Virkjum heilabuið - Reisum heil ver

Netfri

Ég er búinað vera netlaus og heldur ekki í neinu netstuði, þannig lagað.
Ég er núna hjá Fanneyju. Ég er hins vegar búin að fá mér adsl í Réttarholtið en á eftir að græja það. Ég er komin með heimasíma og allt. Þið bara sendið mér smess eða flettið mér upp hjá Já. Svo er nú ekki verra að fá fólk í kaffi.
Fanney droppaði í kvöldkaffi í vikunni, það var alveg hrikalega kósý.
Ég er aðallega í bílskúrnum að mála hann. Ég leyfi svona hreiðurgerðarfílíngnum bara að saltast. Að vísu þá hengdi ég upp tvö málverk í dag en annað er of hátt uppi og þarf að færa.

Markmiðið með pokavogsheimsókninni var að fara í skápaþrif hér í Skólagerði á morgun. Svo hafði ég hugsað mér að heimsækja Guðmund og Lukku á sunnudaginn.

Næsta fimmtudag byrja ég á námskeið og á öðru á föstudeginum. Þrír dagar á námsskeiði og svo annað námskeið 15. og þá byrja ég í Vallaskóla.
Guðmundur er nú orðinn einn á bænum. Drengirnir fóru síðasta miðvikudag.
Mig langar mikið til að hafa Lukku þangað til að skólinn byrjar en henni finnst svo gaman að rekar kýr að ég er ekki alveg viss.

Það gengur vel hjá Guðmundi að hreinsa út úr fjárhúsunum. Hann er núna með smágröfu og er víst að grafa. Við höfum ekkert auglýst hjólhýsa- og fellihýsageymslu Guðmundar og Gilitruttar en þið megið láta það ganga að Guðmundur geymi slíka gripi. Hann er nú þegar búinn að lofa að geyma nokkur landbúnaðartæki og tvo húsbíla.

Myndir ur bruðkaupsafmælinu

Mjaltafri

" það er fiskur í matinn, ligga lei -i "

Gísli syngur og hoppar og skoppar og æpir og skrækir. Svo eru það miklar leikfimisæfingar sem að hann þarf að sýna mér.
Hann er mikill íþróttamaður og hoppar og skoppar og gerir magaæfingar.
Já, hann er alveg ótrúlegur.

Guðmundur er í mjaltafríi í kvöld og fyrramálið. Við höfum verið í búðum hér á stór pokavogssvæðinu.
Við ætluðum að kaupa okkur eldhússtóla en ekkert varð af kaupunum. Við náðum hins vegar að ná okkur í fína ryksugu í Elko.
Núna erum við hjá Fanneyju. Hún ætlar að elda ofan í okkur.

Svo förum við á Selfoss og sofum þar. Við ætlum að setja upp gardínur og ýmislegt smálegt dútl sem að þarf að gera. Ég get sennilega ekki byrjað á bíslkúrnum fyrr en á þriðjudag. En ég ætla að vera með bækistöðvar á Selfossi frá og með mánudagskveldinu. Um helgar get ég farið til Guðmundar í sveitina.
Það gekk stórkostlega vel með flutningana og nú eru eiginlega öll húsgögnin í stofunni, nema rúmið er komið á sinn stað.

Fanney a afmæli i dag

Nu eru leggir Gilitruttar þreyttir. Ég hef verið að hamast við að pakka með aðstoð auðvitað Guðmundar og Stefnis.
Ekki mikið dót. Þetta verða aðallega mublur sem að við flytjum í dag. Ég pakkaði aðallega dóti í búðinni sem á að fara í bílskúrinn á Selfossi í nýju vinnustofuna.

Með hálp mágs míns, Eggerts, tókst að klára stofuna, forstofuna og gesta wc. Ég byrjaði á þvottahúsinu en ætla ekki að klára það strax. Þvottavélin kemur seinna og því liggur minna á. En það liggur á bíslkúrnum og ég ætla að byrja á honum á sunnudaginn, ef Guð lofar.

Pabbi var að hringja (18:15) og er staddur á Selfossi ásamt Ásgeiri (bróður mömmu). Hann er á flutningabíl og flytur fyrir okkur. Ég fæ í staðinn að geyma nýja húsbílinn hans hér í nýju tjald- og fellihýsageymslu Guðmundar.

Þetta er allt agalega spennandi.

Það blæs vel og hressilega hér á Núpi. Bara hressandi.

Svo er það : TIL HAMINGJU MEÐ AFMÆLIÐ Í DAG , FANNEY MÍN
OG..... til hamingju með afmælið, Ragnheiður Hrefna !
og ..... til hamingju með afmælið , Óli frændi.........

Allt er fertugum fært

Ég segi bata: brúðkaupsafmælið var frábært og tókst hrikalega vel.
Veðrið var geggjað og ég er með fullt af myndum sem bíða e þvi að komast hingað á bloggið.
Her er ég ein núna. GR og Stefnir foru á Hellu að sækja þvottavélina. Styrmir fór í bæinn í gær með Fanneyju og kó.
Katrín fór í morgun með mömmu og pabba. Hún ætlar , seinna í vikunni, að fara í húsbílaferðalag með þeim.

Áætlað er að flytja húsgögn héðan á Selfoss á fimmtudagskvöldið. SVo er eg að fara þangað í dag að mála. Mágur minn, Eggert, ætlar svo að koma á morgun og hjálpa mér. Það er mikið í gangi hér.

Laugardagur og Lukka Liggur uti her

Bambala bó, ein var hér og hló.

Leirburður í tilefni dagsins.
Á morgun er 40 ára brúðkaupsafmæli mömmu og pabba.
Í kvöld verður farið út að borða hér í sveitinni og á morgun er brullups bröns.
Von er á þeim og Asgeiri og kó á húsbílunum á eftir.

Sólrún og Dóri komu við á austurleið og báru mér þær fregnir að fæðst hefði frændi þ. 4. júlí.
Hann er Hauksson og ég leyfi mér hér með að kalla hann Fannar þar sem að hann fæddist á´afmælisdegi
Fanneyjar ömmmu.

Solardagur i sælurikinu

Haustmánuður byjrar í dag samkvæmt almanakinu ,

hér er ekki haustlegt heldur sumarlegt. Í dag langar engum til að hugsa um haustið.

Þessa vikur hefur verið sett heimsóknarmet á Núpi eitt. Í gær fengum
við fulla rútu af erlendum ferðamönnum í kaffi til okkar. Reyndar voru þeir bara tíu. Það var david sam, frændi Stefnis og Simma, sem kom hér í hlað með ferðamenn í eldri kantinum , flesta danska. Þrír voru kanadískir og ein norsk.
Þau voru himinlifandi yfir því að fá að koma inn í kaffi á íslenskt heimili og það var gaman að fá þau.

Þvottavélamálin tóku óvænta stefnu í gærkveldi þegar ég var að setja í vél fyrir nóttina. Ég ráðgerði mikla þvotta í dag á rúmfötum. Og nú er sko þurrkurinn til þess.
Nei, lokið á velinni datt af. Það hefur reyndar gerst áður og okkur tekist að skella því á aftur en í morgun þegar GR fór að hyggja að þessu, þá vill lokið ekki lokast og nú er hann að skella vélinni í bílinn til þess að keyra henni á Hellu til rafvirkja !!
Grautfúlt að standa í svona þegar þurrkurinn er í hámarki en maður verður víst að bíta á jaxlinn og vera þolinmóður. Þvottavélin í mjólkurhúsinu er lengi búin að vera í ólagi og gr ætlar að kippa henni með líka.

Það verður áfram gestagangur og barnafjöld hér á bæ. Um helgina koma bræðrasynir GR, Hrannar og Daði. Síðan stendur mikið til í fjölskyldunni vegna 40 ára brúðkaupsafmælis mömmu og pabba sem verður á sunnudaginn. Þau bjóða börnum og mökum út að borða á Hótel Eddu og svo verður brönsj í þeirra boði hér a sunnudaginn ! Miikið stuð og fjör. Hér verða 2 húsbílar og eitt safari tjald. Myndir af því seinna. Pabbi á nýja myndavél og ég get tekið myndir á hana.
Meira seinna.

VEÐRIÐ ER GEGGJAÐ

Syfjuð eyfellsk ros.....

Ég er búin að vera á netinu að leita að myndum af rósum. Kolfinna á Nýjabæ, er að fá nýtt herbergi og vill fá rósir málaðar a vegg og loft hjá sér. Það er endalaust til af myndum á netinu af fallegum rósum.
Uppáhalds liturinn hennar af rósum er blár. Þær eru líka alveg dásamleguar, bláu rósirnar.

Það er sól og sumar undir Eyjafjöllum í dag , þó ekki nema 16 gráður. Vindurinn sem kemur inn í hús er kaldur.

La nuit de Laxness

Einginn karlmaður veit hvað kvenmaður veit og það mun ekki vitnast fyren fæðast samvaxnir tvíburar, kallbarn og kvenbarn í einum kroppi.

Paradísarheimt HKL

Í okkar samfélagi er ekki til nema einn glæpur verulega hættulegur ... og það er að vera ofanúr sveit.
-Atómstöðin, 26. kafli. Organistinn.

Annriki

Gestir, barnastúss og margt margt fleira.
Guðmundur og ég borðuðum fyrstu kvöldmáltíðina saman á Selfossi í gær.
Anna, mor til Stefnir og Styrmir, mjólkaði í gær.
Við máluðum og versluðum.

Hér var Gísli , 3 ára, um helgina og auðvitað Katrín. Systir mín fékk barnafrí.
Það gekk frábærlega vel.
Það var ættarmót hjá Guðmundarætt, systikina pabba hans. Hér komu því tugir á sunnudaginn og nokkuð margir þeirra komu hér inn í hús að skoða og sumir fengu kaffi.
Og ég má ekki vera að því að skrifa.........

Rigning og ryksugun

When silly you should stop

Kaffi Krus

Hér situr maður nú og surfar á netinu með latte á borðinu.
Strákarnir eru komnir í Selfossbíó og fundurinn minn byrjar ekki fyrr en kl. átta.
Við fórum í Bónus. Þeim finnst gaman að svona innkaupaferðum, hvort sem að þið trúið því eður ei.
Svo fengum við okkur pölser í Réttarholtinu. Þessir strákar eru mjög hrifnir af íslenskum (SS) pylsum en eru lítt hrifnir af þeim dönsku.

Við Guðmundur fórum að heimsækja Siggu P og Guðjón á Skógum í gærkveldi. Það var gaman eins og alltaf.
Þau eru með sumardvöl fyrir einstaklinga með ýmis konar fötlun og þroskahömlun. Þau gera það mjög vel og allir eru ánægðir hjá þeim. Ég þekkti 3 þar. Einn sem var á Kópavogshæli í gamla daga og ég hef hitt áður hjá Siggu. Það var hann Höskulur sem sýndi mér mikla gestrisni og sá til þess að Sigga færði mér hvern kaffibollann á fætur öðrum. Svo voru það Lína og Árni frá Sólheimum. Það voru alls níu manns. Sigga er með heitan pott og alles. Þetta er alger sumarparadís.

Ég býst við því að vera hér aftur á morgun., þó mig langi mest til að vera heima í sveitinni þar sem að fjörið er. Ég var að hugsa um að nota fimmtudag og föstudag í málningarvinnu þar sem að systkinin Gísli og Katrín Björg koma á föstudaginn. Gísli ætlar að vera fram yfir helgi. Ég fer sjálf með hann í bæinn þar sem að mér er boðið í afmæli tl vinkonu minnar, Kristínar Bjargar. Það ætti því að verða mikið stuð hjá okkur um helgina.

Heitur sumardagur

Geggjað veður í dag hér undir fjöllunum. Ég hef samt haldið mig við inniverkin að nokkru. Þar er að mörgu að hyggja þar sem nú stendur yfir undirbúningsvinna fyrir væntanlega flutninga. Þetta gerist allt hægt og rólega hjá okkur Guðmundssen.
En nú er mér óhætt að fara út. Ég er búin að maka á mig sólarvörn. Númer 50 + held ég. Ég þoli ekki lengur mikla sól í andlitið því að ég fæ brúna bletti. Þeir eru þarna en dökkna og fjölgar við sólargeislana og þarf ekki sól til að það gerist. Nóg að það sé léttskýað og að maður sé útivið. Ég sem var brjálaður sóldýrkandi forðast nú sólina ! Það er af sem áður var , myndi maður segja.
Ég fór út áðan og tók til græjur og núna er GR að slá í kringum jarðaberjakassann fyrir mig. Eygló, systir GR, gaf okkur jarðaberjaplöntur fyrir margt löngu. Og nú eru þær að blómstra í fyrsta skipti en eru því miður í mikilli baráttu við alls kyns "óværu" , svo sem gras, sóleyjar, njóla og annað þess háttar. Verkefni dagsins er að bjarga þeim frá köfnum og sjá til þess að einhver ber líti dagsins ljós í haust. Svo dróst það nú að setja plast á kassann (maður ræskir sig nú...) og ætla ég nú að bæta úr því. "Betra seint en aldrei" hefur lengi verið uppáhalds máltæki mitt þar sem það reddar heiðri mínum ansi oft.
"Dönsku" drengirnir, Styrmir og Stefnir eru farnir upp í fjall á sundskýlum til að fara í fossasturtu. Það er vinsælt hjá krökkum hér að fara upp í fjall á góðviðrisdegi og bleyta aðeins í sér. Ég skil það mjög vel því að ég man vel eftir þeim dögum er maður undi sér við að busla í vatni þegar færi gafst. T:d. með langömmu í bústað hennar í Fljótunum og við Hvin , við Þingvallavatn. Þar var spennandi lækur að leika sér í og var jafnvel hægt að liggja þar á vindsæng. Seinna fór ég svo í "randonné aquatigue" í Cevenna fjöllunum í Suður Frakklandi. Þar fór ég niður árfarveg í blautbúningi og voru ýmsar kúnstir stundaðar á leiðinni. Svo hefur maður nú farið nokkrum sinnum í "river rafting" og líka stokkið úr nokkurri hæð út í Hvítá og líka þessa frönsku á , sem ég man ekki lengur hvað heitir.

Hlyindi

Það er óskaplega hlýtt hér undir Eyjafjöllum. Algert logn og skýað. Frábært veður til garðverka, til að mynda.
En ég fékk allt í einu smá tiltektarkipp og því er ég inni við með opið út á hlað svo að ég fái smá ferskan andblæ inn til mín og svo rek ég nefið út öðru hvoru til að njóta blíðunnar og fá smá tilbreytingu.

Fimmtudagur og frökenin fer

Frökenin er að fara að taka rútuna á eftir. Hún er að leggja af stað í ferðalag með fjöslkyldu sinni í kvöld. Þau fara til Ólafsfjarðar.
Guðmundur var að koma frá lækni og það hefur þornað til .
Ekkert sérstakt að gerast hjá okkur í morgun. Krakkarnir fóru upp í fjall og renndu sér svo niður á rassinum. Það sést enn farið í hlíðinni eftir þau og ég er með grasgrænar nærbuxur í þvottahúsinu.

Þoka, bleyta og afmælisboð

Í dag er svipuð leiðindi í veðrinu og í gær nema hvað mér virðist vera minni vindur.
Heimilishaldið gengur vel og börnin eru virk. Klukkan eitt koma vinir Katrínar úr sveitinni og þá verður haldin pizzu- og ísveisla.
Ég er syfjuð enda lengi að vakna, þrátt fyrir morgunmat, lýs og önnur bætiefni sem og dásamlegt kaffi.
Svo er það Selfoss seinni partinn og Bónus og fundur.

Fimm manna "fjölskylda" !

NÚna erum við með þrjú börn í fóstri. Stefnir og Styrmir komu hér fyrr í kvöld og nú er ég að klára að koma þeim fyrir. Stefnir er með Guðmundi í fjósinu. Það var kýr að bera fyrr í kvöld og það þarf eitthvað að sinna henni. Kálfurinn var reyndar dauður en það er nú annað mál. Klukkan er orðin margt og þetta hefur verið góður dagur. Það er gaman að fá skemmtilegt fólk í heimsókn og ég gerði fiskibollur sem að ég var mjög ánægð með.

Heima er Bezt aftur

Það er blíða undir fjöllunum, mér finnst vera svalt en Guðmundi og Katrínu finnst vera heitt !!! Því hafa þau opið út og mér er því skítkalt bara.
Við fórum í afmæli í Breiðholti í gær til frænda okkar Jónasar sem varð 13 ára, mamma hans og Harpa vinkona Fanneyjar eiga afmæli í dag. Ragnar Lárusson , systursonur Guðmundar á afmæli á morgun. Amma Fanney átti líka afmæli 4. júlí.

Við hömuðumst við að klára ganginn í gær og þegar við vorum langt komin birtist Guðmundur sjálfur öllum að óvörum. Því var tekið til hendinni að undirbúa stofuna undir málningu og gekk það vel enda munaði um bóndann. Klárað var að mála fyrri umferð á stofuloftið áður en við héldum í borgina.
Málið var að ég var ekki viss um að fara í afmælið vegna þreytu en þegar faðir minn læsti lyklana inni í húsbílnum sínum var ekki um annað að ræða en að koma honum í Kópavoginn til að sækja varalykla ! Við tókum líka Katrínu með sem ætlar að vera hér fram á fimmtudag þegar hún fer í ferðalag norður í land með fjölskyldu sinni.
Pabbi minn er búinn að klára að mála loftið ! Hann gerði það þegar við komum til baka í gærkveldi. Hann var alveg óður í að klára þetta, það var ekki nokkur maður að reka á eftir honum. Ég er honum því enn þakklátari en áður.

Í dag koma hingað bræðurnir Stefnir og Styrmir en þeir voru hér líka í fyrra. Og svo á að halda litla sveitaafmælisveislu fyrir Katrínu með vinum hennar í sveitinni, það verður á miðvikudaginn.

Svo má þess geta að í gær sendu karlarnir mig út í búð að kaupa meira teip og annað og ég kom heim með hjól, lás og hjálm !!! Ég er hæst ánægð með að geta hjólað um á Selfossi með mig og Lukku mína. Ég bíð miðvikudagsins með eftirvæntingu til að geta farið í hjólreiðaferð.

Skrif gærdagsins

1. júlí, 2006

Veðrið hér á Selfossi hefur verið afar gott í dag. Ótrúlega hlýtt og sólskin
af og til og rúmlega það. Ég kom hér í gær úr Reykjavíkinni. Ég fór út að ganga
með Lukku og fékk gesti. Ásgeir frændi og hans fjölskylda, á nýja húsbílnum sínum
með son Lukku, hann Makka.

Rétt f. hádegi í dag kom pabbi enn einu sinni til að hjálpa mér að mála ! En ekki hvað ?
Hann á von á að fá fálkaorðu Margrétar fyrir vel unnin störf í þágu frumburðarins.
Sá fyrsti sem fær orðuna verður hins vegar hann Guðmundur fyrir að búa með mér.
Ég á aðeins eftir að búa til orðurnar sjálfar og ákveða viðeigandi seremóníur fyrir
afhendinguna.

Nú þegar klukkan er að verða hálftíu á laugardagskveldi þá er búið að mála ganginn.
Loftið búið, en á eftir að fara eina umferð yfir veggina. Það gerum við í fyrramálið og
ráðumst svo á stofuna sjálfa.

Mikið hlakka ég til.

Það er öðru vísi að flytja hingað en á marga aðra staði sem að ég hef búið á.
Hér hef ég aldrei búið en hér þekki ég þó nokkuð marga.
Ég fer varla út án þess að hitta einhvern sem að ég þekki. Ég þekki auðvitað
nokkra í Grímsnesinu frá því að ég bjó þar og svo er Selfoss auðvitað
metropollis Suðurlands og hingað koma allir Rangæingar til að versla í Bónus
osso videre.

Myndir ur afmælinu

Lukka og Gísli í garðinum. Þau eru afar góðir vinir og Gísli má tuskast með hana eins og hann vill.
Katrín og Lukka í garðinum hjá Fanneyju.
Hér má sjá frændsystkinin Ingibjörgu og Gísla sem að eiga sama afmælisdag og eru ofsalega fínir vinir.


Úr eldhúsinu: Elísabet, Gísli , Imba, Katrin og María.

Frökenin sjálf, orðin átta ára.

Eg er typan sem profar svona "bull"

the Idiot Savant (23% dark, 53% spontaneous, 47% vulgar)

your humor style: VULGAR | SPONTANEOUS | LIGHT You like things silly, immediate, and, above all, outrageous. Ixne on the subtle word play, more testicles on fire, please. People like you are the most likely to RECEIVE internet forwards--and also the most likely to save them in a special folder entitled 'HOLY SHIT'. Because it's so easily appreciated, and often wacky and physical, your sense of humor never ceases to amuse your friends. Most realize that there's a sly intelligence and a knowing wink to your tastes. Your sense of humor could be called 'anti-pretentious'--but paradoxically enough, that indicates you're smarter than most. PEOPLE LIKE YOU: Johnny Knoxville - Jimmy Kimmel The 3-Variable Funny Test! - it rules - If you're interested, try my best friend's best test: The Genghis Khan Genetic Fitness Masterpiece

My test tracked 3 variables How you compared to other people your age and gender: You scored higher than 4% on darkness You scored higher than 61% on spontaneity You scored higher than 74% on vulgarity

Link: The 3 Variable Funny Test written by jason_bateman on OkCupid Free Online Dating, home of the 32-Type Dating Test

Lukka fer í bæjarferð

Jæja, við stöllurnar Lukka og ég, lögðum af stað í bæjarferð um tvöleytið í dag.
Hún hefur ekki áður farið að heiman og aldrei í svona langa bílferð. Ekki síðan hún
var hvolpur og ég sótti hana í Laugarás.
Ég þurfti að koma við í Landsbankanum á Hvolsvelli og ég ákvað að hleypa henni út úr bílnum til að viðra hana. Hún ætlaði að koma með mér inn en var aum að fá það ekki.
Ég var svo stressuð yfir að skilja hana eftir eina úti að ég var friðlaus á meðan ég var þar inni. Hún hélt sig fast við bílinn því að hann þekkir hún vel. Hún var stressuð og vældi í mér þegar ég kom út. Hún lét mig sko vita að hún væri ekki ánægð með að vera yfirgefin á ókunnum stað. Ég ákvað því að skilja hana eftir í bílnum þegar ég fór í Kjarnann á Selfossi til að kaupa hundadótt í dýrabúðinni þar. Ég taldi að henni myndi líða betur í bílnum. Ég keypti ól , öryggisbelti og hundanammi sem hún lítur svo ekki við !!!

Hún var auðvitað stjarnan í afmælinu og mikil hamingja hjá börnunum að fá hana í heimsókn. Hún gat alveg farið frá mér þarna þar sem að það var svo mikið að fólki til að dúllast í henni. Það var eins og ég hélt hún fílar sig vel og er innilega þægileg og róleg og ekki heyriðist í henni bofs. Ekki þarna inni um marga kunnuga.
Pabbi fór með hana í hjólreiðatúr áðan og gekk það mjög vel. systir mín er komin ásamt katrínu til að fara með okkur í göngutúr.

E. göngutúr:

Það var gaman að fara rúnt um vesturbæinn minn gamla með Fanneyju, Katrínu og Lukku. Þegar við vorum komnar til baka ákvað ég að fara á bílnum til í Skólagerðið að sækja nýju myndavélina hans pabba sem hafði gleymst þar. Ég ýtti Lukku frá mér og skellti á nefið á henni. Ég var varla búin að vera eina mínútu í Skólagerði þegar að mamma hringdi af því að Lukka var alveg ómöguleg og að mamma var að fara greinilega á taugum af meðaumkun. Hún er svo góð og má ekkert aumt sjá. Pabba tókst eitthvað að róa hana en hún var verulega ánægð þegar ég kom tilbaka. Hún er ekki tilbúin í pðssun kerlingargreyið. Ég fékk alveg hland fyrir hjartað
að leggja svona mikið á hana á einum degi !!! Ef ég stend upp til að færa mig um stað í h úsinu eltir hún mig til að athuga hvert ég sé að fara ! Hún er eins og skuggi minn !

Heima er bezt

Það finnst nú flestum en ég sigldi hér í hlað í kvöld við mikinn fögnuð Lukku minnar. Maður getur alltaf treyst því að vel sé á móti manni tekið þegar maður kemur heim. í því er hún sérfræðingur og Guðmundir fremri.
Ég fer að vísu aftur á morgun og þá í Kópavoginn þar sem að halda á upp á 8 ára afmæli Katrínar Bjargar. Já, að hugsa sér. Snótin stækkar líka hratt í takt við asa tímans og er orðin 137 cm á hæð. Hvar endar þetta spyr maður sig.
Allt er fallega grænt hér undir fjöllunum og yljar það manni um hjartarætur að koma heim í slíka "hlýju" sem grænkan er.

Goð kaup og enn þa betri felagsskapur

Jæja, mér finnst svosem ekkert hafa gerst hjá mér síðan síðast en mér gengur afar hægt með að mála. Eftir að pabbi fór þá hef ég bara klárað svefnherbergið. Ég er með ganginn næstum því alveg tilbúinn undir málningu. Búin að sparsla og pússa og plasta. Ég hafði hugsað mér að skella mér í þetta í kvöld að mála fyrstu umferð, það er þó ekki öruggt því að klukkan er orðin margt og ég enn í Kópavogi þannig að það bíður sennilega til morguns.
Ég svaf yfir mig, ef svo má segja, og var með hausverk annan daginn í röð og komst í eitthvað óstuð og í stað þess að vera í óstuði á Selfossi og ekki gera neitt nema að vera í sjálfsvorkunn þá dreif ég mig í bíltúr í vesturátt og endaði í Ikea. Þar gerði ég smá innkaup í húsið ekkert mikið. En þaðan hélt ég í Góða hirðinn því þar hafði ég séð afar ódýra matardiska og mig vantar meira leirtau í Réttarholtið. Jæja, þetta verð nú ferð til fjár því að ekki aðeins fann ég diska heldur einnig bráðskemmtilegan spegil á þúsund kall og æðislegt eldhúsborð á 3000 kall !!!
Ansi gaman bara og er þetta allt úti í bíl á meðan ég er í kaffi með 2 skemmtilegum vinkonum sem að ég hitti því miður ekki oft þannig að gleðin er mikil.

Ég er svolítið óþolinmóð, víldi óska að ég væri kröftugri og hraðvirkari en ég er það ekki og verð að sætta mig við það og ég er bara eins og ég er eins og kvað hinn mæti frakki, Jacques Prevert. "Je suis comme je suis et je suis fait comme ca." (Ég er eins og ég er og ég er þannig gerð)
Nú er ég hjá Fanneyju og er búin að leika alls konar dýr, eins og nashyrning, krókódíl og ref með Gísla sem er alla daga að leika dýr og vill borða mann og er bara fyndinn. Þetta hefur verið góður dagur.

sambandsleysi við "umheiminn"

Ég trúi því varla að það sé komin heil vika síðan ég bloggaði !
En ég er ekki með netttengingu á Selfossi en er alvarlega að spá í það að fá mér slíkt sem fyrst þó svo að ég sé ekki alveg flutt því að ég nota það svo mikið !
Ég þarf því að setjast niður hjá systur minni að skrifa svolítið hér því að núna er ég hjá vinkonu.

ennþa miðvikudagur....

...og ennþá mikil blíða !
Ég skrapp hingað á Kaffi Krús eftir fund. Ég þurfti nauðsynlega að komast á netið og ekki var verra að fá sér gott latte.
Ég uppgötvaði að ég gleymdi kaffigræjunum í sveitinni og nenni því ekki að laga kaffi þegar ég kem í Réttarholtið. Reyndar er ég þar með espressokönnu þannig að ég er í raun í góðum málum.
Það er alveg hrikalega mikil braslykt hér !!! PUFF. Svo er hálfgerð saumaklúbbsstemning líka því að hér eru nær eingöngu konur.



Svo er ég hérna með einn skemmtilegan tölvubrandara fyrir konur og karla. Ég fann hann að tilviljun þegar ég var að leita að mynd fyrir frænku mína. Þetta gerist nú ekki á makka get ég sagt ykkur !
En að öðru ;

Já , núna er ég á Núpi
og syng svo glöð og kát
----------------
----------------

Það vantar enn botn á þetta vísubrot. Þetta var nú grín en samt mega alveg fleiri skilja eftir "comment" til mín. En c´est la vie. Tout va bien et le soleil brille !

Miðvikudagur

Já, ég var að uppgötva að það er miðvikudagur í dag. Ég var enn í þriðjudegi og varð bara hissa þegar ég gerði þessa uppgötvun ! Ein ferlega utan við sig. Veðrið er yndislegt og fátt annað um það að segja. Ég fer á Selfoss í kvöld á fund og svo veit ég ekki meir, ætli ég noti ekki ferðina til að klára svefnherbergið.
Ég birti hér stolna mynd af Wednesday Adams úr Adams fjölskyldunni í tilefni dagsins. Annars mun þetta vera lengsti dagur ársins.....

Endelig hjemme

Já , núna er ég á Núpi
og syng svo glöð og kát
........ og botnið svo !

Áskorun mín til ykkar í dag. Leynast hagmæltir lesendur þarna úti ? Ekki hún ég , það er víst.
Í gærkveldi fór ég út að borða með kvenfélagskonum í tilefni dagsins. Nú er ég hætt, sagði ég við Guðmund.
Svo þegar ég kom heim sagði ég, ég get ekki hætt ! Þær eru að fara til útlanda !!!
Í stað þess að puða og halda árshátið var ákveðið í samráði við kvenfélagið Fjallkonuna undir Austurfjöllunum, að fara að kanna með helgarferð til útlanda fyrir kvenfélagskonur....
Svona er maður nú merkilegur. En ég get nú alveg hætt í kvenfélaginu samt og farið líka í helgarferð.
ó það er farið aftru að rigna !

Sunnudagsruntur i Reykjavikinni

Jæja, nú situr maður hér með móður sinni og systur á Kópavogsbrautinni. Við mæðgur ætlum að skreppa saman í Ikea. Pabbi og Gísli eru úti að slá. Hann er alger afastrákur drengurinn, svo er hann gífurlega duglegur og virkur. Alltaf að og alltaf brosandi.
Það gekk ágætlega hjá mér að mála í gær, ég kláraði eina umferð á loft og veggi á hjónaherberginu. Hin herbergin og eldhúsið eru búin. Algert puð en ég heppin að hafa hann pabba, Guðmundur getur ekki svo mikið verið að mála eins og gefur að skilja.

Ískapurinn kominn inn i bil

Guðmundur er bara að skola af sér og ég nota tækifærið til að pára. Verð samt að vera snögg.
Núps drifið er ávallt á Guðmundi og þá er hann tilbúinn áður en maður er búinn að snúa sér í hálfan hring.
Einu sinni sagði kona við mig á námskeiði, Hey það vantar nú alveg hraðaelementið í þig.
Við vorum að mála og þessi góða kona kláraði mynd á einu kvöldi en ég var í margar vikur, og rúmlega það , að mála
kúlumyndina mína. Ég var að vanda mig og njóta þess sem að ég var að gera. Jæja, þetta á frekar við mig í dag.
Ég var mjög rösk hér áður fyrr en er farin að þurfa miklu meiri tíma í því að undirbúa mig, ég rýk ekki lengur af stað eins og fyrrum. Nú tala ég eins og gömul kona, he he. Ég var ansi rösk að ná í Kópavogsstrætó á Kópavogsbrautinni forðum daga.
Hann er tilbúinn. Bless í bili.

Heim að sækja karlinn

Jamm, ég er með blogg fráhvarf e. örfáa daga !
Vð pabbi höfum verið bærilega dugleg að mála og eru nú 2 herb og eldhús tilbúið. Það á aðeins eftir að skella loka umferðinni á veggina í kökkinu.
Við hefjumst svo handa á morgun við "the master bedroom" með Guðmund okkur til fulltyngis.
Við tökum líka ísskáp (ef hann passar inn í bílinn) og þá getur maður sagt að við séum fær í flestan sjó þarna í réttarholtinu.

Katrin hlustar a Nancy

Ég á einn disk með Nancy Sinatra og Systurdóttir mín er afar hrifin af þessari tónlist.
"Hún syngur nú ekkert sérstaklega vel, en tónlistin er ferlega skemmtileg."

Við erum að fara á Selfoss. Pabbi ætlar að koma í dag og vera í tvo daga að mála. Ég ætla að vera með honum þessa tvo daga og skila Katrínu, tímabundið. Ég fer með rúm með mér því að ég hef sofið illa þarna á ferðarúmi frá ömmu og afa. Það gengur bara ekki.

ó boy

Það er búið að mála heilt herbergi í Réttarholtinu, hvorki meira né minna.
Hjálparsveitin úr Kópavogi kom og hjálpaði mér, með Einar verkstjóra í broddi fylkingar.
Guðmundur komst ekki vegna þess að kýr í fjósinu var að bera og því þurfti hann að vera heima.
Ég gisti í nótt á Selfossi og Guðmundur og Katrín komu og sóttu mig í dag.

Laugardagur til lukku

Við erum væntanlega að fara að mála á morgun í Réttarholtinu. Loksnins eða þannig. Við verðum að taka þetta í skrefum, við getum bara verið í ca fimm tíma í hvert skipti, því að við verðum alltaf að vera komin heim fyrir klukkan sex eins og gefur að skilja. Ef að einhver vina okkar eða ættingja er iðjulaus þá er þeim hinum sama velkomið að koma og mála með okkur.
Aðrir málningardagar hafa ekki verið settir á kortið enda verður að taka einn dag í einu í búskapnum. Ég vei ekki með málningarpartý, það væri þá kannski þegar mála þarf húsið að utan því að það þarf að gerast hratt og örugglega, ikke oss ?
Svo er ég á báðum áttum hvort að frökenin verði hér áfram eftir reiðnámskeiðið. Hún þjáist af miklum mótþróa greyið, og vill alls ekki láta "skipa sér fyrir" eins og henni finnst að ég geri. Ég sendi hana heim ef að hún fer ekki eftir okkar reglum. Ég er búin að tala um það og ætla að standa við það.

Kunum hleypt ut i dag.

Í dag var dagurinn loksins kominn. Þetta er í síðasta skipti sem að þeim er hleypt út hér á Núpi.
Í síðasta skipti sem að þeim er hleypt út í fyrsta skipti.
Hjlómar þetta ekki sérkennilega !!
Það hefur verið einstaklega hlýtt í dag og við Katrín skárum niður rabbabarann og dreyfðum honum yfir beðin til að kæfa arfann. Síðan aðstoðuðum við Guðmund við að smíða og koma upp einu hliði.

Morgunkaffi i Kopavogi

Ég er í morgunkaffi hjá mömmu. Það er hrikalega kósý og veðrið er ljómandi gott. Það er svo fínt að dingla sér í sollinum. Ég er að fara að útrétta og vesenast.

Í eldhusinu hja systur minni.

Ég er komin í sollinn til að fjárfesta í málningu. Við ætlum að byrja að mála um næstu helgi.
Við systur sitjum hér við eldhúsborðið í sitthvorri tölvunni og leitum að bíl handa henni og familíunni.
Bíll sem má helst ekki kosta neitt !!!

Andvaka

Þriðjudagsmorgunn

Það er ekki alveg hætt að rigna hér. Í morgun hélt ég að það yrði sól og gott í dag. Sólin skein glatt og það var enn þurrt og hlýtt þegar ég lagði af stað með Katrínu í Skálakot rétt um kl. 9.
Útlitið er samt nokkuð gott og mikið hefur grænkað hjá okkur ! Það er alveg dásamlegt hreint.
Hér var gestkvæmt í gær. Óli og Sigurlaug komu, og svo e. hádegi Úlfar frændi Guðmundar og kona hans með yngri dótturina. Sannkölluð gestahelgi hjá okkur og greinilegt að sumarið er komið.
Ég hef verið hálf löt eða vanvirk um helgina en er þó farin að elda mat handa heimilisfólki. Það er þó meira stuð í mér í dag því að stundum verð ég orkurík á því að gera ekkert í smá tíma. Það safnast upp orkan.

Sunnudagur - seinni hluti

Þá er frökenin og bóndinn komin út í fjós. Þá er þetta eins og það á að vera.

Það var mikill gestagangur á Selfossi hjá okkur en við náðum samt að dúllast eitthvað og Guðmundur sló garðinn. Þetta gengur hægt en það er nú bara allt í lagi.

Sunnudagur til sælu

Jæja, nú er að deyja eða drepast , eins og Geirharður Markgreifi sagði um árið.
Ég var að lesa blogg Eymundar, vinar okkar, og hann skrifar á hverjum degi heilmikla lýsingu á deginum.
Hann vinnur 20 sinnum meira en ég en gefur sér samt tíma. Þegar hann sefur út þá fer hann á fætur kl. 9 !
Fyrirmyndar piltur í alla staði. Við erum á sitt hvorum endanum í virkni, hann ofvirkur og ég vanvirk !
Hvað um það. Við Guðmundur erum að útbúa okkur til ferðar á Selfoss. Þar ætlum við að vera í dag og halda áfram með að undirbúa undir málningu. Við erum ekki búin að kaupa malningu enn, erum að bíða eftir einu tilboði. Þetta kemur allt með kalda vatninu, myndi mamma segja. Ég held að það sé siglfirskt máltæki.
Foreldrar mínir, systir og hennar börn eru í húsbílaferðalagi á Suðurlandi og ætlum við að skiptast á einu barni í dag. Katrín Björg byrjar á reiðnámskeiði í Skálakoti á þriðjudaginn. Þetta er þriðja árið í röð sem að hún fer á reiðnámskeið hér í sveit. Hún vill alls ekki missa af þessu og hefði viljað koma hingað í gær hefði hún fengið að ráða. Gott er að maður þurfi ekki að pína börnin til sín !
Stúlkan hefur þroskast mikið í vetur og það er mjög gaman að hafa hana og er ég virkari manneskja þegar hún er á svæðinu. Við getum gert heilmikið saman og hún er afar dugleg þrátt fyrir ungan aldur og annað.
Ég hef lært svo mikið af henni að það hálfa væri nóg og hefur það nýst mér mjög mikið í kennslunni.

Best er að drífa sig, gott fólk, ég bý með svo röskum manni að hann gæti verið tilbúinn á punktinum til að fara. He he. Alle ha mieux bien day heute !
(!)

Sumarfrí í dag

Ungfrú Gilitrutt , eða hvað ?

Er ég ekki fögur og fín ?
Svona er þetta þegar maður er á leið í sumarfrí. Á morgun gerist það. Eftir skólaslitin er stemmningin afslöppuð og þægileg. Ég er búin að henda alveg gífurlegu magni af pappír að það hálfa væri nóg. Ég ætla að fara með þetta prívat og persónulega í endurvinnsluna.