Á þriðjudögum kenni ég fjóra tíma eftir hádegi.
Ég er núna að bíða eftir því að seinni leirhópurinn mæti á svæðið.
Ég geri mér ekki ferð á kennarastofuna því að ég get ekki gengið að því vísu að þar sé til kaffi. Ekki að það sé gott kaffið í þessum skóla, nema síður sé. Í fyrra svissaði ég yfir í tedrykkju í skólanum en drakk kaffi heima hjá mér.
Mynd dagsins var tekin síðla dags eða kvölds.
Veður er gott í dag. Húsið er fínna en í morgun. GR hvílir sig á meðan rúllar eitthvert frjálsíþróttamót í sjónvarpinu.
Lukka er búin að fara í göngutúr með stelpum úr hverfinu sem að koma stundum og fara með hana út.
Á þessum degi fyrir 40 árum var ég skírð. Það gerðist í afmæli langalangafa míns, Sigfúsar Ólafssonar, á Siglufirði. Prestur var séra Ragnar Fjalar.
Sumu fólki finnst fyndið að ég skuli alltaf "halda upp á " þennan dag. Það geri ég reyndar ekki á hefðbundinn hátt, heldur svona bara minnist þess. Árið 2000 komst ég í fráhald frá sykri og hveiti sem h élst í tæpt ár. Það var gott líf.
Í dag byrja ég að kenna klukkan 11:20.
Það er gaman að byrja starfið á ný og það er mikill spenningur í loftinu.
....ið, hefst í kvöld. Frænkurnar koma og borða hjá mér og síðan höldum við í Hamars-(s)kot í Úthlíð.
Dagskráin er ríkisleyndarmál.
Í vinnu frá 8:15 - 17:40.
Mikið að gera, það er gaman.
Mistök fyrri vetrar ýta á eftir mér við vinnuna og ég hamast eins og brjáluð við undirbúninginn. Ég er að skipuleggja val í leir f. 9. og 10. bekk. 4 hópar , takk fyrir á 8 kennslustundum. Ég reiknaði það út að ef að innlögnin hjá mér er 10 mínútur, það taki nemendur 5 mínútur að koma sér í gang og um 20 mínútur að ganga frá. Þá er aðeins eftir þrjú korter til að vinna !!!! Þetta verður því hrað-/örnámskeið í leir. Ég fæ nokkrar konur sem að vinna með mér til að prufukeyra tvo tíma í leir. Ég veit að þær verða auðveldir nemendur en það er um að gera að prófa. Þá hef ég líka leir til að brenna.
Fyrsti vinnudagurinn gekk vel. Var frá átta til hálfsex.
Hefði getað verið lengur.....
Síðan fórum við GR austur. Ég týndi ber og fleira smálegt.
Þessa mynd gerði ég úr tveimur sem ég tók af Gísla og Lukku um daginn þegar sýningin var í gangi og hann var í heimsókn. Alltaf duglegur að sinna henni Lukku sinni, hann Gísli.
Það er gott að vera í sveitinni og það er gott að koma heim.
Núna hef ég morgundaginn og síðan byrjar 2007-2008 ballið í Vallaskóla.
Stundartaflan er köflótt. Ansi pakkaðir mánudagar. Ég sé fyrir mér að dragast heim strax e 10 tíma kennslu á mánudögum .......sennilega best að panta nudd eða fótsnyrtingu þessa daga......... beint í dekur eftir vinnu er mjög góð hugmynd.
Síðasti mánudagsmorguninn sem að ég er í fríi er NÚNA. Þetta sannar hve tíminn líður hratt.
Sýningin kláraði með stæl í gær , það rigndi nefnilega ógurlega. Hver demban á fætur annarri. En það komu samt 20 manns í gær. Alls 160 sem sáu sýninguna. Ekki á morgun heldur hinn , byrja ég að vinna, stundarskráin liggur víst fyrir neðan lúguna í Réttarholtinu og ég er því spennt að bruna heim og kíkja á hana. Ætla samt ekki neitt aðf lýta mér. Draga djúpt að mér andann áður en að ég legg í ´ann.
Þá fer að koma að því að þessu ævintýri mínu ljúki.
Í gær komu tæplega 20 manns en það kom mér verulega á óvart. Ég var ekki búin að átta mig á því að það væri kominn föstudagur ! Þá er fólk einmitt á ferðinni á leiðinni eitt eða annað.
Katrín fór á hestbak og var að vonum hæst ánægð með það. Guðmundur kom heim til að fara strax að heiman ! Hann fór ekki langt, að hjálpa til nema hvað, í Rotunum.
Nú eru hann og Katrín að græja til í fjárhúshlöðunni, hún er aðstoðarkona Guðmundar í bili. Hún fær að stýra gömlum traktor (hún keyrir ekkert, Guðmundur dregur þannig að fyllsta öryggis er gætt með barnið.)
Ef einhver les þetta sem er á leið hingað úr bænum þá vil ég auglýsa eftir fari fyrir Gísla, systurson minn, foreldar hans eru að fara í ´veislu og það vantar pössun fyrir hann.
Ég myndi vilja taka hann að mér en hef ekki tíma til að sækja hann. Gísli er enn of ungur til að fara einn í rútu, aðeins 4 ára gamall.
Guðmundur er farinn í vinnuna. Hann er núna í Landsveitinni.
Við Katrín höfum það gott og erum að föndra smávegis. Veðrið er alveg bærilegt, hann er að reyna að rigna en það gerist ekki mikið í þeim efnum. Áfram er hlýtt svo að það er ekki yfir neinu að kvarta.
Dagurinn í dag hefur verið alveg stórgóður.
Fyrir hádegi fór ég með Fanneyju og Eggerti í fjallgöngu. Ég hef áður gengið upp í fjall en aldrei farið langt í einu.
Við fórum alla leið upp að fossinum í þessu líka fína veðri. Við fossin er smá pollur sem að gaman er að vaða í. Ég óð út í skónum og fötunum og fékk mér smá frískandi sturtubað. Okkur systrum fannst sjálf fjallgangan mikið afrek og því þessi sælureitur alger bónus. Niðurleiðin var ekki bein auðveld sökum þess hve brattinn er mikill, en ég var þó með göngustaf sem munaði all verulega um.
Eftir hádegi komu Ásgeir og Ásdís og að sjálfsögðu Jónas og Makki líka. Jónas spilaði á harmonikkuna í Fjárhúsinu og kom það afar vel út. Við getum því alveg eins haldið tónleika ef að okkur langar til þess.
Þegar að þau voru farin kom svo annar hópur að skoða sýninguna en það er annars rólegt í sýningarhaldinu.
Ég er að prenta út fleiri sýningarskrár og get fylgst með úr kamesinu hvort að bílar komi heim á hlað. Svo er Katrín þarna úti að tálga spýtu.
Sýningin var tilbúin á réttum tíma.
Það kom slatti af fólki.
Veðrið hefur verið frábært og enn frábærari er fjölskylda mín sem hefur hjálpað mér að koma þessu á koppinn !!!
Það fer að styttast í stóru stundina !
Ég hef notið aðstoðar foreldra minna, Katrínar og Guðmundar í dag og í gær við að koma sýningunni upp. Hún er að verða tilbúin......
Hún verður það þegar við opnum á morgun klukkan 14:00....
Góðar stundir...
Hér má sjá mynd úr vinnustofunni sem tengist því sem að ég hef verið að gera að undanförnu.
Ég vona að þið hafið það öll gott í dag !
Mágur minn, Einar, á afmæli í dag. Til hamingju með það.
Katrín Björg og ég erum að borða morgunmat. Svo á ég eftir að taka mig til. Ég þarf að taka hálfa búslóðina með mér.
Síðan förum við austur. Það verður ekki fyrr en um eða eftir hádegi. Það er ýmislegt að snatta fyrst.
Mánudaginn 30. júlí kl. 16:00 getur þú nálgast álagningarseðil þinn á þjónustuvefnum á skattur.is með kennitölu
og veflykli. Hafir þú glatað veflykli þínum má óska eftir nýjum á skattur.is og fá hann sendan í heimabanka eða
póstlagðan á lögheimili þitt. Seðlar verða bornir út þriðjudaginn 31. júlí til þeirra sem ekki afþökkuðu
álagningarseðla á pappír.
Það hefur verið gott veður hér í dag....ekki nýjar fréttir. Það kom einn skúr í gær, mjög myndarlegur skúr , en hann var stuttur og síðan hefur ekki rignt.
Ég er kannski svolítið sein í að uppljóstra um þessa uppgötvun mína, það eru nú minna en 4 tímar í næsta dag.....
Allir dagar eru núna eins og ég þarf að skoða blöðin til að vita hvaða dagur sé. Ég hef ekkert mátt vera að því að hugsa um að systir mín á afmæli á morgun. Hún á líka brúpkaupsafmæli þá.
Ég varð að pósta þessari mynd. Ég tók ekki eftir ENN-inu þegar ég var að taka myndina.
Sá það bara þegar ég fór að editera.
Þá er því komið á framfæri.
GR situr við sína tölvu, ég sit við mína tölvu. Rómantískt.....eða þannig.
Við erum að vísu í sama herberginu og hendum einu og einu orði á milli okkar.....
með rafrænum hætti. Þeir sem að ekki fá boðskort láti mig vita eða bara mæti á sýninguna.
Ég sendi þetta allt í tölvupósti.
Þá er ég búin að koma því frá mér.
Það var gestkvæmt hér í gær.
Æskuvinkona mín, Ása Guðbjörg, leit hér inn ásamt manni og 2/3 af börnum sínum. Systir hennar kom seinna með 2/3 af sínum börnum.
Verst að hafa ekki Lukku heima því að hún er frábær barnafélagi.
Svo fékk ég Fanneyju og systur Önnu líka og var það
mjög uppörvandi fyrir mig.
Já, í dag er hlýtt og gott.
Í gærkveldi, um áttaleytið, var 18 stiga hiti í bænum. Mér finnst notalegt að hafa hlý kvöld. Lengir daginn ansi mikið.
Guðmundur er á Núpi, kemur í kvöld, svo að ég valdi Núpsmynd.
Ég hlakka mikið til að geta verið fyrir austan og ef að ég sýni þarna aftur á næsta ári ætla ég að vinna þar líka. Flytja bara græjurnar og mála í fjárhúsunum.
Veðrið er milt og fínt í dag.
Það er hægt að hafa opið út eins og ekkert sé.
Ég er jafnvel að hugsa um að bera nokkur málverk út því að mér finnst vera farið að þrengja að mér í vinnustofunni !! Ég er ekki með neinn þurrkrekka þannig að ég verð að vera með verkin upp um alla veggi.
Það getur orðið þrúgandi að hafa alla hrúguna ofan í sér.
Þannig er það nú.
Mér gengur ekki vel að sofna þessa dagana.
Ég sit nú við tölvuna með kamillute. Ætla aftur upp í þegar það er búið.
Ég var syfjuð snemma, fór upp í fyrir kl 21:20 og sofnaði svo kannski um ellefu leytið. Byrjaði með klassískri tónlist til að róa mig. Síðan hugleiðslu.
Ég fór fram til að fara á salernið
Ég sofnaði.
Ég vaknaði til að fara aftur á salernið. Hugmyndirnar fóru að flæða inn og ég fékk ekkert við þær ráðið. Hausinn á mér er svo virkur núna að hann þvælist fyrir mér...ég er búin að skrifa níður 3 eða 4 myndlistarverk af stærri gráðunni.
Guðmundur kom upp í og ég reyndi og reyndi en svo gafst ég upp. Þá var klukkan nokkuð gengin í eitt.
Ég var rétt sest við tölvuna með teketilinn (já, það dugir ekkert minna !)
þegar ég heyrði hroturnar innan úr svefnherberginu !!
Við erum eins og svart og hvítt í svefnmálum ! Hann sofnar á nóinu og vaknar einn tveir og tíu.
En ég , ætla aldrei að sofna og aldrei að vakna heldur !!!!!
Ég hef látið teið kólna aðeins of mikið. Það virkar betur ef það er drukkið sjóðandi heitt. Eða eins og tungan þolir.
Spurningin er ... þarf ég annan pott eða er ég orðin nógu syfjuð núna ?
(augnalokin eru aðeins farin að síga...)
Þetta er hættulegur tími fyrir mig.
Ég er "á leiðinni" að fara að sofa rétt fyrir ellefu, svo er ég eitthvað
"að vesenast" á netinu og áður en ég veit af er klukkan orðin eitt eða tvö um nótt !
Ég er þá fyrir löngu orðin syfjuð og er lengi "á leiðinni" í háttinn.......
Ég segi því stopp núna þegar klukkan er hálftólf. Ég á þá einhverja von um að komast á lappir á sómasamlegum tíma á morgun !
Ég var heldur fljót á mér í gær að setja inn plakatið. Fljótfær heiti ég.
Það hefur hins vegar verið ákveðið af sýningarstjórn Fjárhússins að betra muni vera að opna sýninguna um verslunarmannahelgina og hafa hana opna í tvær helgar og dagana þar á milli.
Sem sagt
Ykkur er boðið á opnun kl. 14:00 , laugardaginn 4. ágúst næstkomandi !!
Allir velkomnir.
mbk
Margrét
Ég var að gera þessa mynd að upplýsingamynd fyrir væntanlega sýningu mína á Núpi, til þess að auðvelda fólki að rata í Fjárhús, sýningarsal. Var bara að búa til nafn á sýningaraðstöðuna í nótt.
Ég er að vinna í öllum upplýsingamálunum núna. Fréttatilkynningar, boðsemilar, plakat, sýningarskrá ofl.
Þið sem fáið frá mér rafrænt boðskort eruð vinsamlegast beðin um að dreyfa því sem víðast !
Já og það í skugga, þannig að það hlýtur að vera ansi heitt hér fyrir framan húsið. Ég er löngu hætt í sólböðum og nýt þess að vera hvít og föl. Finnst ég vera að hitta eintóma útlendinga þegar ég fer í Nóatún, fólk er allt of brúnt.
Tímarnir breytast víst og við líka. Ég var mikill sólardýrkandi lengst framan af ævinni en það hefur breyst og kemur þar ýmislegt til. Minni nenna og ekki síst sú staðreynd að ég þarf að nota 100 prósent sólarvörn vegna brúnna bletta í andlitinu sem einmitt myndast í sól og þarf ekki mikla sól til.
Titillinn hæfir deginum afar vel. Það var yndislegt í sveitinni. Afar hlýtt í dag en skýjað, rigning í gær og skýjað. Maður þurfti ekki að píra augun of mikið. Ég vann að hugmyndum og gekk það vel.
Guðmundur vann á akrinum og gekk það vel.
Það eru kannski engar fréttir en það er sól á Selfossi í dag. Kannski ekki "nema" 15 gráður.
Guðmundur segir mér að það hafi ringt í nótt. Það er allt horfið í jarðveginn núna. Það var allt orðið svo þurrt. Í fyrra á sama tíma, þá var ég að mála húsið að innan og þá ringdi ansi mikið. Mér fannst bara alltaf vera rigning hérna á Selfossi......
En það er ástæða til að brosa í dag.... við Guðmundur , ásamt fröken Lukku....erum á leiðinni í sveitina...umm. Það er hvergi hægt að slaka á eins og þar.
Ég er tóm.
Og alveg í basli með öfga Margréti !
Samt er sól ....pælið í því .......
Ég er búin að fótósjoppa margar myndir og setja þær inn á flickr.
Slatta, myndi ég segja.
Engin sól á Selfossi í dag.
Það er í lagi...
Ég kom við hjá Fanneyju og Eggerti í sumarhúsi við Svínadal í gær. Lét tilleiðast að fara hinum megin við vatnið til að busla. Það var mjög hressandi og ég er ánægð með myndirnar sem að ég tók af krökkunum.
Í dag hefur verið gestkvæmt. 5 fullorðnir og 3 börn hafa komið.
Bryndís vinkona kom með 3 krakka og Kristín Björg kom með 3 konur....! Hér var svaka flott miðdegishlaðborð með dýrindis kræsingum. Það var skemmtilegt, mjög góðir gestir þetta.
Já, ég er komin HEIM.... í blíðuna á Suðurlandi.
Miklu betra veður hér en fyrir austan.
Maður er að lenda , átta sig, reyna að koma sér aftur inn í það sem maður var að gera áður en maður fór að heiman...
Þá er nú námskeiðinu lokið. Því var slúttað með pompi og prakt í gærkveldi. Gamanið stóð fram á morgun og því er maður smá laskaður í dag. Ég hyggst því taka því rólega í dag og koma ekki heim fyrr en á morgun.
Ég á eftir að fara í heimsóknir hér í bæ áður en ég legg á þjóðveginn. Ég þekki fólk á húsbíl sem ætlar að leyfa mér náðarsamlegast að gista hjá sér í Eyjafirðinum í kvöld...
Ég er á NK07 á Eiðum með nordískum myndlistarkennurum. Ekkert net. Mikið að gera. Kem heim á mánudaginn.
Núna á Egilstöðum á Te og kaffi......
Maður verður núna að fara að drífa sig að drífa sig að koma sér á fyrirlestur.
Í dag keyrði ég frá Núpi hingað austur. Ég er hjá Fanneyju frænku á veitingastað sem hún á og rekur í Fellabæ og heitir "Hetjan".
Ég var komin upp úr fjegur austur og byrjaði á smá rúnti og ákvað síðan að fá mér kaffibolla. Sá að hér er Te og Kaffi með kaffishús. Fyrsta fólkið sem að ég sá þar voru Sigga frænka Boga og sonur hennar Pétur Bogi. (kokkur á Hótel Eddu, Neskaupsstað)
Svona er landið lítið eða eitthvað.
Svo kom ég hingað og hjálpaði Fanneyju með kvöldmatinn, gerði súpu sem heitir núna Möggusúpa. Ég sat svo og teiknaði þangað til að ég ákvað að fara í rúnt. Á rúntinum fann ég skóg sem að heitir Selskógur og er í ofanverðum Egilstaðakaupstað. Ég losnaði við bílsetuverki með því að fara stóran göngutúr og taka nokkrar myndir í leiðinni. Það var ekki fyrr en ég sneri hingað á Hetjuna aftur að ég komst að því að þetta er náttúrlega netkaffi !!! En ekki hvað ?
Í fyrramálið fer ég svo að Eiðum og húllumhæið með myndmenntakennurum frá norðurlöndunum hefst og stendur fram á laugardag.
Ég held að það sé best að taka tölvuna úr sambandi og pakka henni niður. Annars kemst ég aldrei af stað .................
Bílspeglar eru afar mikilvægir.
Ég valdi þessa mynd því að ég held í langferð í fyrramálið. Ég keyri suður fyrir til að komast að Eiðum þar sem að ég verð í tæpa viku á námskeiði á vegum Félags íslenskra myndmenntakennara. Guðmundur tekur Lukku með sér í vinnuna á meðan. Ef það gengur ekki fyrir hann þá má hann hringja í fólk í Kópavogi og biðja um pössun þar.
