Ég varð að pósta þessari mynd. Ég tók ekki eftir ENN-inu þegar ég var að taka myndina.
Sá það bara þegar ég fór að editera.
Þá er því komið á framfæri.
GR situr við sína tölvu, ég sit við mína tölvu. Rómantískt.....eða þannig.
Við erum að vísu í sama herberginu og hendum einu og einu orði á milli okkar.....
með rafrænum hætti. Þeir sem að ekki fá boðskort láti mig vita eða bara mæti á sýninguna.
Ég sendi þetta allt í tölvupósti.
Þá er ég búin að koma því frá mér.
Það var gestkvæmt hér í gær.
Æskuvinkona mín, Ása Guðbjörg, leit hér inn ásamt manni og 2/3 af börnum sínum. Systir hennar kom seinna með 2/3 af sínum börnum.
Verst að hafa ekki Lukku heima því að hún er frábær barnafélagi.
Svo fékk ég Fanneyju og systur Önnu líka og var það
mjög uppörvandi fyrir mig.
Já, í dag er hlýtt og gott.
Í gærkveldi, um áttaleytið, var 18 stiga hiti í bænum. Mér finnst notalegt að hafa hlý kvöld. Lengir daginn ansi mikið.
Guðmundur er á Núpi, kemur í kvöld, svo að ég valdi Núpsmynd.
Ég hlakka mikið til að geta verið fyrir austan og ef að ég sýni þarna aftur á næsta ári ætla ég að vinna þar líka. Flytja bara græjurnar og mála í fjárhúsunum.
Veðrið er milt og fínt í dag.
Það er hægt að hafa opið út eins og ekkert sé.
Ég er jafnvel að hugsa um að bera nokkur málverk út því að mér finnst vera farið að þrengja að mér í vinnustofunni !! Ég er ekki með neinn þurrkrekka þannig að ég verð að vera með verkin upp um alla veggi.
Það getur orðið þrúgandi að hafa alla hrúguna ofan í sér.
Þannig er það nú.
Mér gengur ekki vel að sofna þessa dagana.
Ég sit nú við tölvuna með kamillute. Ætla aftur upp í þegar það er búið.
Ég var syfjuð snemma, fór upp í fyrir kl 21:20 og sofnaði svo kannski um ellefu leytið. Byrjaði með klassískri tónlist til að róa mig. Síðan hugleiðslu.
Ég fór fram til að fara á salernið
Ég sofnaði.
Ég vaknaði til að fara aftur á salernið. Hugmyndirnar fóru að flæða inn og ég fékk ekkert við þær ráðið. Hausinn á mér er svo virkur núna að hann þvælist fyrir mér...ég er búin að skrifa níður 3 eða 4 myndlistarverk af stærri gráðunni.
Guðmundur kom upp í og ég reyndi og reyndi en svo gafst ég upp. Þá var klukkan nokkuð gengin í eitt.
Ég var rétt sest við tölvuna með teketilinn (já, það dugir ekkert minna !)
þegar ég heyrði hroturnar innan úr svefnherberginu !!
Við erum eins og svart og hvítt í svefnmálum ! Hann sofnar á nóinu og vaknar einn tveir og tíu.
En ég , ætla aldrei að sofna og aldrei að vakna heldur !!!!!
Ég hef látið teið kólna aðeins of mikið. Það virkar betur ef það er drukkið sjóðandi heitt. Eða eins og tungan þolir.
Spurningin er ... þarf ég annan pott eða er ég orðin nógu syfjuð núna ?
(augnalokin eru aðeins farin að síga...)
Þetta er hættulegur tími fyrir mig.
Ég er "á leiðinni" að fara að sofa rétt fyrir ellefu, svo er ég eitthvað
"að vesenast" á netinu og áður en ég veit af er klukkan orðin eitt eða tvö um nótt !
Ég er þá fyrir löngu orðin syfjuð og er lengi "á leiðinni" í háttinn.......
Ég segi því stopp núna þegar klukkan er hálftólf. Ég á þá einhverja von um að komast á lappir á sómasamlegum tíma á morgun !
Ég var heldur fljót á mér í gær að setja inn plakatið. Fljótfær heiti ég.
Það hefur hins vegar verið ákveðið af sýningarstjórn Fjárhússins að betra muni vera að opna sýninguna um verslunarmannahelgina og hafa hana opna í tvær helgar og dagana þar á milli.
Sem sagt
Ykkur er boðið á opnun kl. 14:00 , laugardaginn 4. ágúst næstkomandi !!
Allir velkomnir.
mbk
Margrét
Ég var að gera þessa mynd að upplýsingamynd fyrir væntanlega sýningu mína á Núpi, til þess að auðvelda fólki að rata í Fjárhús, sýningarsal. Var bara að búa til nafn á sýningaraðstöðuna í nótt.
Ég er að vinna í öllum upplýsingamálunum núna. Fréttatilkynningar, boðsemilar, plakat, sýningarskrá ofl.
Þið sem fáið frá mér rafrænt boðskort eruð vinsamlegast beðin um að dreyfa því sem víðast !
Já og það í skugga, þannig að það hlýtur að vera ansi heitt hér fyrir framan húsið. Ég er löngu hætt í sólböðum og nýt þess að vera hvít og föl. Finnst ég vera að hitta eintóma útlendinga þegar ég fer í Nóatún, fólk er allt of brúnt.
Tímarnir breytast víst og við líka. Ég var mikill sólardýrkandi lengst framan af ævinni en það hefur breyst og kemur þar ýmislegt til. Minni nenna og ekki síst sú staðreynd að ég þarf að nota 100 prósent sólarvörn vegna brúnna bletta í andlitinu sem einmitt myndast í sól og þarf ekki mikla sól til.
Titillinn hæfir deginum afar vel. Það var yndislegt í sveitinni. Afar hlýtt í dag en skýjað, rigning í gær og skýjað. Maður þurfti ekki að píra augun of mikið. Ég vann að hugmyndum og gekk það vel.
Guðmundur vann á akrinum og gekk það vel.
Það eru kannski engar fréttir en það er sól á Selfossi í dag. Kannski ekki "nema" 15 gráður.
Guðmundur segir mér að það hafi ringt í nótt. Það er allt horfið í jarðveginn núna. Það var allt orðið svo þurrt. Í fyrra á sama tíma, þá var ég að mála húsið að innan og þá ringdi ansi mikið. Mér fannst bara alltaf vera rigning hérna á Selfossi......
En það er ástæða til að brosa í dag.... við Guðmundur , ásamt fröken Lukku....erum á leiðinni í sveitina...umm. Það er hvergi hægt að slaka á eins og þar.
Ég er tóm.
Og alveg í basli með öfga Margréti !
Samt er sól ....pælið í því .......
Ég er búin að fótósjoppa margar myndir og setja þær inn á flickr.
Slatta, myndi ég segja.
Engin sól á Selfossi í dag.
Það er í lagi...
Ég kom við hjá Fanneyju og Eggerti í sumarhúsi við Svínadal í gær. Lét tilleiðast að fara hinum megin við vatnið til að busla. Það var mjög hressandi og ég er ánægð með myndirnar sem að ég tók af krökkunum.
Í dag hefur verið gestkvæmt. 5 fullorðnir og 3 börn hafa komið.
Bryndís vinkona kom með 3 krakka og Kristín Björg kom með 3 konur....! Hér var svaka flott miðdegishlaðborð með dýrindis kræsingum. Það var skemmtilegt, mjög góðir gestir þetta.
Já, ég er komin HEIM.... í blíðuna á Suðurlandi.
Miklu betra veður hér en fyrir austan.
Maður er að lenda , átta sig, reyna að koma sér aftur inn í það sem maður var að gera áður en maður fór að heiman...
Þá er nú námskeiðinu lokið. Því var slúttað með pompi og prakt í gærkveldi. Gamanið stóð fram á morgun og því er maður smá laskaður í dag. Ég hyggst því taka því rólega í dag og koma ekki heim fyrr en á morgun.
Ég á eftir að fara í heimsóknir hér í bæ áður en ég legg á þjóðveginn. Ég þekki fólk á húsbíl sem ætlar að leyfa mér náðarsamlegast að gista hjá sér í Eyjafirðinum í kvöld...
Ég er á NK07 á Eiðum með nordískum myndlistarkennurum. Ekkert net. Mikið að gera. Kem heim á mánudaginn.
Núna á Egilstöðum á Te og kaffi......
Maður verður núna að fara að drífa sig að drífa sig að koma sér á fyrirlestur.
Í dag keyrði ég frá Núpi hingað austur. Ég er hjá Fanneyju frænku á veitingastað sem hún á og rekur í Fellabæ og heitir "Hetjan".
Ég var komin upp úr fjegur austur og byrjaði á smá rúnti og ákvað síðan að fá mér kaffibolla. Sá að hér er Te og Kaffi með kaffishús. Fyrsta fólkið sem að ég sá þar voru Sigga frænka Boga og sonur hennar Pétur Bogi. (kokkur á Hótel Eddu, Neskaupsstað)
Svona er landið lítið eða eitthvað.
Svo kom ég hingað og hjálpaði Fanneyju með kvöldmatinn, gerði súpu sem heitir núna Möggusúpa. Ég sat svo og teiknaði þangað til að ég ákvað að fara í rúnt. Á rúntinum fann ég skóg sem að heitir Selskógur og er í ofanverðum Egilstaðakaupstað. Ég losnaði við bílsetuverki með því að fara stóran göngutúr og taka nokkrar myndir í leiðinni. Það var ekki fyrr en ég sneri hingað á Hetjuna aftur að ég komst að því að þetta er náttúrlega netkaffi !!! En ekki hvað ?
Í fyrramálið fer ég svo að Eiðum og húllumhæið með myndmenntakennurum frá norðurlöndunum hefst og stendur fram á laugardag.
Ég held að það sé best að taka tölvuna úr sambandi og pakka henni niður. Annars kemst ég aldrei af stað .................
Bílspeglar eru afar mikilvægir.
Ég valdi þessa mynd því að ég held í langferð í fyrramálið. Ég keyri suður fyrir til að komast að Eiðum þar sem að ég verð í tæpa viku á námskeiði á vegum Félags íslenskra myndmenntakennara. Guðmundur tekur Lukku með sér í vinnuna á meðan. Ef það gengur ekki fyrir hann þá má hann hringja í fólk í Kópavogi og biðja um pössun þar.
Ég fann þessa mynd í fórum mínum. Ég var að fikta í Fótósjoppi í fyrsta skipti í hátt í tíu ár og var nýbúin að eignast orkubókina mína.
Í dag er ég að velt því fyrir mér að endurnýja tölvuna mína og fá mér iMac í staðinn. Kannski sel ég þessa eða lána systur minni hana.
Við Guðmundur ætlum austur á morgun. Í dag tökum við því rólega.
Ég er ekki alveg að nenna út í vinnustofuna, málaði yfir mig í fyrradag......
Fröken Katrín Björg Hjálmarsdóttir á afmæli í dag, hún er bara strax orðin níu ára gömul.
Hún kom heim úr Kaldárseli í dag og var afar fegin að koma heim. Fólkið þar var; ", Stjórnsamt, stjórnsamt og stjórnsamt !" Þetta eru hennar eigin orð. Ekki slæmt heldur að koma heim á slíkum degi og fá sérstakar móttökur og gjafir. Mamma, pabbi, Gísli, Lukka og ég vorum heima og sungum strax fyirr hana afmælissönginn.
Stúlkan var yfir sig ánægð og spennt vegna alls þessa.
Henni finnst ekki leiðinlegt að vera miðpunkturinn !
Hún átti allt þetta skilið í dag.
Önnur sumarhúsamynd......
Ég á von á Guðmundi heim á morgun. En svo er ég að fara sjálf að heiman í tæpa viku næsta mánudag. Ég fór út, ég kom heim, hann var farinn að heiman, hann kemur heim, ég fer að heiman !
Vonandi verður hann svo kominn í sumarfrí þegar ég kem aftur....
Þetta sá ég 21. júní þegar ég var að koma heim eftir sólstöðutónleikana í Grasagarðinum.
Ekki óalgeng sjón á Suðurlandsveginum.....
Nú er maður kominn í Pokavoginn og þá verður að birta mynd héðan. Hún er tekin í Skólagerðinu og sýnir feðgana Eggert og Gísla. Eggert að hvíla sig en sonurinn er að sprella. Hann er alltaf á hreyfingu eins og á við um fríska unga menn á hans aldri. "Ég er fjagRRR ára." Hann er afar skýrmæltur og leggur sérstaklega áherslu á errin. Ég fæ kannski að sækja hann í leikskólann með Lukku. Þau eru afar fínir vinir.
Yndislegt veður.
Við Guðmundur unnum í garðinum í dag, loksins. Lítið hefur verið gert hingað til nema að slá. Reyndar settum við niður rifs og sólberjasprota en það var ekki mikil vinna.
Í dag er maður að vinna í bílskúrnum og í tölvunni. Hef aðeins tekið í sláttuvélina enda löngu kominn tími á slátt !
Fór í gær á frábæra tónleika með Páli Óskari og Monicu. Frænkurnar buðu mér sem hluta af 40 ára afm.gj.
Þegar við gengum að Kaffi Flóru, þar sem tónleikarnir fóru fram, þá HEYRÐUM við fyrsta mark Íslensku stelpnanna gegn Serbum. Það var ótrúlega magnað og ég fékk alveg gæsahúð. Fagnaðarlætin voru ótrúleg og það voru greinilega margir á vellinum.
Ég er farin að skæpa á ný. Fyrir vini og vandamenn sem eru með skype væri fínt að hafa samband við mig til að fá notendanafnið mitt.
mbk margret
Þar kom að því.
Ekki er verra að myndefnið er af fjárhúsinu og hlöðunni á NÚPI.
Í lok júlí hyggst ég halda þar myndlistarsýningu !!
go nat
Margrét
Ég vona að þessir kumpánar hafi það sæmilegt. Ég rakst á þá í Leeds.
og blaðamennska.
Myndin: sönnun þess að ég komst loks í það að kaupa tónlist í gegnum iTunes. Ekki opið okkur Íslendingum. (algert SVINDL myndu krakkarnir segja og ég er sammála þeim !)
Ég fékk óvænt DV inn um lúguna hjá mér. Er ekki áskrifandi að neinu dagblaði nema Sunnleska. Ekkert merkilegt nema frétt á baksíðunni. Ég ætla að pikka upp 2 síðustu setningarnar í fréttinni um að skuldarar fái ekki þjófavörn.
;
"Þrátt fyrir ítrekaðar tilraunir fékkst ekki svar frá Securitas um þetta mál.
Ekki fengust viðbrögð frá Securitas."
!!!!!!!
Ég verð með sér færslu um 19. júní, á eftir að finna bleika mynd......
Það er gott hjólavegður í dag, að ég held. Í það minnsta bý ég í hinum fullkomna hjólabæ, miðað við Ísland almennt.
Þarf að draga hjólið út á bensínstöð og pumpa eitthvað af lofti í dekkinn, annars verður ekkert hjólað.
Ég er aftur ein, Guðmundur er farinn austur í sveitir og kemur ekki aftur fyrr en um helgina, kannski ekki fyrr en á laugardaginn eins og þessa helgi. Mikið sem þarf að planta á þessu landi og fullþörf á því. Það vantar hins vegar fólk til þess. Fólk vill borga fyrir plöntur en vill frekar að aðrir planti fyrir það. Hvernig endar þetta ?
Ísland er skrýtið.
Vinkona mín, Jóna María Norðdahl , er fertug í dag. Ég sendi henni afmæliskveðjur með þessu mósaíki.
Við Guðmundur ætlum að rúlla út í sveit, skoða eina virkjun kannski. Ég leyfi honum að ráða í dag. Hann vinnur svo mikið.
Skoðið þessa síðu;
http://www.theattentionmovie.com/
Sérstaklega ef að þið hafið áhuga á athyglisbresti og ofvirkni.
Og ef þið viljið skilja hver ég er.
Ég hef ekki verið að flagga því en í vetur þá greindist ég með bæði A og O. Það útskýrir algerlega afhverju ég er eins og ég er !
Þvílíkur léttir. Hef verið að lesa mér til í vetur, farið á námskeið hjá ADHD coach og svo fór ég á lyf og þau eru að hjálpa mér afar mikið. Var ekki fylgjandi lyfjum en ákvað að prófa og ég er rólegri og einbeittari. Framkvæmi meira sem er það sem þurfti.
http://www.theattentionmovie.com/
Föstudagur til frægðar , eða hvað ?
Ég sé ekki Guðmund fyrr en á morgun............hann plantar og plantar þarna f. austan Kirkjubæjarklaustur. Það vantar víst einhvern ekki yngri en tvítugan til að vinna á plöntunarvélinni. Þarf að vera þolinmóður.... ef þið vitið um einhvern.
Ég sá þetta plakat á vegg í Leeds. Það var risastórt, þetta er tekið innan úr því.
Höfðaði til mín, nema hvað !
Þá er ég búin að hlaða inn öllum myndunum sem að ég tók úti.
Ég henti þó nokkuð mörgun því að ég var ekki með nógu mörg gígabæt. Hefði sennilega getað klárað eitt gíg á dag !!
Það var svo margt að sjá og endalaust myndefnið.Ég er svo ánægð með húsið mitt eftir að hafa verið í þrjár nætur í gluggalausu hótelherbergi, ég veit núna að er kölluð "city rooms"
Passið ykkur á þessu !
Thetta er hotelid sem vid erum a.
Jeg hef aldrei a aevinni verid i herbergi sem er EKKI med glugga !
GLUGGALAUST hotelherbergi !!!
Í dag er sjómannadagurinn og veðrið eftir því !!!!
Rok og rigning.
Á morgun fer ég til Leeds og verð þar fram á föstudag, þá fer ég til Manchester og verð þar fram á mánudaginn , 11. júni og kem heim seint um kvöldið.
Titillinn lýsir deginum. Ég fór í skólaferðalag sem ég kom ekki út fyrr en að verða þrjú. Þá þurfti ég að huga að fjáröflunarnefndinni. Við erum að reyna að ganga frá en eitthvað þurfa nú málin að flækjast á síðustu stundu ! Ég skrifaði niður hjá mér atriði sem ber að hafa í huga "næst". Eitthvað hefur nú maður lært svo að vonandi verður þetta skýrara næst. Ekki það að ég sé að bjóða mig fram í næstu nefnd. Finnst mega bara alveg setja inn nýtt fólk. En ef ég þekki mig rétt mun ég örugglega þurfa að opna munninn og koma með hugmyndir......
Ég finn ekki ferðatöskuna mína, búin að leita í báðum húsum.....á alveg eftir að gera allt fyrir ferðina og er að fara að djamma á morgun !
Mynd dagsins er tekin við Gallery Kamb. Verk eftir Ólaf Elíasson sem helst nýtur sín að vetri til. Það var sett upp á Kjarvalsstöðum 1998 og heitir "lce Pavillion".
