Föstudagur í fríi

Frábær bolli.

Frábær fyrirlestur um að vera skapandi

maira kalman

maira kalman
Originally uploaded by mmmarilyn.

Pétur frændi á stórafmæli í dag.

Cine 60
Originally uploaded by estayne.

....og ég er að fara á Prjónakaffi í Bókakaffinu, ég sem er hætt að drekka kaffi..... hef aldrei keypt mér te á kaffihúsi........

Gipssull

MMM
Originally uploaded by melong.

Sull er þetta í veðrinu.....læti og gangur.
Kári eitthvað skapstyggur greyið.

Á þessari mynd sést hvar ég er að bera gifs framan í nemanda. Það tókst vel og þetta var bæði puð og skemmtun.

Nýji heimsmeistarinn

Todo está yendo muy bien / Everithing's going very well
Originally uploaded by kimi_campeon.

Frábærar fréttir af Finnanum Raikkonen !!!

Dancing Rabbit Ecovillage: an introduction

Kynning á eco þorpi í Ameríku.
Mig langar til að dvelja í svona þorpi í sumarfríi einhvern tímann í framtíðinni til að læra.

Svona er talvan hans Guðmundar

Þó svo að ég sé komin með þriðju útgáfuna af iMac þá stendur þessi enn fyrir sínu.

Föstudagur

2.maí 048
Originally uploaded by melong.

Hér koma fyrstu leiðbeiningarnar við pappakörfugerðina.
Ekki öruggt að það komi fleiri myndir en þær má allar sjá inni á flickr.

Kaffiskorturinn háir mér ekki, ég er ánægð og drekk te í staðinn.

Kaffið

Sofahorn
Originally uploaded by melong.

Ég hef ekki drukkið kaffi í tvo daga og líður bærilega bara. Fékk slæman höfuðverk í gær og hef verið frekar lúin.
Þetta gerðist óvart , ef svo má segja , og ég veit ekki hve lengi þetta mun standa en mig langar til að sjá hvort að ég finni mikinn mun á mér.
Ég hef minnkað kaffidrykkju áður og kannski ekki drukkið kaffi í einn dag en ekki svona.
Maður getur jafnvel komið sjálfum sér á óvart......

Körfugerð

Basketmaking
Originally uploaded by melong.

Á myndasíðunni minni má sjá myndir úr bók um körfugerð úr pappa.
Ágætt fyrir sjálfstæðismenn í rvik nú þegar hagir þeirra hafa breyst.
Öll handavinna hefur góð og róandi áhrif á fólk.
Gott að nýta pappakassana í þetta.

Mamma á spítala

1mamma60
Originally uploaded by melong.

Mamma fór á spítala í dag, hún náði varla andanum og svimaði.
Það er stutt síðan hún fór á spítala og ekkert fannst en nú er komið í ljós að hún er aftur komin með blóðtappa í bæði lungun. Þeir eru stærri en síðast, skilst mér.
Hún lét vel af sér þegar ég talaði við hana fyrr í kvöld og var orðin betri. Hún er frekar óheppin með lungun greyið en fer nú í fleiri rannsóknir. Ekki spennandi fyrir hana en svona er þetta nú.

Hún er á lungnadeild í Fossvoginum.

Góðan bata , mamma !

Lýsing

Gallery R'Pure
Originally uploaded by Michael Surtees.

Guðmundi finnst of dimmt hjá okkur. Að hluta til er það rétt.
Ég er því komin í ljósagírinn og hef verið að skoða á netinu.
Það sem mér finnst flott er of dýrt og ef það er á góðu verði þá finnst GR það ekki flott..... ekki beint lögmál þarna á milli en þannig er þetta.

Gallery R'Pure

Sól á Selfossi

shower
Originally uploaded by melong.

Það hringdi kona nokkur í Guðmund um daginn.
Það var vegna auglýsingar sem birtist á mbl.is.
Hún var að forvitnast um geymsluna. Hún hafði sérstaklega á orði við hann hvað þetta væri ódýrt hjá honum. Ég er sammála þessari konu en það hefur ekkert heyrst frá henni ..........
Kannski ekki nógu dýrt fyrir hana. Verðskyn Íslendinga er þannig að ef að eitthvað er ódýrt þá bara hlýtur það að vera lélegt. Sem það auðvitað er ekki í þessu tilfelli.

Til umhugsunar !

Laugardagur til lukku

janamariahaus
Originally uploaded by melong.

Í gær var haldið upp á Alþjóðadag kennara.
Við í Sandvíkinni fórum á fræðslufund um vímuefnavarnir og kynningu á neyslu ungmenna í Árborg. Það var afar fróðlegt og átti hann Álfgeir frá Rannsókn og greiningu aðal þátt í því.
Það eru ekki allir sem að geta greint frá tölulegum staðreyndum á lifandi hátt. Ég mæli með honum. Hann sagði bara það sem að skiptir máli.

Sunnlenska bókakaffið er eins árs í dag og verður dagskrá þar í dag af því tilefni.
Madömmurnar, besta antíkverslun á Íslandi, er opin til kl. 14 og kannski Alvörubúðin líka.

Ég er heima í dag við dútl og á kaffi en ekki með því.

Miðvikudagur

MOOONE
Originally uploaded by melong.

Þegar þessi dagur er búinn þá er ég orðin þreytt. Mikil kennsla hjá mér fyrstu þrjá daga vikunnar. Heldur ójafnt , finnst mér. Það er mikið sem að safnast upp og nú liggur fyrir heilmikil vinna. Frágangur og skipulag.

Svo er ég að standa í því að við kennarar nokkrir höldum upp á Alþjóðadag kennara næstkomandi föstudag.

Á vegum úti

vSkeidaveg
Originally uploaded by melong.

Við erum komin heim á Selfoss. Það var mjög notalegt á Selfossi og nú hafa bæst við 2 húsbílar og eitt pallhýsi í geymsluna hjá Guðmundi.

Það er bölvuð reykjarlykt í loftinu hér, veit einhver hvað er í gangi ?

Veggfóður

Kollur
Originally uploaded by melong.

Þetta veggfóður sá ég í Síldarminjasafninu á Sigló en það er óneitanlega í stíl við appelsínugula veggfóðrið á Núpi sem að ég mun berja augun aftur í kvöld.

Lægð yfir bloggaranum

My last 36 favorites / l collect images
Originally uploaded by melong.

Ég er frekar tóm þessa dagana. Hef ekkert að segja. Það er svosum ekki mikill skaði af því.

Dashboard widgets - ThePlasmaTube Widget for Dashboard

Dashboard widgets - ThePlasmaTube Widget for Dashboard

Grænn er alltaf vænn

Fann flotta síðu með húsgögnum. Mér leist vel á stóla og þeir voru á góðu verði....en þeir senda ekki vörur út fyrir USA....
það sparar mér reyndar.....ég versla þá ekkert...
Ég er reyndar að hugsa um að byrja að safna einum og einum stól. Svona í gömlum stíl. Svo seinna, þegar ég á aur í það, læt ég smíða fyrir mig borð úr 2 gömlum hurðum.
En.... þarna var líka þessa kommóða... ég er allt of svag fyrir grænu.......
Heimasíðan er www.brocadehome.com

Þrjár gráður

IMG_0025
Originally uploaded by melong.

Klukkan átta í kvöld var þetta hitastigið á Selfossi.
Annars ansi snoturt veður í dag.

Ég fór á Listaasafn Árnesinga í Hveragerði í dag.
Gabríela Friðriksdóttir og Einar Þ-son.

Það snjóar á Selfossi og ég fríka út !

Sturtuskjár

shower
Originally uploaded by melong.

ROK
ROK
ROK..........

Í dag hef ég betra skap......

Dömuskot
Originally uploaded by melong.

Ekki var með hýrri há
hrund sem málar þrána
þótti daufur dagur sá
er dreymnum tengist mána

Frá Heiðmari

Betrekk á kolli

Kollur
Originally uploaded by melong.

Ekki minn dagur í dag.
Það er þá von um morgundaginn !!!!

Bölvaður mánudagur í öllum.

Miss Loose Marbles

Miss Loose Marbles
Originally uploaded by melong.

Ungfrúin sú er minn alter ego. Hún varð til á haustdögum ´95 í ljósmyndaáfanga í mhi.
Þessi kona reykti. Ekki margir vita það.

En....í dag eru nákvæmlega liðin tíu ár frá því að hún hætti að reykja !!!
Til hamingju með það....hver hefði trúað því að tíminn liði svona hratt !

Rigning

IMG_1536
Originally uploaded by melong.

Er rigning róandi ?
Ja, hún getur verið það. Núna bylur hún á þakinu og virðist ekkert lát vera á henni.
Ég er ein núna. Fékk gesti áðan og það var gaman. Góðar systur, Heiða og Hrafnhildur.

Guðmundur er á Núpi. Ég ætlaði að gera ýmislegt hérna heima.....
Ég hef morgundaginn.......versna varla af kvefinu úr þessu.....

Frá Síldarminjasafninu

IMG_1543
Originally uploaded by melong.

Það fínasta og allra heilagasta. Skrifstofa síldargrósseranna.

Sjálfsmynd frá því í kvöld.

Photo 65
Originally uploaded by melong.

Gamli tíminn

Helena , frænka mín á Siglufirði, á þennan gamla síma. Ég stóðst ekki mátið að filma hann, hringingin er hreint út sagt YNDISLEG !

iMac heilkennið

Photo 1
Originally uploaded by melong.

Þetta er fyrsta myndin sem að ég tek á nýju tölvuna mína.
Ég umbreyttist um helgina og lít núna svona út......
....eða þannig.
Komin heim, það var frábært á Siglufirði.
Klukkan orðin margt.....
Mikið að gera á morgun....
Myndir seinna....
Meira seinna.........

iMac

iMac
Originally uploaded by Le Marais.

Svona lítur nýja talvan mín út.
Hún er komin til landsins en ég á eftir að sækja hana til Rvíkur.......

Miðvikudagur, veður þurrt

moonine
Originally uploaded by melong.

Ég er alveg tóm.
Það eru mikil viðbrigði að koma úr sumarfríi og að byrja að vinna.
Mikil samskipti og rúmlega 100 % vinna.
Þetta venst .........börnin eru alltaf eins...sennilega er erfitt fyrir þau að byrja líka.....

Rigning og unglingar

MOOONE
Originally uploaded by melong.

Á þriðjudögum kenni ég fjóra tíma eftir hádegi.
Ég er núna að bíða eftir því að seinni leirhópurinn mæti á svæðið.
Ég geri mér ekki ferð á kennarastofuna því að ég get ekki gengið að því vísu að þar sé til kaffi. Ekki að það sé gott kaffið í þessum skóla, nema síður sé. Í fyrra svissaði ég yfir í tedrykkju í skólanum en drakk kaffi heima hjá mér.

Ský yfir Núpi

sky yfir nupi
Originally uploaded by melong.

Mynd dagsins var tekin síðla dags eða kvölds.
Veður er gott í dag. Húsið er fínna en í morgun. GR hvílir sig á meðan rúllar eitthvert frjálsíþróttamót í sjónvarpinu.
Lukka er búin að fara í göngutúr með stelpum úr hverfinu sem að koma stundum og fara með hana út.

24. ágúst.

sky yfir nupi
Originally uploaded by melong.

Á þessum degi fyrir 40 árum var ég skírð. Það gerðist í afmæli langalangafa míns, Sigfúsar Ólafssonar, á Siglufirði. Prestur var séra Ragnar Fjalar.
Sumu fólki finnst fyndið að ég skuli alltaf "halda upp á " þennan dag. Það geri ég reyndar ekki á hefðbundinn hátt, heldur svona bara minnist þess. Árið 2000 komst ég í fráhald frá sykri og hveiti sem h élst í tæpt ár. Það var gott líf.

Fyrsti kennsludagurinn

CMWD_bluefish
Originally uploaded by melong.

Í dag byrja ég að kenna klukkan 11:20.
Það er gaman að byrja starfið á ný og það er mikill spenningur í loftinu.

Þriðjudagur

lukka_2_hurdarbak
Originally uploaded by melong.

Það rignir !!!

Frænkuferðalag......

CMWD_blue 002
Originally uploaded by melong.

....ið, hefst í kvöld. Frænkurnar koma og borða hjá mér og síðan höldum við í Hamars-(s)kot í Úthlíð.

Dagskráin er ríkisleyndarmál.

Annar Gísli

fun-run
Originally uploaded by melong.

Í vinnu frá 8:15 - 17:40.

Mikið að gera, það er gaman.
Mistök fyrri vetrar ýta á eftir mér við vinnuna og ég hamast eins og brjáluð við undirbúninginn. Ég er að skipuleggja val í leir f. 9. og 10. bekk. 4 hópar , takk fyrir á 8 kennslustundum. Ég reiknaði það út að ef að innlögnin hjá mér er 10 mínútur, það taki nemendur 5 mínútur að koma sér í gang og um 20 mínútur að ganga frá. Þá er aðeins eftir þrjú korter til að vinna !!!! Þetta verður því hrað-/örnámskeið í leir. Ég fæ nokkrar konur sem að vinna með mér til að prufukeyra tvo tíma í leir. Ég veit að þær verða auðveldir nemendur en það er um að gera að prófa. Þá hef ég líka leir til að brenna.

Sólber og rifs

gislilukkagislilukka
Originally uploaded by melong.

Fyrsti vinnudagurinn gekk vel. Var frá átta til hálfsex.
Hefði getað verið lengur.....

Síðan fórum við GR austur. Ég týndi ber og fleira smálegt.
Þessa mynd gerði ég úr tveimur sem ég tók af Gísla og Lukku um daginn þegar sýningin var í gangi og hann var í heimsókn. Alltaf duglegur að sinna henni Lukku sinni, hann Gísli.

Síðasti dagur sumarfrísins

Greenme
Originally uploaded by melong.

Ég er græn í framan í dag.
Heilinn er grænn.
Hjartað er grænt og lungun eru að fyllast af grænu lofti.........

Skýjað

sky
Originally uploaded by melong.

Það er gott að vera í sveitinni og það er gott að koma heim.
Núna hef ég morgundaginn og síðan byrjar 2007-2008 ballið í Vallaskóla.
Stundartaflan er köflótt. Ansi pakkaðir mánudagar. Ég sé fyrir mér að dragast heim strax e 10 tíma kennslu á mánudögum .......sennilega best að panta nudd eða fótsnyrtingu þessa daga......... beint í dekur eftir vinnu er mjög góð hugmynd.

Úti er ævintýri

Fjarhusid, gammeldags
Originally uploaded by melong.

Síðasti mánudagsmorguninn sem að ég er í fríi er NÚNA. Þetta sannar hve tíminn líður hratt.
Sýningin kláraði með stæl í gær , það rigndi nefnilega ógurlega. Hver demban á fætur annarri. En það komu samt 20 manns í gær. Alls 160 sem sáu sýninguna. Ekki á morgun heldur hinn , byrja ég að vinna, stundarskráin liggur víst fyrir neðan lúguna í Réttarholtinu og ég er því spennt að bruna heim og kíkja á hana. Ætla samt ekki neitt aðf lýta mér. Draga djúpt að mér andann áður en að ég legg í ´ann.

Síðari sýningarhelgin

They cannot be serious !
Originally uploaded by melong.

Þá fer að koma að því að þessu ævintýri mínu ljúki.
Í gær komu tæplega 20 manns en það kom mér verulega á óvart. Ég var ekki búin að átta mig á því að það væri kominn föstudagur ! Þá er fólk einmitt á ferðinni á leiðinni eitt eða annað.
Katrín fór á hestbak og var að vonum hæst ánægð með það. Guðmundur kom heim til að fara strax að heiman ! Hann fór ekki langt, að hjálpa til nema hvað, í Rotunum.
Nú eru hann og Katrín að græja til í fjárhúshlöðunni, hún er aðstoðarkona Guðmundar í bili. Hún fær að stýra gömlum traktor (hún keyrir ekkert, Guðmundur dregur þannig að fyllsta öryggis er gætt með barnið.)
Ef einhver les þetta sem er á leið hingað úr bænum þá vil ég auglýsa eftir fari fyrir Gísla, systurson minn, foreldar hans eru að fara í ´veislu og það vantar pössun fyrir hann.
Ég myndi vilja taka hann að mér en hef ekki tíma til að sækja hann. Gísli er enn of ungur til að fara einn í rútu, aðeins 4 ára gamall.

Blús........

kb_gufa_3
Originally uploaded by melong.

Við Katrín erum að hlusta á blústónlist í útvarpinu. Mér finnst það frábær tónlist, Katrín er alls ekki hrifin af henni. Af því að hún er bara 9 ára þá gef ég henni séns.

Sitthvað líkt með skyldum ?

My sister and niece having fun
Originally uploaded by melong.

Guðmundur er farinn í vinnuna. Hann er núna í Landsveitinni.
Við Katrín höfum það gott og erum að föndra smávegis. Veðrið er alveg bærilegt, hann er að reyna að rigna en það gerist ekki mikið í þeim efnum. Áfram er hlýtt svo að það er ekki yfir neinu að kvarta.

3. sýningardagur

view-from-sofa-corner
Originally uploaded by melong.

Dagurinn í dag hefur verið alveg stórgóður.
Fyrir hádegi fór ég með Fanneyju og Eggerti í fjallgöngu. Ég hef áður gengið upp í fjall en aldrei farið langt í einu.
Við fórum alla leið upp að fossinum í þessu líka fína veðri. Við fossin er smá pollur sem að gaman er að vaða í. Ég óð út í skónum og fötunum og fékk mér smá frískandi sturtubað. Okkur systrum fannst sjálf fjallgangan mikið afrek og því þessi sælureitur alger bónus. Niðurleiðin var ekki bein auðveld sökum þess hve brattinn er mikill, en ég var þó með göngustaf sem munaði all verulega um.

Eftir hádegi komu Ásgeir og Ásdís og að sjálfsögðu Jónas og Makki líka. Jónas spilaði á harmonikkuna í Fjárhúsinu og kom það afar vel út. Við getum því alveg eins haldið tónleika ef að okkur langar til þess.

Þegar að þau voru farin kom svo annar hópur að skoða sýninguna en það er annars rólegt í sýningarhaldinu.
Ég er að prenta út fleiri sýningarskrár og get fylgst með úr kamesinu hvort að bílar komi heim á hlað. Svo er Katrín þarna úti að tálga spýtu.

Infinite questions

Infinite questions
Originally uploaded by melong.

Sýningin var tilbúin á réttum tíma.
Það kom slatti af fólki.
Veðrið hefur verið frábært og enn frábærari er fjölskylda mín sem hefur hjálpað mér að koma þessu á koppinn !!!

Á morgun

Workshop wipecloth
Originally uploaded by melong.

Það fer að styttast í stóru stundina !
Ég hef notið aðstoðar foreldra minna, Katrínar og Guðmundar í dag og í gær við að koma sýningunni upp. Hún er að verða tilbúin......
Hún verður það þegar við opnum á morgun klukkan 14:00....

Góðar stundir...

Örlítil vísbending

My symbols
Originally uploaded by melong.

Hér má sjá mynd úr vinnustofunni sem tengist því sem að ég hef verið að gera að undanförnu.

Ég vona að þið hafið það öll gott í dag !

Hann á afmæli í dag

einar harley
Originally uploaded by melong.

Mágur minn, Einar, á afmæli í dag. Til hamingju með það.

Katrín Björg og ég erum að borða morgunmat. Svo á ég eftir að taka mig til. Ég þarf að taka hálfa búslóðina með mér.
Síðan förum við austur. Það verður ekki fyrr en um eða eftir hádegi. Það er ýmislegt að snatta fyrst.