.

Birti hér mynd frá Núpi. GR er farinn þangað austur að sinna fé. Ég hef Lukku hjá mér og fullt af drasli sem að þarf að komast á sinn stað....... Vonandi kemur hann aftur í kvöld.

Votur föstudagur

Recycling
Originally uploaded by melong.

Stutt síðan að ég ákvað að prófa að flokka nær allt rusl. Ég er með nokkra kassa í bílskúrnum en poka hér inni í húsi sem að allt fer í. Svo flyt ég pokann út í skúr og flokka þar.
Ég er með ; 1. gler, 2. plast, 3. blikk, 4 umbúðir (kornflekskassar ofl) 5. Geyma-dót-til-að-nota-kannski-seinna, 6. brotið leirtau.
Svo kemur í ljós hvort að þetta borgar sig, hvort að Sorpstöð Suðurland taki við þessu. Ég held reyndar að svo sé. Þetta er nú ekki mikið mál. Snakkpokar og kaffipokar eru þvegnir og fara í allt annan kassa. Ég ætla að gera tilraunir í saumaskap með þessa poka í sumar.

Frú Sólveig heldur smá boð í dag

lt´s moms birthday today
Originally uploaded by melong.

Ég veit ekki afhverju ég skrifaði þessa kveðju á ensku !!!
Hefði átt að vera á niðurlensku, óvíst um að þessi fræga stúlka á málverkinu hafi kunnað nema sitt eigið móðurmál.

Ég er með svo frábæra nemendur. Þau sungu fyrir mig afmælissönginn í símann fyrir mömmu ! Ég þakka krökkunum í 2. BÁ fyrir sitt afmælisframlag.

Einn þeirra samdi þennan brandara:

Það var einu sinni apppelsína sem að datt í sjóinn.
En það var allt í lagi því að hún var með súkkulaði í vasanum !

TIl hamingju með daginn, mamma

ammaafiogbörn
Originally uploaded by melong.

Unga stúlkan á myndinni, þessi með slaufuna í hárinu, á afmæli í dag. Það er hún mamma sem er eitthvað eldri en í hitteðfyrra þegar hún varð sextug.
Alltaf jafn sæt og góð hún Sólveig Helga !

Páskafríið búið.......

Angelica by Ölfusá river.
Originally uploaded by melong.

.... allt sem er gott endar um síðir.

Skrapp til Rvíkur í dag, mjög gott og gaman.
Er að vaka of lengi núna... er löngu orðin syfjuð .........

Páskaeggið 2007

Páskaeggið 2007
Originally uploaded by melong.

Þetta egg er sérstaklega gert fyrir bloggið og páskana.

Ég óska öllum gleðilegra páska og vonandi eru allir hressir og fara vel með sig og slaka á í fríinu !

Við verðum í netfríi, við Guðmundur, á Núpi.

Föstudagurinn langi.....

Heiðdís_Jónas_Katrín
Originally uploaded by melong.

.......styttist nú bara með árunum. Ekki spor leiðinlegur dagur. Mín skoðun er sú að við þurfum sárlega á svona dögum að halda. Allt kyrrt og hljótt.

Það var reglulega gaman í fermingunni í gær. Jónas og 4 félagar, þar á meðal kennarinn hans, spiluðu á harmonikkurnar sínar. Það var alveg frábært og hressandi. Stúlka af siglfirskum ættum, frænka okkar spilaði á fiðlu. Svo hitti ég ættingja frá Sigló sem að ég hitti, því miður, allt of sjaldan.

Allt rólegt hér á Selfossi. Við dólum okkur austur á morgun, einhvern tímann þegar við nennum....og......eða erum tilbúin :-/

Katrín syngur vel.

Katrín singing
Originally uploaded by melong.

Já, hver þykir sinn fugl fagur en ég held samt að ég hafi nú rétt fyrir mér með söngrödd frænku minnar.

Hún var að syngja og leika í Borgarleikhúsinu ásamt öðrum nemendum í Sönglist.

í dag vorum við að skreyta fyrir fermingu frænda míns Jónasar Ásgeirs. Við erum systkinabörn í móðurætt. Það eru aðeins 26 ár á milli okkar og við systkinabörnin erum alls þrjú ! Ég , Fanney og Jónas !!! Litla fjölskyldan mín.
Jónas stundar skylmingar og hefur orðið Norðurlandameistari. Matarborðið er skreytt mep sverðum og hjálmum. Hann spilar líka afar vel á harmoniku og mun einmitt spila ásamt fjórum félögum á morgun. Þeir voru að æfa sig í dag þegar að við vorum að skreyta og það var alveg hrikalega gaman að hafa svona skemmtilega lifandi tónlist í eyrunum á meðan. Forsmekkur fyrir morgundaginn.

Henni finnst gaman að syngja

She loves to take photos
Originally uploaded by melong.

Ég var að koma af söng- og leikskemmtun þar sem að frænka mín kom fram. Ég tók myndir en þegar Katrínar atriði var að verða búið tæmdust batteríin. Í morgun mundi ég eftir því að hlaða batteríin og ég fylgdist með þegar að hleðslan var búin en.....ég gleymdi samt að setja þau í vélina áður en að ég fór !!!!!

Þegar öll kurl koma til grafar....

kurl
Originally uploaded by melong.

Til gamans birti ég mynd af vinnu Guðmundar. Ég sótti hann upp í Laugarás í fyrri viku og tók nokkrar myndir.

Mánudagur í sælu

Milli
Originally uploaded by melong.

Já, það besta ílífinu er að þurfa ekki að mæta í vinnu á mánudaegi......

Raggi, mágur minn varð fertugur í gær. Hann hélt upp á afmælið sitt á laugardaginn. Það var mjög skemmtilegt partý. Svo fórum við líka í fermingarveislu. Ég er núna að hlaða inn myndunum frá helginni.

Gettu betur , böh

She loves to take photos 2
Originally uploaded by melong.

Ég var svekkt að MRingar skyldu ræna MK sigrinum. Fannst þeir vera slakari en þeir redduðu sér á elleftu stundu.

Hér má sjá mynd af Katrínu sem að tekin var um síðustu helgi. Við fórum í skólann minn og gerðum tilraunir. Hún er komin með ljósmyndabakteríu sem kemur svo sem ekki á óvart.

Bayeux Refillinn

Sól í straumi - mengun álversins

Hvað finnst þér ?

Sunnudagur til sælu

katringislistigi
Originally uploaded by melong.

Sunnudagssteikin er í ofninum og Fanney og Eggert á leiðinni hingað til að borða með okkur og til að sækja börnin sem verið hafa hjá okkur um helgina. Katrín og Guðmundur fóru í göngutúr með Lukku en við Gisli erum að sýsla hér heima. "Ætlarru ekki að elda matinn. Ert ekki að elda ?" Kartöflurnar sjóða sig sjálfar og ég hef stillt klukkuna á ofninum svo að ég gleymi ekki tímanum hér við tölvuna............

Fólk í heimsókn

4 MADONNA
Originally uploaded by melong.

"Hún Guð, hún er bara nóttin. Hún er stjarnan"
Svo mælti Gísli systursonur minn, þegar við vorum búin að lesa í kvöld. Svo bætti hann við. "Guð er bara í þykjustunni. Það segir hún mamma mín þegar hún er að passa mig."
Það var fleira mjög djúpt sem að hann sagði en ég man það bara ekki.
Miðað við ungan aldur þá er Gísli mjög fróður ungur 4 piltur. Hann veit alveg ótrúlega margt. Ábyggilega meira en ég þegar ég var á hans aldri. Ég var þó eitthvað búin að vera á leikskóla.

Þau eru hér í pössun yfir helgina, Katrín og Gísli, þar sem að Fanney og Eggert brugðu sér norður í land til að kveðja síðasta ábúandann á Kleifunum í Ólafsfirði, ömmubróður Eggerts.

Póstkortaskiptin

postcrossing historymap
Originally uploaded by melong.

Ég var að fá braðskemmtilegt póstkort frá Arizona. Frá konu sem að ég þekki ekki neitt en á líka fyrrum mjólkurbónda fyrir mann , alveg eins og ég. Heimurinn er lítill.
Ég er með tvö póstkort tilbúin í veskinu en mundi það þegar ég sá kortið að ég hafði ætlað að setja þau í póstkassa í dag !
ÚPS, enn ein gleymskan. Hvað skyldi ég oft gleyma litlum athöfnum á dag ? Nú skrifa ég heilmikið niður hjá mér, sendi tölvubréf, sms, skrái í "reminder" í símanum og hvað eina, en allt kemur fyrir ekki.
Og ég ekki enn orðin fertug......

KRANI FIX

KRANI FIX
Originally uploaded by melong.

Ég fór með tölvuna mína í viðgerð síðasta fimmtudag. Það er vika til tíu daga bið í viðgerð (Apple umboðið) en ég skildi hana samt eftir þar sem að hún er ónothæf í bili. Það brotnaði pinninn í hleðslutækinu og get ég því ekki hlaðið hana. Ég nennti ekki að fara aðra ferð svo að.... ég bíð bara og get ekki annað.
Þessi breyting hefur það í för með sér að ég horfi minna eða öðruvísi á sjónvarp því að ef ég fer í tölvu þá er það talva Guðmundar hér inni í skrifstofuherberginu. Ég er vön að vera í tölvunni og að horfa á sjónvarpið í leiðinni. Þarf að hafa eitthvað í höndunum fyrir framan skjáinn og verð því núna að grípa í teikniblokkina eða að hekla. Hef lítið heklað síðan að ég fékk mér fartölvu !!

Kennaraspéspegill

kennaraspegill
Originally uploaded by melong.

Ég brá á leik í tíma í dag, þetta er m.a. útkoman.

"Kaupa ekkert" tengillinn hér til hliðar sést ekki nema að maður renni músinni yfir hann. Veit ekki afhverju en á eftir að finna út úr þessu. Vefslóðin er www.thorrioggoa.blogspot.com
Átakinu líkur á mánudaginn með Góunni. En við hittumst í gær til að ræða framhaldið og það vilja allir halda áfram að auka meðvitundina.

Snjókoma

Snowing today
Originally uploaded by melong.

Í dag hefur snjóað all nokkuð. Sólin skín að vísu í augnablikinu en það er aldrei að vita hvað það helst lengi.

Í dag hefði Valgerður Einarsdóttir orðið 85 ára.
Í dag er eitt ár síðan að við Guðmundur skrifuðum undir kaupsamning á Réttarholtinu.

Í dag fer ég að hitta kaupa ekkert kennarana úr Laugarnesskóla.
Agalega spennandi.

Og mamma....... ég skal keyra varlega !!!!

Gangið á Guðs vegum...

Vit og gott skap skagfirðingur

Vit og gott skap skagfirðingur
Originally uploaded by melong.

Ekki veit ég hvort að ég hafi haft vit í dag en ég hef hlegið þó nokkuð þannig að ekki hef ég verið í slæmu skapi !!!

Miðvikudagsmorgunn

Je suis comme je suis

mooii
Originally uploaded by melong.

Ég birti sjálfsmynd vegna ótal fyrirspurna..... eða þannig.
Sjálfið er gagnrýnið svo að ég held að þetta sé þema dagsins.

Ísland er landið

island
Originally uploaded by melong.

Ég blogga þessari mynd vegna þess að ég byrjaði að mála aftur í gær, eftir langt hlé. Fiktaði lítið í þessari mynd sem þó er hálfgert uppkast.

Veðrið á Selfossi er gott. Bjart og hlýtt. Börnin höguðu sér vel í dag. Voru fyndin og ég hló mikið með 5. ÁJ. Ég er víst eini kennarinn sem skilur húmor tveggja pilta þar. Mér fannst það fyndið og auðvitað er maður upp með sér.

Ég býst við að fara aftur út í bílskúr að mála í kvöld þar sem að von er á Katrínu Valgerði.

Hugmyndaskortur

watercolour
Originally uploaded by melong.

Það er ekki gott að vera hugmyndasnauður.
Stundum kvarta ég yfir því að hafa allt of mikið af hugmyndum en í kvöld
er ég bara alveg galtóm !!! Ég er ekki mikið fyrir Clint gamla, sorrý, hann er svo takmarkaður finnst mér.....
Ég get farið snemma að sofa , það er hugmynd að viti ! Loksins......

Þangað til næst, gangið á Guðs vegum.......

Quelqu'un m'a dit

Rigning

Watercolour
Originally uploaded by melong.

Hér eru slettur á gólfinu í myndmenntastofunni. Glugginn fyrir ofan með klippimynd í speglast í dropanum, þessum fremsta !
Soldið skondið. Ég tók fullt af myndum af borðunum hjá krökkunum áður en þau þvoðu vatnslitaklessurnar af þeim. Það fannst þeim undarlegt en ég veit að þau verða hrifin þegar ég sýni þeim myndirnar.

Tonlist fra þvi i "gamla daga"

Eru virkilega liðin 20 ár frá því að ég var að dansa við þetta lag ? Það er mjög erfitt að trúa því, jafnvel þó svo að standi svart á hvítu; "1987" !!! Með einfaldri stærðfræði má finna þetta út.

Nýji jarðgerðarkassinn

My creation
Originally uploaded by melong.

Við Guðmundur vorum að fá okkur jarðgerðarkassa til nota innan dyra. Mig hefur langar í svona lengi en loksins (rétt fyrir kaupbindindið) pantaði ég hann. Ég rauk í það að borða appelsínur bara til þess að geta sett efni í hann !!!
Við höfum hann í eldhúsinu uppi á borði til að byrja með. Það er bara svo að ég geti fylgst nákvæmlega hvað er að gerast og hvernig gengur. Hitastigið hefur ekki hækkað mikið enda ekki mikið komið í hann, ekki mikið eldað hér þessa viku enda við bara tvö ein.

Afmæli

gilsiimba
Originally uploaded by melong.

Frændsystkinin og vinirnir, Gísli Eggertsson og Ingibjörg Hilmarsdóttir, eru bæði fjögurra ára gömul í dag. Þar sem að haldið var upp á afmæli Gísla síðastliðinn laugardag þá er hann búinn að vera 4 ára síðan þá, ég er sannfærð um það.

Le Grand Bleu

Afmælin

Það var gaman í afmælunum í gær. Guðmundur fór reyndar í 3 afmæli. Frændi hans , Hrannar varð 7 ára á föstudaginn en hélt upp á það í gær. Guðmundur heimsótti hann á meðan að ég var á bókbandsnámskeiðinu. Ég hélt að "enginn" ætti afmæli í dag en fór svo að skoða dagatalið mitt og sá þá að frænka mín , Guðrún Anna, á afmæli !!! Á morgun verður Bryndís fertug og Gísli verður 4 ára á þriðjudaginn. Þetta minnir á mánaðarmótin apríl/maí !!!
Reyndar er eitt fertugsafmæli á mánuði núna fram í júni. Nóg að gera.

Ég læt nægja að skella inn 2 myndum, fleiri myndir er hægt að skoða á flickr-inu.

4 ára og fertug

ruslalok
Originally uploaded by melong.

Margbreytilegur dagur framundan, bókbandið, afmæli Gísla míns (hann verður 4 ára 6. mars)
og svo fertugsafmæli Bryndísar , vinkonu minnar og klippara, sem hún fagnar á Nordica í kvöld.

Þetta er allt saman ágætt en ég á eftir að pakka inn gjöfum og skrifa á kortin og det hele og stutt í að ég þurfi að leggja af stað í bæinn. GR er reyndar ókominn að austan en hann er mun stundvísari en ég og alveg óþarfi að hafa áhyggjur hans vegna.

Þessi ljósmynd er af lokinu á gömlu ruslatunnunni. Hún fékk afar misjafna dóma á flickr. Undarlegt hvernig smekkur manna er, ég skil stundum ekki þetta undarlega fyrirbæri....
................
................

Sumir skipta máli þó maður þekki þá ekki neitt.

jolakort
Originally uploaded by melong.

Í bljúgri bæn og þökk til þín. S

Í bljúgri bæn og þökk til þín,
sem þekkir mig og verkin mín.
Ég leita þín, Guð leiddu mig
og lýstu mér um ævistig.

Ég reika oft á rangri leið,
sú rétta virðist aldrei greið.
Ég geri margt, sem miður fer,
og man svo sjaldan eftir þér.

Sú ein er bæn í brjósti mér,
ég betur kunni þjóna þér,
því veit mér feta veginn þinn,
að verðir þú æ Drottinn minn.


Pétur Þórarinsson