Eg ma vera pirruð

Já, það er í lagi.
Ég má það alveg án þess að fá samviskubit.
Núna sit ég og horfi á þátt Jóns Ólafssonar í fyrsta skipti.
Mér finnst afskaplega gaman að sjá klipp frá svarthvítum dögum RÚV. Það rifjar ýmislegt upp úr æsku minni.
Það eina sem vantaði í þáttinn um barnaefni RÚV voru Sigga og Skessan sem að ég var afar hrifin af á árum áður.
Talandi um rúv þá er fyrsta sjónvarpsminning mín tengd Vestmannaeyjargosinu 1973. Þá var ég fimm ára og hafði eignast um jólin afar flottan dúkkuvagna sem kom sko frá "úttlöndum". Móðurbróðir minn var í siglingum á þeim tíma og þetta var ein dásemd að eignast þennan vagn. Hvað um það. Þarna í fréttunum var verið að sýna þegar að eigur eyjamanna voru hífðar í báta og úr bátum og viti menn. Í fréttatíma sá ég MINN vagn svífa um í loftinu við bryggjuna í rvík eða annars staðar.
Hjá mér var allt svo einstakt, ég hélt í alvurinna að bara ég ætti svona flott !!!
Ég var naif þá og er það enn !!!

Heima er bezt..

... með Guðmundi.

Ég kom heim f. ca klukkutíma síðan af vel heppnuðu kennaraþingi tli að taka á móti
Guðmundi hér á Selfossi. Hann verður ekki lengi því að það eru leitir fyrir austan á morgun. Ég fer ekki, ég ætla að vera hér í þagnarbindindi ef ég get.
Ég hef sjaldan verið eins illa haldin af hálsbólgu og núna. Það verkjar út í eyru og það er ekki gott að tala eða kingja. Ég hef drukkið mikið magn af tei og í kvöld ætla ég að búa til gulrótarsafa og trúa því að c vítamín í miklu magni, virki vel. Ég á gommu af lífr.ræktuðum gulrótum ofl þannig að ég hlýt að fá mikið C í plús.

Heima er bezt..

... með Guðmundi.

Ég kom heim f. ca klukkutíma síðan af vel heppnuðu kennaraþingi tli að taka á móti
Guðmundi hér á Selfossi. Hann verður ekki lengi því að það eru leitir fyrir austan á morgun. Ég fer ekki, ég ætla að vera hér í þagnarbindindi ef ég get.
Ég hef sjaldan verið eins illa haldin af hálsbólgu og núna. Það verkjar út í eyru og það er ekki gott að tala eða kingja. Ég hef drukkið mikið magn af tei og í kvöld ætla ég að búa til gulrótarsafa og trúa því að c vítamín í miklu magni, virki vel. Ég á gommu af lífr.ræktuðum gulrótum ofl þannig að ég hlýt að fá mikið C í plús.

Hostasaft og hallæri

Það væri gott að vera í vinnu núna þar sem að maður þyrfti ekki að nota röddina.
Ég er ekki veik en ansi slöpp og með hálsbólgu. Ég fór því í ríkið hér á Selfossi áðan og keypti mér "hóstasaft". Ég vildi að ég gæti sleppt fundi í kvöld en það yrði mér ekki til hagsbóta svo að þangað til læt ég fara lítið fyrir mér.

Á morgun verður svo farið á haustþing sunnlenskra kennara á Flúðum og komið aftur á föstudaginn. Þangað til næst hafið það gott.

Bollar og usb stykki..

Er hann ekki æðislegur ?



Svo rakst ég líka á alveg afskaplega áhugaverðar útgáfur af usb lyklum. Ég myndi ekki velja puttann.....

Á siðustu öld

... fæddist ég. Þetta vita margir enda ekki erfitt að reikna.

Hvaða bull er þetta annars í konunni ?
Málið er bara þannig að ég er eitthvað slöpp til heilans vegna kvefs.

Romantiskur kvöldverður

Hér var gestkvæmt í dag. Foreldrar mínir komu, móðurbróðir minn og nafna mín Tryggvadóttir, starfsystir mín úr Hvolsskóla.

Síðan fórum við Guðmundur á Kaffi Krús þar sem að hann bauð mér upp á kvöldverð. Afskaplega góður matur þar. Núna höfum við það gott og súpum á ilmandi góðu kaffi.

Banaslys á Suðurlandsvegi

Það fór ekki á milli mála í gærkveldi að eitthvað mikið hafði gerst , ég heyrði í sírenunum láta verulega illa og ég vonaði að það væri ekki slæmt slys. Því miður var það ekki svo. Hestamaður varð fyrir ungum ökumanni. Ungi maðurinn er á sjúkrahúsi en hestamaðurinn lést.

Þetta er svo nálægt mér og mér er ekki alveg sama um Guðmund sem er nú á leiðinni hingað til mín. Ég veit að hann fer varlega svo að ég hef ekki miklar áhyggjur enda hjálpa þær manni ekki neitt, nema síður sé.

Mín skoðun á þessum umferðarmálum er sú að hér sé um þjóðfélagsmein að ræða og að þetta sýni bara hvað við Íslendingar eigum allmennt í vanda með lög og reglur og að taka tillit til annara en okkar sjálfra. Við erum afskaplega miklir egóistar og erum að ala upp þannig fólk. Auðvitað alhæfi ég en svona sé ég þetta, við erum kóngar í ríki okkar og þar með á vegunum.

Ég lendi oft í því að ekið sé framúr mér á beinni línu. Meirað segja TVÖFALDRI BEINNI LÍNU (í beygjunni neðst í Kömbunum.) Oft er ég á löglegum hraða en oftar ekki aðeins meira en það. Ég er samt ekki að KEYRA NÓGU HRATT !!! Ég hef lent í því að menn með aftanívagna, fellihýsi og hestakerrrur þurfa líka að keyra hraðar en ég. Samt mega þessir ökumenn ekki keyra hraðar en 80. Samt keyri ég frekar greitt og ég fer oft yfir hámarkshraða. Samt sjaldnar og sjaldnar, sem betur fer. Í Kömbunum er hámarkshraði 60 - 70 km/klst. Samt keyri ég á 80 eða þar um bil. Og aðrir miklu hraðar en það. Ég skil það nú bara ekki. Á vetrum keyri ég miklu hægar og þeir þurfa að fara fram úr mér á hálkunni og allt !

Fullt af ökumönnum er ok og þeim má alveg fjölga....

Sunnudagur

Ég átti mjög góðan dag í gær með félögum í rvíkinni. Mér finnst það enn hafa verið í dag en þar sem klukkan er á leiðinni að verða hálftvö þá er það víst rétt að segja í gær.

Ég frétti það hjá augnlækni í gær að ég væri að eldast... hafði bara ekkert tekið eftir því og skellti skuldinni af daprari sjón á allt annað !!! Ég fékk resept fyrir nýju gleri .....

Rokkanova að klarast

Finnst ykkur ekkert skrýtið hvernig þessi Dave Navarro talar. Alveg sama hvort hann sé að tala við karl eða konu.
Þá er það alltaf, "Hey babe" eða "baby" ?

Skrýtið finnst mér.

Það verður annað hvort Dilana eða Lucas. Kannski vegna lúkksins en Toby er líka ágætur. Annars er þetta ekki eitthvað sem að skiptir máli og ég ætlaði ekkert að vaka yfir þessu !!!

Ég er ekki að kenna í fyrstu tveimur tímunum á morgun.

Thesaurus

babe noun 1 literary : a babe in arms. See baby noun sense 1 .

2 informal : what a babe! beauty; informal hottie, looker, bombshell, heartthrob, knockout, fox, (piece of) arm candy, eye-catcher, dish, boy toy, hunk.

6 - 7

Det er en lude. Ég er að horfa á fólk sem er að borða. Mér finnst það ekki gaman, þó svo það sé í sjónvarpinu.
Hins vegar er þetta ekki það mikilvægasta við daginn.

Dagurinn var mjög góður og skemmtilegur í vinnunni.
Lukka og Guðmundur fóru heim í morgun. Guðmundur heldur að hann verði búinn með fjárhúsið um mánaðarmótin.
Það er því spennandi að bíða eftir mánaðarmótunum.

Rokkstar æði á Selfossi

Rockstar verður í beinni í Selfossbíói í kvöld og annað kvöld. Maður getur tekið ferðatölvuna með sér og kosið á netinu OG sent sms. Ja, hérna hér, ég mun ekki nenna.
Mér finnst að hann eigi að detta út í kvöld. Sorrý, þetta finnst mér bara.



Þessi mynd er eftir nemanda, gerð í tíma í dag.

Óvænt gleði

Ég er mjög þakklát.
Ég fékk óvæntan gest.
Þegar Guðmundur kom í kvöld heyrði ég kunnuglegt tipl á parketinu og ég stökk upp úr sófanum af gleði.
Hver var þarna komin önnur en hún LUKKA mín !
Þvílík gleði og ánægja yfir endurfundunum. Hún fékk kembingu og hjólreiðaferð með mér út á Esso stöð. Hún hlóp á undan mér hún er svo rösk.
Ég þurfti að kaupa mjólk handa GR og taB handa mér. Ég á bara soyjamjólk á heimilinu vegna þess að ég er að reyna að minnka kvef og mjólkin er svo slímmyndandi.

Jæja, vildi bara deila þessari gleði minni. Go nat.

P:s. Lukka liggur á nýja bælinu sínu sem ég útbjó handa henni í snatri.

Nogle minutter senere . . . . . . . .

ha ha, það geggjað að vera á netinu í sinni eigin tölvu á MAKKA. Ekki það að pc dugi mér ekki vel í vinnunni en þetta umhverfi er meira svona "heima" fyrir mig.
Þetta gekk fljótt fyrir sig enda gerir það það þegar maður fær sérfræðing heim sem reddar þessu. Jeg elsker min talve þó að hún sé í hálfgerðu lamasessi....
ég þarf að skutla henni í umboðið fljótlega...

Jæja, sólin skín hér á Selfossi sem aldrei fyrr og þurrkar upp rokið og rigningu gærdagsins.

Ég var að uppgötva nýja tónlist í gær. Það er vegna þess að ég fór að horfa á óstöðvandi tónlist á skjá einum, enginn skjar í sveitinni sko. Jæja, svo kom í ljós að þessi gæji, Bill Callahan, sem er hljómsveitin Smog, er búinn að vera hér á landi og spila í Fríkirkjunni minni !!! Að ég skildi ekki vera búin að uppgötva hann fyrr.
Bömmerinn er að þessi skífa er ekki til hér á Selfossi og því kemst ég ekki til að kaupa diskinn í dag. Þetta var svona ást við fyrstu sýn og þá verður maður að fá diskinn STRAX Í DAG. Ég verð að athuga 12 tóna....

mandag með mere

Ég er nýkomin úr síðbúnum hádegismat.
Hringir ekki adsl manden og ég verð að rjúka strax aftur heim... !!!
Ég tek með mér vinnu heim til að þurfa ekki að koma aftur.
En ég slepp kannski ekki... nú það er ekki langt að fara og ég á eftri að hjóla í dag......

Gemsinn ?

Já, hvar er hann ?
Ég hélt að ég hefði skilið hann eftir í húsi í gær og leitaði því ekki vel heima.
Fór í húsið í morgun en enginn sími. Þetta er skýringin á því að ég svara ekki í símann í augnablikinu !!!

Ég er að fara að sækja bílinn í viðgerð yfir á. Hann hefur verið á verkstæði síðan á mánudag. Hann þjáðist af gangtruflunum og er víst búið að bæta úr því núna. Eins gott því að ég er að fara á 2 daga námskeið í Rvík á morgun og á að vera mætt klukkan þrjú.

Afreksdagur

Afrekið sem umræðir, ef afrek skyldi kalla, mun vera sú staðreynd að ég fór á fætur rúmlega sex í morgun til að vera mætt í sundleikfimi korter í sjö. Þetta var fyrsti tíminn og þetta hafðist vegna þess að Guðmundur er á Selfossi og hann er morgunhress og var vaknaður á undan vekjaraklukkunni. Ég veit ekki hvort að ég hefði haft þetta af án hans. Mér fannst ég ekki vera vöknuð fyrr en eftir að tíminn var búinn !

Þetta var mjög gott en ég á eftir að sjá hvað ég held þetta lengi út. Að vakna þetta snemma tvo morgna í viku er óvíst. Ef að Guðmundur er heima þá getur þetta gengið. Hann rekur mig nefnilega snemma í rúmið á kvöldin líka. Ég er svolítið fyrir það að vaka eins og sumir þekkja enda er ég sannkölluð B ef ekki C manneskja. En þjóðfélagið starfar eftir A fyrirkomulaginu að mestu leyti og því þarf maður að fylgja.

mánudagur með smá vætu

...en það gerir nú lítið til.

Við Guðmundur fórum lengri leiðina á Selfoss í gær. Við komum nefnilega við í Þykkvabæ. Þangað hef ég aldrei komið enda er þetta svo agalega langt frá þjóðvegi eitt eða þannig. Við heimsóttum bróður hans Einar, og Dagrúnu sem þar býr og ætlar að koma upp mótorhjólasafni. Þetta lítur mjög vel og efnilega út. Ég tók slatta af myndum en þær eru auðvitað í vélinni hans Guðmundar sem hann sleppir ekki svo auðveldlega takinu af. Ég get því ekki deilt þeim með ykkur í þetta skiptið.

GR fór í morgun, hann kom bara til að fá kerru og jarðvegsþjöppu en því ætlar hann að skila aftur á morgun og útrétta hér í leiðinni. Hann er ofsalega duglegur að vinna í fjárhúsinu og heldur allri sinni rútínu þótt ekki séu lengur kýrnar. Ein brauðsneið klukkan áttta og svo hafragrautur kl tíu. Eða alveg eins og fyrir og eftir mjaltir hjá honum. Hann er mjög skynsamur í þessu.

20 stiga hiti a Nupi

Hér er alveg ótrúlegt veður miðað við að það sé kominn september ! Reyndar var 17 st hiti á Selfossi þegar ég fór þaðan í gær enda var ég að kafna eftir að hafa hjólað heim úr vinnunni.

Kýrnar voru farnar þegar ég kom heim í gær enda kominn "mjaltatími". Ég færði GR blóm og eldaði steik handa okkur í tilefni dagsins. Hann er ánægður og okkur lliður vel. Hér er rólegra bara af því að maður veit að það er ekkert fjósafjör. Guðmundur hamast að klára fjárhúsið og vinnur eins og berserkur í því.

Við eigum von á Fanneyju og krökkunum og ég ætla að bjóða þeim upp á vöfflur með kaffinu i tilefni breyttra tíma hjá okkur.

Alveg er það magnað að það skuli vera tuttugu stiga hiti í dag !!!

Myndin hér fyrir neðan var tekin þ. 23. júlí í sumar en þá var einnig alger steik !

Hjólreiðakonan Margrét

Nú er maður farinn að hjóla. Það er bara miklu skemmtilegra en að vera á bíl. Ég er aðeins fimm mínútur á leiðinni. Svo á heimlieiðinni þá kem ég við hér og þar og versla og útrétta.

Nú er ég að láta reyna á minni mitt því að ég er að fá bekki sem að ég hitti í síðustu viku. Það gengur nokkuð vel að muna nöfnin en ég er ekki viss um að ég myndi þau eins vel ef ég hitti þau ein og sér úti á götu. Þetta tekur smá tíma en afskaplega mikilvægt að læra nöfnin vel og eins fljótt og hægt er.

Guðmundur minn á bara eftir einar morgunmjaltir og tvær kvöldmjaltir. Ég misskildi hann nú og ætlaði að ná þeim síðustu en þær verða í fyrramálið og þá er ég að kenna. Ég ætla hins vegar að bruna austur á leið eftir vinnu. Það er nóg að gera í sveitinni og Guðmundur er búinn að vinna eins og berserkur við að standsetja fjárhúsin fyrir Geymsluna.
Svo þarf að þrífa og hann þarf að pakka niður. Annars þá flytur hann ekki fyrr en að hann verður búinn með fjárhúsið.
Þá ætlar hann að taka sér vikufrí !

Le blogg

Tout va bien. Allt gengur vel.

Um helgina fékk ég heimsókn og fór svo í bæinn í gær. Ég leit til
Önnu frænku með Fanneyju.

Ég fer helst ekki heim í sveitina vegna þess að þá sakna ég svo Guðmundar og Lukku. Það er betra að hitta þau sem minnst. Annars þjáist ég bara ! Ég hlakka mikið til að fá þau hingað. Jakki kemur ekki en hann hefur víst ekki látið sjá sig heillengi ! Kannski er hann farinn að heiman ?

En ég ætla ekki að missa af síðustu mjöltunum svo að ég bruna austur um leið og ég er laus á föstudaginn. Ég leyfi sennilega systurdóttur minni að koma með. Hún er nú aðal kúarektorinn og hún vill ekki missa af þessu heldur.

Mambo italiano á finnsku er mjög flott

Músík og mas á Ruv í dag. Tómas R. spilar fyrir okkur afar skemmtilega tónlist.

Það er frábært að geta hlustað á netútvarp. Ég hlusta á Laufskálann eftir kennslu og svo líka stundum Samfélagið í nærmynd. Þetta eru góðir þættir sem maður þarf ekki að missa af. Nú hlustar maður þegar manni hentar.

Nú er ég búin að kenna hér í 3 daga og mér líst vel á nemendurna. Það er ólíkt sem að ég er að gera núna miðað við starfið í Hvolsskóla. Algerlega ólíkt. Þó svo að ég sakni pínu unglinganna þá er ég mjög ánægð með bíttin. Í það minnsta enn sem komið er

Kennsla í dag

Já, þá er það nú frá. 'Eg hef hitt þrjá hópa úr þremur bekkjum í dag. Það gekk allt vel en það er gott að fyrsti dagurinn er frá. Það er strax ágætis jarðtenging fyrir mann þegar að allir eru nýjir fyrir manni.
´
Ég talaði við Guðmund í morgun og hann talaði um að 1. september myndi hann sennilega mjólka í síðasta sinn. Það er þó ekki naglfast, hann á eftir að ráðgast við hinn bóndann.

Góður sófi !!!

Syfja

Já, það hrjáir mig syfja en það mun lagast.
Ég vinn og hef gaman af. Það vantar nemendurna en kennsla byrjar hjá mér á þriðjudaginn. Trúlega hitti ég þó einhverja krakka hér á mánudaginn.

Ég hef ekkert heyrt frá rafvirkjafyrirtækinu sem ætlaði að skipta úr T i s i n o leiðinda systeminu fyrir okkur. Ég hef oft hringt og í dag semdi ég tölvupóst sem að ég hef ekki fengið svar við enn !!

barefoot in tokyo

Skoðið þetta, þið sem hafið áhuga á skóm og þannig:

Föstudagur

Fimmtudagur

"The aim of education should be to teach us rather how to think, than what to think - rather to improve our minds, so as to enable us to think for ourselves, than to load the memory with thoughts of other men." - Bill Beattie

Nýliði í Vallaskóla

Jæja, þá er maður kominn á kaf í kennslupælingar. Bara svona eins og ekkert sé !
Hausinn kominn á flug. Það var ekki fyrr en eftir hádegi í dag sem að ég sá stofuna sem ég á að kenna í , í fyrsta skipti. Þetta er Annex eða útistofa fyrir utan gamla Sandvíkurskólann á Selfossi. Ég er við hliðina á Sundlauginni. Ég er mj-g ánægð með stofuna og skipulagið í henni. Síðasti kennari hefur gengið mjög vel frá en ég á vafalaust eftir að fylla hér allt af ýmis konar "drasli".

í morgunkaffi hja mömmu

Namskeið i samtimamyndlist

Ungfru Internet

Það gengur brösulega hjá mér í netmálum , verulega. Ég hef ekki tekið mér bloggfrí eins og svo margir gera en mér gengur ekkert að koma mér á netið þó svo að tengingin sé komin. Ég þarf víst að fá hjálp því að tölvunördinn í mér er bara ekki til staðar. Hann er í lægð og svo er talvan mín í uppreisn líka og ekki bætir það ástandið hjá mér. Það kæfir alveg nördinn niður. En það er farið að segja til sín að vera netlaus og það er verra en að vera sjónvarpslaus, miklu verra !

Ég fæ einhvern í málið eftir helgi og læt gera fyrir mig í stað þess að reyna sjálf og vera frústreruð yfir því.

Hiti, hiti og kongulær

Það er bara næstum því óbærilega heitt hér á Núpi !!! Þvílíkt og annað eins !
Katrín stendur sig alveg svakalega sem kúarektor og fjósakona. Hún er að fara á hestbak á eftir en ég er að fara á Selfoss með viðkomu við Gíslholtsvatn þar sem að Inga frænka og Óli eiga bústað.

Ég er að byrja á námskeiði á morgun í Sunnulækjarskóla á Selfossi.
Svo er annað sem að byrjar á föstudaginn. SVo það þriðja þann fimmtánda.

Málþing / námskeið:

Fjölbreyttir kennsluhættir - einstaklingsmiðað nám

Málþing / námskeið í Sunnulækjarskóla 10.-11. ágúst 2006

Næsta námsekið byrjar þegar hitt er ekki alveg búið.

Dagskráin
Föstudagur 11. ágúst kl 15:00 - 19:00 Ilmur M. Stefánsdóttir
Laugardagur 12. ágúst kl. 8:30 - 12:30 Hildur Bjarnadóttir
kl. 13:00 - 17:00 Þorvaldur Þorsteinsson
Föstudagur 8. sept kl. 15:00 - 19:00 Rósa Sigrún Jónsdóttir
Laugardagur 9. sept kl. 8:30 - 12:30 Arna Valsdóttir
kl. 13:00 - 15:00 samantekt – pallborðsumræður
kl. 16:00 - heimsókn á Safnið við Laugarveg
kl. 17:00 - námskeiðslok

Virkjum heilabuið - Reisum heil ver

Netfri

Ég er búinað vera netlaus og heldur ekki í neinu netstuði, þannig lagað.
Ég er núna hjá Fanneyju. Ég er hins vegar búin að fá mér adsl í Réttarholtið en á eftir að græja það. Ég er komin með heimasíma og allt. Þið bara sendið mér smess eða flettið mér upp hjá Já. Svo er nú ekki verra að fá fólk í kaffi.
Fanney droppaði í kvöldkaffi í vikunni, það var alveg hrikalega kósý.
Ég er aðallega í bílskúrnum að mála hann. Ég leyfi svona hreiðurgerðarfílíngnum bara að saltast. Að vísu þá hengdi ég upp tvö málverk í dag en annað er of hátt uppi og þarf að færa.

Markmiðið með pokavogsheimsókninni var að fara í skápaþrif hér í Skólagerði á morgun. Svo hafði ég hugsað mér að heimsækja Guðmund og Lukku á sunnudaginn.

Næsta fimmtudag byrja ég á námskeið og á öðru á föstudeginum. Þrír dagar á námsskeiði og svo annað námskeið 15. og þá byrja ég í Vallaskóla.
Guðmundur er nú orðinn einn á bænum. Drengirnir fóru síðasta miðvikudag.
Mig langar mikið til að hafa Lukku þangað til að skólinn byrjar en henni finnst svo gaman að rekar kýr að ég er ekki alveg viss.

Það gengur vel hjá Guðmundi að hreinsa út úr fjárhúsunum. Hann er núna með smágröfu og er víst að grafa. Við höfum ekkert auglýst hjólhýsa- og fellihýsageymslu Guðmundar og Gilitruttar en þið megið láta það ganga að Guðmundur geymi slíka gripi. Hann er nú þegar búinn að lofa að geyma nokkur landbúnaðartæki og tvo húsbíla.

Myndir ur bruðkaupsafmælinu

Mjaltafri

" það er fiskur í matinn, ligga lei -i "

Gísli syngur og hoppar og skoppar og æpir og skrækir. Svo eru það miklar leikfimisæfingar sem að hann þarf að sýna mér.
Hann er mikill íþróttamaður og hoppar og skoppar og gerir magaæfingar.
Já, hann er alveg ótrúlegur.

Guðmundur er í mjaltafríi í kvöld og fyrramálið. Við höfum verið í búðum hér á stór pokavogssvæðinu.
Við ætluðum að kaupa okkur eldhússtóla en ekkert varð af kaupunum. Við náðum hins vegar að ná okkur í fína ryksugu í Elko.
Núna erum við hjá Fanneyju. Hún ætlar að elda ofan í okkur.

Svo förum við á Selfoss og sofum þar. Við ætlum að setja upp gardínur og ýmislegt smálegt dútl sem að þarf að gera. Ég get sennilega ekki byrjað á bíslkúrnum fyrr en á þriðjudag. En ég ætla að vera með bækistöðvar á Selfossi frá og með mánudagskveldinu. Um helgar get ég farið til Guðmundar í sveitina.
Það gekk stórkostlega vel með flutningana og nú eru eiginlega öll húsgögnin í stofunni, nema rúmið er komið á sinn stað.

Fanney a afmæli i dag

Nu eru leggir Gilitruttar þreyttir. Ég hef verið að hamast við að pakka með aðstoð auðvitað Guðmundar og Stefnis.
Ekki mikið dót. Þetta verða aðallega mublur sem að við flytjum í dag. Ég pakkaði aðallega dóti í búðinni sem á að fara í bílskúrinn á Selfossi í nýju vinnustofuna.

Með hálp mágs míns, Eggerts, tókst að klára stofuna, forstofuna og gesta wc. Ég byrjaði á þvottahúsinu en ætla ekki að klára það strax. Þvottavélin kemur seinna og því liggur minna á. En það liggur á bíslkúrnum og ég ætla að byrja á honum á sunnudaginn, ef Guð lofar.

Pabbi var að hringja (18:15) og er staddur á Selfossi ásamt Ásgeiri (bróður mömmu). Hann er á flutningabíl og flytur fyrir okkur. Ég fæ í staðinn að geyma nýja húsbílinn hans hér í nýju tjald- og fellihýsageymslu Guðmundar.

Þetta er allt agalega spennandi.

Það blæs vel og hressilega hér á Núpi. Bara hressandi.

Svo er það : TIL HAMINGJU MEÐ AFMÆLIÐ Í DAG , FANNEY MÍN
OG..... til hamingju með afmælið, Ragnheiður Hrefna !
og ..... til hamingju með afmælið , Óli frændi.........

Allt er fertugum fært

Ég segi bata: brúðkaupsafmælið var frábært og tókst hrikalega vel.
Veðrið var geggjað og ég er með fullt af myndum sem bíða e þvi að komast hingað á bloggið.
Her er ég ein núna. GR og Stefnir foru á Hellu að sækja þvottavélina. Styrmir fór í bæinn í gær með Fanneyju og kó.
Katrín fór í morgun með mömmu og pabba. Hún ætlar , seinna í vikunni, að fara í húsbílaferðalag með þeim.

Áætlað er að flytja húsgögn héðan á Selfoss á fimmtudagskvöldið. SVo er eg að fara þangað í dag að mála. Mágur minn, Eggert, ætlar svo að koma á morgun og hjálpa mér. Það er mikið í gangi hér.

Laugardagur og Lukka Liggur uti her

Bambala bó, ein var hér og hló.

Leirburður í tilefni dagsins.
Á morgun er 40 ára brúðkaupsafmæli mömmu og pabba.
Í kvöld verður farið út að borða hér í sveitinni og á morgun er brullups bröns.
Von er á þeim og Asgeiri og kó á húsbílunum á eftir.

Sólrún og Dóri komu við á austurleið og báru mér þær fregnir að fæðst hefði frændi þ. 4. júlí.
Hann er Hauksson og ég leyfi mér hér með að kalla hann Fannar þar sem að hann fæddist á´afmælisdegi
Fanneyjar ömmmu.

Solardagur i sælurikinu

Haustmánuður byjrar í dag samkvæmt almanakinu ,

hér er ekki haustlegt heldur sumarlegt. Í dag langar engum til að hugsa um haustið.

Þessa vikur hefur verið sett heimsóknarmet á Núpi eitt. Í gær fengum
við fulla rútu af erlendum ferðamönnum í kaffi til okkar. Reyndar voru þeir bara tíu. Það var david sam, frændi Stefnis og Simma, sem kom hér í hlað með ferðamenn í eldri kantinum , flesta danska. Þrír voru kanadískir og ein norsk.
Þau voru himinlifandi yfir því að fá að koma inn í kaffi á íslenskt heimili og það var gaman að fá þau.

Þvottavélamálin tóku óvænta stefnu í gærkveldi þegar ég var að setja í vél fyrir nóttina. Ég ráðgerði mikla þvotta í dag á rúmfötum. Og nú er sko þurrkurinn til þess.
Nei, lokið á velinni datt af. Það hefur reyndar gerst áður og okkur tekist að skella því á aftur en í morgun þegar GR fór að hyggja að þessu, þá vill lokið ekki lokast og nú er hann að skella vélinni í bílinn til þess að keyra henni á Hellu til rafvirkja !!
Grautfúlt að standa í svona þegar þurrkurinn er í hámarki en maður verður víst að bíta á jaxlinn og vera þolinmóður. Þvottavélin í mjólkurhúsinu er lengi búin að vera í ólagi og gr ætlar að kippa henni með líka.

Það verður áfram gestagangur og barnafjöld hér á bæ. Um helgina koma bræðrasynir GR, Hrannar og Daði. Síðan stendur mikið til í fjölskyldunni vegna 40 ára brúðkaupsafmælis mömmu og pabba sem verður á sunnudaginn. Þau bjóða börnum og mökum út að borða á Hótel Eddu og svo verður brönsj í þeirra boði hér a sunnudaginn ! Miikið stuð og fjör. Hér verða 2 húsbílar og eitt safari tjald. Myndir af því seinna. Pabbi á nýja myndavél og ég get tekið myndir á hana.
Meira seinna.

VEÐRIÐ ER GEGGJAÐ

Syfjuð eyfellsk ros.....

Ég er búin að vera á netinu að leita að myndum af rósum. Kolfinna á Nýjabæ, er að fá nýtt herbergi og vill fá rósir málaðar a vegg og loft hjá sér. Það er endalaust til af myndum á netinu af fallegum rósum.
Uppáhalds liturinn hennar af rósum er blár. Þær eru líka alveg dásamleguar, bláu rósirnar.

Það er sól og sumar undir Eyjafjöllum í dag , þó ekki nema 16 gráður. Vindurinn sem kemur inn í hús er kaldur.

La nuit de Laxness

Einginn karlmaður veit hvað kvenmaður veit og það mun ekki vitnast fyren fæðast samvaxnir tvíburar, kallbarn og kvenbarn í einum kroppi.

Paradísarheimt HKL

Í okkar samfélagi er ekki til nema einn glæpur verulega hættulegur ... og það er að vera ofanúr sveit.
-Atómstöðin, 26. kafli. Organistinn.

Annriki

Gestir, barnastúss og margt margt fleira.
Guðmundur og ég borðuðum fyrstu kvöldmáltíðina saman á Selfossi í gær.
Anna, mor til Stefnir og Styrmir, mjólkaði í gær.
Við máluðum og versluðum.

Hér var Gísli , 3 ára, um helgina og auðvitað Katrín. Systir mín fékk barnafrí.
Það gekk frábærlega vel.
Það var ættarmót hjá Guðmundarætt, systikina pabba hans. Hér komu því tugir á sunnudaginn og nokkuð margir þeirra komu hér inn í hús að skoða og sumir fengu kaffi.
Og ég má ekki vera að því að skrifa.........

Rigning og ryksugun

When silly you should stop

Kaffi Krus

Hér situr maður nú og surfar á netinu með latte á borðinu.
Strákarnir eru komnir í Selfossbíó og fundurinn minn byrjar ekki fyrr en kl. átta.
Við fórum í Bónus. Þeim finnst gaman að svona innkaupaferðum, hvort sem að þið trúið því eður ei.
Svo fengum við okkur pölser í Réttarholtinu. Þessir strákar eru mjög hrifnir af íslenskum (SS) pylsum en eru lítt hrifnir af þeim dönsku.

Við Guðmundur fórum að heimsækja Siggu P og Guðjón á Skógum í gærkveldi. Það var gaman eins og alltaf.
Þau eru með sumardvöl fyrir einstaklinga með ýmis konar fötlun og þroskahömlun. Þau gera það mjög vel og allir eru ánægðir hjá þeim. Ég þekkti 3 þar. Einn sem var á Kópavogshæli í gamla daga og ég hef hitt áður hjá Siggu. Það var hann Höskulur sem sýndi mér mikla gestrisni og sá til þess að Sigga færði mér hvern kaffibollann á fætur öðrum. Svo voru það Lína og Árni frá Sólheimum. Það voru alls níu manns. Sigga er með heitan pott og alles. Þetta er alger sumarparadís.

Ég býst við því að vera hér aftur á morgun., þó mig langi mest til að vera heima í sveitinni þar sem að fjörið er. Ég var að hugsa um að nota fimmtudag og föstudag í málningarvinnu þar sem að systkinin Gísli og Katrín Björg koma á föstudaginn. Gísli ætlar að vera fram yfir helgi. Ég fer sjálf með hann í bæinn þar sem að mér er boðið í afmæli tl vinkonu minnar, Kristínar Bjargar. Það ætti því að verða mikið stuð hjá okkur um helgina.

Heitur sumardagur

Geggjað veður í dag hér undir fjöllunum. Ég hef samt haldið mig við inniverkin að nokkru. Þar er að mörgu að hyggja þar sem nú stendur yfir undirbúningsvinna fyrir væntanlega flutninga. Þetta gerist allt hægt og rólega hjá okkur Guðmundssen.
En nú er mér óhætt að fara út. Ég er búin að maka á mig sólarvörn. Númer 50 + held ég. Ég þoli ekki lengur mikla sól í andlitið því að ég fæ brúna bletti. Þeir eru þarna en dökkna og fjölgar við sólargeislana og þarf ekki sól til að það gerist. Nóg að það sé léttskýað og að maður sé útivið. Ég sem var brjálaður sóldýrkandi forðast nú sólina ! Það er af sem áður var , myndi maður segja.
Ég fór út áðan og tók til græjur og núna er GR að slá í kringum jarðaberjakassann fyrir mig. Eygló, systir GR, gaf okkur jarðaberjaplöntur fyrir margt löngu. Og nú eru þær að blómstra í fyrsta skipti en eru því miður í mikilli baráttu við alls kyns "óværu" , svo sem gras, sóleyjar, njóla og annað þess háttar. Verkefni dagsins er að bjarga þeim frá köfnum og sjá til þess að einhver ber líti dagsins ljós í haust. Svo dróst það nú að setja plast á kassann (maður ræskir sig nú...) og ætla ég nú að bæta úr því. "Betra seint en aldrei" hefur lengi verið uppáhalds máltæki mitt þar sem það reddar heiðri mínum ansi oft.
"Dönsku" drengirnir, Styrmir og Stefnir eru farnir upp í fjall á sundskýlum til að fara í fossasturtu. Það er vinsælt hjá krökkum hér að fara upp í fjall á góðviðrisdegi og bleyta aðeins í sér. Ég skil það mjög vel því að ég man vel eftir þeim dögum er maður undi sér við að busla í vatni þegar færi gafst. T:d. með langömmu í bústað hennar í Fljótunum og við Hvin , við Þingvallavatn. Þar var spennandi lækur að leika sér í og var jafnvel hægt að liggja þar á vindsæng. Seinna fór ég svo í "randonné aquatigue" í Cevenna fjöllunum í Suður Frakklandi. Þar fór ég niður árfarveg í blautbúningi og voru ýmsar kúnstir stundaðar á leiðinni. Svo hefur maður nú farið nokkrum sinnum í "river rafting" og líka stokkið úr nokkurri hæð út í Hvítá og líka þessa frönsku á , sem ég man ekki lengur hvað heitir.

Hlyindi

Það er óskaplega hlýtt hér undir Eyjafjöllum. Algert logn og skýað. Frábært veður til garðverka, til að mynda.
En ég fékk allt í einu smá tiltektarkipp og því er ég inni við með opið út á hlað svo að ég fái smá ferskan andblæ inn til mín og svo rek ég nefið út öðru hvoru til að njóta blíðunnar og fá smá tilbreytingu.

Fimmtudagur og frökenin fer

Frökenin er að fara að taka rútuna á eftir. Hún er að leggja af stað í ferðalag með fjöslkyldu sinni í kvöld. Þau fara til Ólafsfjarðar.
Guðmundur var að koma frá lækni og það hefur þornað til .
Ekkert sérstakt að gerast hjá okkur í morgun. Krakkarnir fóru upp í fjall og renndu sér svo niður á rassinum. Það sést enn farið í hlíðinni eftir þau og ég er með grasgrænar nærbuxur í þvottahúsinu.

Þoka, bleyta og afmælisboð

Í dag er svipuð leiðindi í veðrinu og í gær nema hvað mér virðist vera minni vindur.
Heimilishaldið gengur vel og börnin eru virk. Klukkan eitt koma vinir Katrínar úr sveitinni og þá verður haldin pizzu- og ísveisla.
Ég er syfjuð enda lengi að vakna, þrátt fyrir morgunmat, lýs og önnur bætiefni sem og dásamlegt kaffi.
Svo er það Selfoss seinni partinn og Bónus og fundur.

Fimm manna "fjölskylda" !

NÚna erum við með þrjú börn í fóstri. Stefnir og Styrmir komu hér fyrr í kvöld og nú er ég að klára að koma þeim fyrir. Stefnir er með Guðmundi í fjósinu. Það var kýr að bera fyrr í kvöld og það þarf eitthvað að sinna henni. Kálfurinn var reyndar dauður en það er nú annað mál. Klukkan er orðin margt og þetta hefur verið góður dagur. Það er gaman að fá skemmtilegt fólk í heimsókn og ég gerði fiskibollur sem að ég var mjög ánægð með.

Heima er Bezt aftur

Það er blíða undir fjöllunum, mér finnst vera svalt en Guðmundi og Katrínu finnst vera heitt !!! Því hafa þau opið út og mér er því skítkalt bara.
Við fórum í afmæli í Breiðholti í gær til frænda okkar Jónasar sem varð 13 ára, mamma hans og Harpa vinkona Fanneyjar eiga afmæli í dag. Ragnar Lárusson , systursonur Guðmundar á afmæli á morgun. Amma Fanney átti líka afmæli 4. júlí.

Við hömuðumst við að klára ganginn í gær og þegar við vorum langt komin birtist Guðmundur sjálfur öllum að óvörum. Því var tekið til hendinni að undirbúa stofuna undir málningu og gekk það vel enda munaði um bóndann. Klárað var að mála fyrri umferð á stofuloftið áður en við héldum í borgina.
Málið var að ég var ekki viss um að fara í afmælið vegna þreytu en þegar faðir minn læsti lyklana inni í húsbílnum sínum var ekki um annað að ræða en að koma honum í Kópavoginn til að sækja varalykla ! Við tókum líka Katrínu með sem ætlar að vera hér fram á fimmtudag þegar hún fer í ferðalag norður í land með fjölskyldu sinni.
Pabbi minn er búinn að klára að mála loftið ! Hann gerði það þegar við komum til baka í gærkveldi. Hann var alveg óður í að klára þetta, það var ekki nokkur maður að reka á eftir honum. Ég er honum því enn þakklátari en áður.

Í dag koma hingað bræðurnir Stefnir og Styrmir en þeir voru hér líka í fyrra. Og svo á að halda litla sveitaafmælisveislu fyrir Katrínu með vinum hennar í sveitinni, það verður á miðvikudaginn.

Svo má þess geta að í gær sendu karlarnir mig út í búð að kaupa meira teip og annað og ég kom heim með hjól, lás og hjálm !!! Ég er hæst ánægð með að geta hjólað um á Selfossi með mig og Lukku mína. Ég bíð miðvikudagsins með eftirvæntingu til að geta farið í hjólreiðaferð.

Skrif gærdagsins

1. júlí, 2006

Veðrið hér á Selfossi hefur verið afar gott í dag. Ótrúlega hlýtt og sólskin
af og til og rúmlega það. Ég kom hér í gær úr Reykjavíkinni. Ég fór út að ganga
með Lukku og fékk gesti. Ásgeir frændi og hans fjölskylda, á nýja húsbílnum sínum
með son Lukku, hann Makka.

Rétt f. hádegi í dag kom pabbi enn einu sinni til að hjálpa mér að mála ! En ekki hvað ?
Hann á von á að fá fálkaorðu Margrétar fyrir vel unnin störf í þágu frumburðarins.
Sá fyrsti sem fær orðuna verður hins vegar hann Guðmundur fyrir að búa með mér.
Ég á aðeins eftir að búa til orðurnar sjálfar og ákveða viðeigandi seremóníur fyrir
afhendinguna.

Nú þegar klukkan er að verða hálftíu á laugardagskveldi þá er búið að mála ganginn.
Loftið búið, en á eftir að fara eina umferð yfir veggina. Það gerum við í fyrramálið og
ráðumst svo á stofuna sjálfa.

Mikið hlakka ég til.

Það er öðru vísi að flytja hingað en á marga aðra staði sem að ég hef búið á.
Hér hef ég aldrei búið en hér þekki ég þó nokkuð marga.
Ég fer varla út án þess að hitta einhvern sem að ég þekki. Ég þekki auðvitað
nokkra í Grímsnesinu frá því að ég bjó þar og svo er Selfoss auðvitað
metropollis Suðurlands og hingað koma allir Rangæingar til að versla í Bónus
osso videre.

Myndir ur afmælinu

Lukka og Gísli í garðinum. Þau eru afar góðir vinir og Gísli má tuskast með hana eins og hann vill.
Katrín og Lukka í garðinum hjá Fanneyju.
Hér má sjá frændsystkinin Ingibjörgu og Gísla sem að eiga sama afmælisdag og eru ofsalega fínir vinir.


Úr eldhúsinu: Elísabet, Gísli , Imba, Katrin og María.

Frökenin sjálf, orðin átta ára.